ସ୍ଵାସ୍ଥ୍ୟ ହିଁ ସମ୍ପଦ । ଏକଥା ଆମେ ସମସ୍ତେ ଜାଣନ୍ତି । ତେଣୁ ସ୍ବାସ୍ଥ୍ୟ ପ୍ରତି ଯତ୍ନବାନ ହେବା ନିହାତି ଜରୁରୀ । କାରଣ ସ୍ବାସ୍ଥ୍ୟ ଭଲ ରହିଲେ, ସବୁ କିଛି ଭଲ ଲାଗେ । ସେହିପରି ମୁହଁର ଯତ୍ନ ନେବା ଏକ ଗୁରୁତ୍ଵପୂଣ୍ଣ କଥା । କିନ୍ତୁ ବର୍ତ୍ତମାନ ବଜାରରେ ବିକ୍ରି ହେଉଥିବା କସମେଟିକ୍ ବ୍ୟବହାର କରିବା ଦ୍ଵାରା ସ୍କିନ୍ ଡ୍ରାଏ ହେବା ସହ ଅନେକ ସ୍କିନ୍ ସମସ୍ୟା ଦେଖାଦେଉଛି । ତେବେ ଆସନ୍ତୁ ଏମିତି କିଛି ଘରୋଇ ଜିନିଷ ବିଷୟରେ ଜାଣିବା ଯାହାକୁ ବ୍ୟବହାର କରିବା ଦ୍ଵାରା ଆପଣଙ୍କ ସ୍କିନ୍ ଚିକ୍କଣ ହେବା ସହ ଗ୍ଲୋ କରିବ ।

ଆପଣ କମଳା ଚୋପାକୁ ଫୁଟାଇ ମଧ୍ୟ ଟୋନର ପ୍ରସ୍ତୁତ କରିପାରିବେ। ଏହାକୁ ତିଆରି କରିବାର ପ୍ରଣାଳୀ ବହୁତ ସହଜ, ଯାହା ଆମେ ଆପଣଙ୍କୁ ଏଠାରେ କହିବାକୁ ଯାଉଛୁ ।

କମଳା ଚୋପା ଏପରି ଏକ ଫଳ ଯାହାକୁ ଖାଇବା ଦ୍ୱାରା କେବଳ ଗୋଟିଏ ନୁହେଁ ବରଂ ଅନେକ ଲାଭ ମିଳିଥାଏ। ଏଥିରେ ଥିବା ପୋଷକ ତତ୍ତ୍ୱ ଆପଣଙ୍କ ସ୍କିନ୍ ଏବଂ କେଶକୁ ଲାଭ ଦେଇପାରେ। ଆପଣ ଏହାର ଚୋପାକୁ ଚର୍ମରେ ଘଷିପାରିବେ, ଏହା ମୁହଁକୁ ଭଲରେ ସଫା କରିଥାଏ। ଏହା ବ୍ୟତୀତ, ଆପଣ କମଳା ଚୋପାକୁ ଫୁଟାଇ ମଧ୍ୟ ଟୋନର ପ୍ରସ୍ତୁତ କରିପାରିବେ। ଗୋଲାପ ଜଳରେ କମଳା ଚୋପାକୁ ମିଶାଇ ରାତିରେ ମୁହଁକୁ ମସାଜ କରନ୍ତୁ, ସକାଳେ ମୁହଁ ଚମକଦାର ଦେଖାଯିବ ।

କମଳା ଚୋପାରୁ କିପରି ଭିଟାମିନ୍ ସି ଟୋନର ତିଆରି କରିବେ

ସର୍ବପ୍ରଥମେ, କମଳା ଚୋପାରୁ ଟୋନର ତିଆରି କରିବା ପାଇଁ, ଏକ ପ୍ୟାନରେ କିଛି ପାଣି ରଖନ୍ତୁ ଏବଂ କମଳା ଚୋପା ପକାଇ ଭଲ ଭାବରେ ଫୁଟାନ୍ତୁ। ଯେତେବେଳେ ଏହା ଭଲଭାବରେ ଫୁଟିବ ଏହାପରେ ସେହି ପାଣିର ରଙ୍ଗ କମଳା ରଙ୍ଗ ହୋଇଯିବ ଏବଂ ସେହି ପାଣି ଫୁଟି ପୁଟି ବହୁତ କମ୍ ପାଣି ରହିବ ତା'ପରେ ସେହି ପାଣିକୁ ଏକ ପାତ୍ରରେ କାଢି ନିଅନ୍ତୁ। ଏବେ ଭିଟାମିନ୍ ଇ କ୍ୟାପସୁଲ୍ ଭାଙ୍ଗି ଏହି ପାଣିରେ ମିଶାନ୍ତୁ। ତା'ପରେ ଏଥିରେ ଗୋଲାପ ଜଳ ମିଶ୍ରଣ କରନ୍ତୁ, ଏହାକୁ ଏକ ସ୍ପ୍ରେ ବୋତଲରେ ରଖନ୍ତୁ । ତା'ପରେ ଏହି ଟୋନରକୁ ଆପଣଙ୍କ ମୁହଁରେ ପ୍ରତିଦିନ ସ୍ପ୍ରେ କରନ୍ତୁ।

ଭିଟାମିନ୍ ସି ଟୋନରର ଲାଭ

ମଳାରୁ ପ୍ରସ୍ତୁତ ଭିଟାମିନ୍ ସି ଟୋନର ଆପଣଙ୍କ ସ୍କିନକୁ ଚିକ୍କଣ କରିଥାଏ । ତାହାସହ ଆପଣଙ୍କ ସ୍କିନକୁ ହାଇଡ୍ରେଟ୍ ରଖିବାରେ ସାହାର୍ଯ୍ୟ କରିଥାଏ ।

ଭିଟାମିନ୍ ସି ଟୋନରରେ ସାଇଟ୍ରିକ୍ ଏସିଡ୍ ଭରପୂର ଥାଏ ଏବଂ ଏଥିରେ ଆଣ୍ଟିବ୍ୟାକ୍ଟେରିଆଲ୍ ଗୁଣ ରହିଛି ଯାହା ଦାଗ ଏବଂ ବ୍ରଣ ସମସ୍ୟାକୁ ମଧ୍ୟ କମାଇଥାଏ । ଏହା ସ୍କିନକୁ ସୁସ୍ଥ ରଖେ ତାହା ସହ ସ୍କିନ୍ ଚିକ୍କଣ ହେବା ସହ ଗ୍ଲୋ କରିଥାଏ ।

ଏହି ଟୋନର କୋଲାଜେନକୁ ବୃଦ୍ଧି କରେ। ଯାହାଦ୍ୱାରା ମୁହଁରେ କୁଞ୍ଚା ହୁଏନାହିଁ ଏବଂ ଚିକ୍କଣ ରେଖିଥାଏ । ଆଉ ଆପଣଙ୍କ ଶିଘ୍ର ବାର୍ଦ୍ଧକ୍ୟ ଛୁଇଁ ନଥାଏ ।