ଛୁଆଙ୍କର ଉତ୍ତମ ସ୍ୱାସ୍ଥ୍ୟ ପାଇଁ ବାପା-ମା' ସବୁବେଳେ ଚିନ୍ତିତ ଥାଆନ୍ତି । ସବୁବେଳେ ହେଲଦି ଖାଇବା ଛୁଆଙ୍କୁ ଦେବାକୁ ପସନ୍ଦ କରନ୍ତି । ଛୁଆଙ୍କର ବ୍ରେନ୍ ଡେଭେଲପ୍ ମେଣ୍ଟ ସହ ଫିଜିକାଲ୍ ଡେଭେଲପମେଣ୍ଟ୍ ପାଇଁ ଚେଷ୍ଟା କରିଥାନ୍ତି । ଖାସ୍ କରି ସକାଳର ଜଳଖିଆ ପାଇଁ ବେଶୀ ଚିନ୍ତିତ ଥାଆନ୍ତି । ସକାଳୁ ଏମିତି କ'ଣ ଖାଇବାକୁ ଦେବେ ଯାହା ଛୁଆଙ୍କ ସ୍ୱାସ୍ଥ୍ୟ ପାଇଁ ଭଲ ରହିବ ।

ଇଣ୍ଡିଆନ ଜର୍ନାଲ୍ ଅଫ୍ ପେଡିଆଟ୍ରିକ୍ (2011)ର ଏକ ରିପୋର୍ଟ ଅନୁସାରେ, ଇଡଲି, ଦୋସା, ପୋହା ଏବଂ ଷ୍ଟଫଡ୍ ପରଟା,ଚିଲ୍ଲା, ଉପମା ଭଳି ଭାରତୀୟ ପାରମ୍ପିରକ ଖାଦ୍ୟ ଛୁଆଙ୍କ ଜଳଖିଆ ପାଇଁ ବେଶ ହିତକର । କାରଣ ଏହି ଜଳଖିଆରେ କାର୍ବୋହାଇଡ୍ରେଟ୍ , ପ୍ରୋଟିନ୍ , ଜରୁରୀ ପୋଷକ ତତ୍ତ୍ୱ ଭରପୁର ପରିମାଣରେ ଥାଏ । ଯାହା ଛୁଆଙ୍କ ବ୍ରେନ୍ ଡେଭେଲପମେଣ୍ଟ ସହ ଶାରୀରିକ ବିକାଶ ପାଇଁ ବେଶ ଉପଯୋଗୀ ।

ମୁଗ ଡାଲି ଚିଲ୍ଲା

ଉତ୍ତମ ଜଳଖିଆ ମଧ୍ୟରେ ସବୁଠାରୁ ପ୍ରଥମେ ଆସୁଛି ମୁଗ ଡାଲିରେ ତିଆରି ଚିଲ୍ଲା, ଯେଉଁଥିରେ ପନିର୍ ର ଷ୍ଟଫିଙ୍ଗ୍ ଏବଂ ଯାହାକୁ ହାଲକା ଘିଅରେ ଭଜାଯାଇଥିବ । ଏହି ଜଳଖିଆ ରେ ପ୍ରୋଟିନ୍ , ଆଇରନ୍ ର ପରିମାଣ ଅଧିକ ରହିବା ଫାଇବର୍ ମଧ୍ୟ ଭରପୁର ଥାଏ । ଯାହା ଛୁଆଙ୍କ ବ୍ରେନ୍ ଗ୍ରୋଥ୍ ରେ ସାହାଯ୍ୟ କରିଥାଏ ।

ବେସନ ଚିଲ୍ଲା

ବେସନ ଚିଲ୍ଲା ମଧ୍ୟ ସକାଳ ଜଳଖିଆରେ ବେଶ ଉପଯୋଗୀ । ଯାହା ଚଟଣୀ ସହ ଖାଇବାକୁ ବେଶ ସୁଆଦିଆ ଲାଗିଥାଏ । ଯାହା ହାଇପ୍ରୋଟିନ୍ ଓ ଫାଇବର୍ ରେ ଭରପୁର । ଗଟ୍ ହେଲଥ୍ ଓ ବ୍ରେନ୍ ଡେଭେଲପମେଣ୍ଟ ପାଇଁ ଏହା ବେଶ ଉପଯୋଗୀ ।

ଇଡଲି- ସାମ୍ୱର

ସାଉଥ୍ ର ଏହି ଫେମସ୍ ଇଡଲୀ ସାମ୍ବାର ପ୍ରାୟ ସମସ୍ତଙ୍କୁ ଭଲ ଲାଗେ । ପାଟିକୁ ସୁଆଦିଆ ଲାଗିବା ସହ ଦେହ ପାଇଁ ମଧ୍ୟ ଏହା ଭାରି ଉପଯୋଗୀ । ଇଡଲିରେ ପ୍ରୋଟିନ ରହିବା ସହ ସାମ୍ବରରେ ଫାଇବର୍ ଏବଂ ବିଭିନ୍ନ ପ୍ରକାରର ପରିବା ପଡିବା ହେତୁ ଏହା ଦେହ ପାଇଁ ବହୁତ ଉପଯୋଗୀ । ଯାହା ଛୁଆଙ୍କ ଗ୍ରୋଥ୍ ପାଇଁ ଭାରି ଉପଯୋଗୀ ।

ଷ୍ଟଫ୍ଡ୍ ପରଟା: ଆଳୁ, ପନିର କିମ୍ବା ପନିପରିବା ସହିତ ପୂର୍ଣ୍ଣ ସମ୍ପୂର୍ଣ୍ଣ ଗହମ ପରଟା । ଯାହା ଛୁଆଙ୍କ ବ୍ରେନ୍ ଡେଭେଲପମେଣ୍ଟ ପାଇଁ ଉପଯୋଗୀ ।

ପନିପରିବା ସହିତ ପୋହା ବା ଚୁଡା ଉପମା: ମଟର, ଗାଜର ଏବଂ ବାଦାମ ସହିତ ଚୁଡା ଉପମା ତିଆରି କରିବା ଅତ୍ୟନ୍ତ ସହଜ ।

ଉପମା: ପନିପରିବା ସହିତ ସୁଜି, ଓଟସ୍ ଏବଂ ବାଜରା ମିଶ୍ରଣ ବ୍ୟବହାର କରନ୍ତୁ । ଏକ ଫାଇବରଯୁକ୍ତ, ଶୀଘ୍ର ନାସ୍ତା ଯାହା ଶକ୍ତି ସ୍ତରକୁ ନିୟନ୍ତ୍ରଣ ରଖେ ।

ଖେଚୁଡି: ଏକ ଆରାମଦାୟକ ଖାଦ୍ୟ । ଯେଉଁଥିରେ ବିଭିନ୍ନ ପ୍ରକାରର ପନିପରିବା ମିଶିଥାଏ । ଏହା ପାଚନ ପାଇଁ ଭାରି ଉପଯୋଗୀ ।