ବଢୁଛି ଖରା । ଦିନକୁ ଦିନ ତାତିକୁ ନେଇ ଚିନ୍ତାରେ ଲୋକେ । ଆଉ ଏ ଭିତରେ ଯଦି କେଉଁ ଜିନିଷ ଖାଇଲେ ମନ ଆଉ ପେଟକୁ ଶାନ୍ତି ଦିଏ ତାହେଲେ ତାହା ହେଉଛି ଆମ୍ବ । କିନ୍ତୁ ସେଥିରେ ଟିକେ ଟ୍ବିଷ୍ଟ ଅଛି, ଯାହା ଆପଣଙ୍କ ସ୍ଵାଦକୁ ଆହୁରି ଦ୍ଵିଗୁଣିତ କରିବ । ତାହା ହେଉଛି ଗୁପଚୁପ । ଖାଲି ଗୁପଚୁପ ନୁହେଁ ମ, ମ୍ୟାଙ୍ଗୋ ଗୁପଚୁପ । ଖଟାମିଠା ସ୍ଵାଦର ଆମ୍ବ ଗୁପଚୁପ । ଯାହା ଆପଣ ଥରେ ଖାଇଲେ ବାରମ୍ବାର ଖାଇବାକୁ ଇଚ୍ଛା କରିବେ । ଗୁପଚୁପ ତ ସମସ୍ତଙ୍କୁ ପସନ୍ଦ, ଆଉ ଖରାଦିନ ପାଇଁ ଆମ୍ବ ବି ସମସ୍ତଙ୍କୁ ପସନ୍ଦ । ଆଉ ଗୁପଚୁପ ଆମ୍ବର କମ୍ବିନେସନ ବେଶ ନିଆରା । ଏପରି ରେସିପିକୁ "ଦ ସ୍ପାଇସି ଷ୍ଟୋରୀ" ନାମକ ଏକ ଇନଷ୍ଟାଗ୍ରାମ ପେଜ ନିଜ ଆକାଉଣ୍ଡରେ ଶେୟାର କରିଛନ୍ତି । ଏପରି ନିଆରା ରେସିପି ଆପଣ ନିଜ ଘରେ ନିଶ୍ଚିନ୍ତ ପ୍ରସ୍ତୁତ କରିବା ଦରକାର ।

କିପରି ପ୍ରସ୍ତୁତ କରିବେ "ଆମ୍ବ ଗୁପଚୁପ" ?

ଏହି ଗୁପଚୁପର ପାଣି ପ୍ରସ୍ତୁତ କରିବା ପାଇଁ ଆବଶ୍ୟକ ହେଉଥିବା ସାମଗ୍ରୀ ଗୁଡିକ ହେଉଛି, କିଛି ପାଚିଲା ଆଉ କଞ୍ଚା ଆମ୍ବ, ପୁଦିନା ପତ୍ର, ଧନିଆ ଗୁଣ୍ଡ , ଅଦା, କଞ୍ଚାଲଙ୍କା , ଚାଟ୍ ମସଲା , ଆମଚୁର ପାଉଡର , କଳାଲୁଣ, ଜିରା ପାଉଡର ।
ପ୍ରଥମେ କିଛି ଆଳୁ ସିଝାଇ ସେଥିରେ ସିଝା ହୋଇଥିବା କଳାଚଣାକୁ ପକାନ୍ତୁ । ସେଥିରେ କିଛି କଳାଲୁଣ , ଲଙ୍କାଗୁଣ୍ଡ, ଚାଟ ମସଲା ପକାଇ ଗୁପଚୁପର ମସଲା ପ୍ରସ୍ତୁତ କରନ୍ତୁ ।

ପରେ ଗୁପଚୁପର ପାଣି ପ୍ରସ୍ତୁତ କରିବା ପାଇଁ ଆବଶ୍ୟକ ପରିମାଣର କଞ୍ଚା ଆମ୍ବ, ଆଉ କିଛି ପାଚିଲା ଆମ୍ବ ସହ ପୁଦିନା ପତ୍ର, ଧନିଆ ପତ୍ର, ଅଳ୍ପ ଅଦା ଆଉ କିଛି କଞ୍ଚାଲଙ୍କାର ପେଷ୍ଟ ତିଆରି କରନ୍ତୁ । ସେଥିରେ ଚାଟ୍ ମସଲା , ଆଉ ସ୍ଵାଦ ଅନୁସାରେ ଲୁଣ , ଆମଚୁର ପାଉଡର, ଜିରା ପାଉଡର ପକାଇ ଭଲ ଭାବରେ ଗୋଳାଇ ଦିଅନ୍ତୁ ।
ଏହାପରେ ଘରେ ମଇଦାରେ ପ୍ରସ୍ତୁତ କରିଥଇବା ଗୁପଚୁପରେ ଏହି ଆଳୁ ମସଲାକୁ ଭର୍ତ୍ତି କରି ପ୍ରସ୍ତୁତ କରିବା ଖଟାମିଠା ଆମ୍ବପାଣିରେ ବୁଡାଇ ଏହାର ମଜା ନିଅନ୍ତୁ । ଖରାଦିନେ ଏପରି ଘରେ ପ୍ରସ୍ତୁତ କରନ୍ତୁ ।

View this post on Instagram

A post shared by Malvika Hada Kumar | Recipe Developer (@thespicystory)

Argus News | argus news | -Argusnews Home: Odisha Latest News, Breaking News, Trending News, Live TV and more