ସବୁବେଳେ ସମସ୍ତେ ସିଙ୍ଗଡା, ବରା, ପକୁଡି ଖାଇ ବିରକ୍ତ ହୋଇଗଲେଣି । ଆଉ ସବୁ ଭାବନ୍ତି କିଛି ନୂଆ ଚଟପଟା ଭଲ ଜିନିଷ ଖାଇବାକୁ । ତେବେ ସିଝା ଆଳୁ ଓ ମକାର ଏହି ରେସିପି ଆପଣଙ୍କୁ ପସନ୍ଦ ଆସିବ ନିଶ୍ଚୟ । ଆଳୁ ଓଡିଆ ଘରର ଏକ ମୁଖ୍ୟ ଖାଦ୍ୟ । ସବୁ ପ୍ରକାର ବ୍ୟଞ୍ଜନରେ ଆଳୁର ବ୍ୟବହାର କରାଯାଏ । ଆଳୁରୁ ସ୍ବାଦିଷ୍ଟ କଟଲେଟ୍ ପ୍ରସ୍ତୁତ କରିପାରିବେ । ଏହା ଖାଇବାକୁ ଏତେ ସୁଆଦିଆ ଯେ ନାଁ ଶୁଣିବା ମାତ୍ରେ ପାଟିରେ ଲାଳ ଆସିଯାଏ । ତେବେ ଚାଲନ୍ତୁ ଜାଣିବା କିପରି ପ୍ରସ୍ତୁତ କରିବେ ଆଲୁ ମକା କଟଲେଟ୍ । ଏହାକୁ ଏୟାର-ଫ୍ରାଏର୍ ବ୍ୟବହାର କରି ବହୁତ କମ୍ ତେଲରେ ପ୍ରସ୍ତୁତ ମଧ୍ୟ କରିପାରିବା

ଆଳୁ କର୍ଣ୍ଣ କଟଲେଟ୍ ପ୍ରସ୍ତୁତି ସାମଗ୍ରୀ:-

୨ କପ୍ ମକା, ୪ ଆଳୁ, ୧ ଚାମଚ ଚିଲି ଫ୍ଲେକ୍ କଟା ପିଆଜ,ଛୋଟ ଚାମଚ ଅଦା ରସୁଣ ଛେଚା, ଧନିଆ ପତ୍ର, ଲଙ୍କା ପାଉଡର, ଲେମ୍ବୁ ରସ, ଲୁଣ, କଞ୍ଚାଲଙ୍କା, ଜୁଆଣି, ତେଲ ଲୁଣ ସ୍ୱାଦଅନୁସାରେ ।

ପ୍ରସ୍ତୁତି ପ୍ରଣାଳୀ:-

ଏୟାର ଫ୍ରାଏର୍‌ରେ ଆଲୁ କର୍ଣ୍ଣ କଟଲେଟ୍ କିପରି ପ୍ରସ୍ତୁତ କରନ୍ତୁ

କିଛି ମକା ନିଅନ୍ତୁ ଏବଂ ସେଥିରୁ ୧ଚାମଚ ରଖନ୍ତୁ । ଅବଶିଷ୍ଟ ମକାଗୁଡିକୁ ଭଲ ଭାବରେ ଗ୍ରାଇଣ୍ଡ୍ କରନ୍ତୁ । ଏକ ବଡ଼ ପାତ୍ରରେ ସଗୁଡିକ କାଢି ଦିଅନ୍ତୁ ଅଗରୁ ରଖାଯାଇଥିବା କଟା ପିଆଜ,ଛୋଟ ଚାମଚ ଅଦା ରସୁଣ ଛେଚା, ଧନିଆ ପତ୍ର, ଲଙ୍କା ପାଉଡର, ଲେମ୍ବୁ ରସ, ଲୁଣ, କଞ୍ଚାଲଙ୍କା, ଜୁଆଣି ଗୁଡିକ ଭଲଭାବରେ ମିଶ୍ରଣ କରନ୍ତୁ ଏବଂ ସ୍ୱାଦଅନୁସାରେ ଲୁଣ ମିଶାନ୍ତୁ ।

ଆପଣଙ୍କର ଏୟାର ଫ୍ରାଏରକୁ 180-200 ଡିଗ୍ରୀ C ରେ 5 ମିନିଟ୍ ପାଇଁ ଗରମ କରନ୍ତୁ। ଏହି ମିଶ୍ରଣକୁ କଟଲେଟ୍ ଆକୃତି କରନ୍ତୁ ଏବଂ ଏହାକୁ ଏୟାର-ଫ୍ରାଏର୍ ରେ ହାଲୁକା ତେଲ ଲଗାଇ ରଖନ୍ତୁ । ସେଗୁଡିକୁ ଏପଟ ସେପଟ କରି ଦୁଇପଟକୁ ଭଲଭାବରେ ଫ୍ରାଏ କରିଦିଅନ୍ତୁ । ଦୁଇପଟ ଭଲଭାବରେ ହେଇଗଲା ପରେ ପ୍ଲେଟ୍ ରେ କାଢି ସସ୍ ସହ ପରଷି ଦିଅନ୍ତୁ ।