ଆମେ ଦାନ୍ତ ସଫା କରିବା ପାଇଁ ପ୍ରତିଦିନ ଟୁଥପେଷ୍ଟ ବ୍ୟବହାର କରୁ, କିନ୍ତୁ ଆପଣ କ’ଣ ଜାଣନ୍ତି ଯେ ଏହା ଅନେକ ଘରୋଇ ଜିନିଷକୁ ଚମକ ଦେବାରେ ମଧ୍ୟ ସାହାଯ୍ୟ କରେ ? ଟୁଥପେଷ୍ଟରେ ଥିବା ପଦାର୍ଥ କଳା ଦାଗକୁ ସଫା କରିବାରେ ସାହାର୍ଯ୍ୟ କରେ । ତେବେ ଆସନ୍ତୁ ଜାଣିବା ଆପଣ ଟୁଥପେଷ୍ଟ ସାହାଯ୍ୟରେ କେଉଁ ଜିନିଷଗୁଡ଼ିକୁ ଏବଂ କିପରି ସଫା କରିପାରିବେ ।

ରୂପା ଅଳଙ୍କାର: ରୂପା ଅଳଙ୍କାରଗୁଡ଼ିକ କିଛିଦିନ ବ୍ୟବହାର କରିବା ଦ୍ଵାରା ଏହା କଳା ଦାଗ ପଡ଼ିପାରେ । ସେଗୁଡ଼ିକୁ ସଫା କରିବା ପାଇଁ ଏହି ଟିପ୍ସ୍ ଆପଣାନ୍ତୁ । ଅଳଙ୍କାରରେ ଟିକିଏ ଟୁଥପେଷ୍ଟ ଲଗାନ୍ତୁ ତା'ପରେ ଏକ ନରମ ବ୍ରଶ୍ କିମ୍ବା କପଡ଼ାରେ ଧୀରେ ଧୀରେ ଘଷି ଦିଅନ୍ତୁ । କିଛି ସମୟ ରଖି ପାଣିରେ ଧୋଇ ଶୁଖିବାକୁ ଦିଅନ୍ତୁ । ଦେଖିବେ ଅଳଙ୍କାରଗୁଡ଼ିକ ପୁଣି ଚମକଦାର ନୂଆ ପରି ହେବ ।

ଖାଲି ସେତିକିନୁହେଁ ଲେମ୍ବୁ ରସର କିଛି ବୁନ୍ଦା କୌଣସି ମଇଳା ଦୂର କରିବ । ତେଣୁ ରୂପା ଜିନିଷକୁ ଉଜ୍ଜ୍ୱଳ କରିବା ପାଇଁ ଆପଣ ଲେମ୍ବୁର ସାହାଯ୍ୟ ନେଇପାରିବେ । ଏଥିପାଇଁ ଲେମ୍ବୁ ରସକୁ ଟୁଥପେଷ୍ଟରେ ମିଶାଇ କିଛି ସମୟ ଘଷନ୍ତୁ । ଏହା କରିବା ଦ୍ୱାରା ରୂପା ସାମଗ୍ରୀ ଉଜ୍ଜ୍ୱଳ ଦେଖାଯିବ

ମୋବାଇଲ୍ ସ୍କ୍ରିନ୍ ଏବଂ ଚଷମା ସ୍କ୍ରିନ୍: ଏକ ମାଇକ୍ରୋଫାଇବର କପଡ଼ାରେ ଅଳ୍ପ ପରିମାଣର ଟୁଥପେଷ୍ଟ ଲଗାନ୍ତୁ । ସ୍କ୍ରିନକୁ ଧୀରେ ପୋଛି ଦିଅନ୍ତୁ । ଏକ ଓଦା କପଡ଼ା ନେଇ ହାଳୁକା ଭାବରେ ପୋଛି ଦିଅନ୍ତୁ । ଅଧିକ ଜୋରେ ଘଷନ୍ତୁ ନାହିଁ କାରଣ ଏହା ସ୍କ୍ରାଚ୍ ହୋଇପାରେ

ଷ୍ଟିଲ୍ ବାସନ: ଷ୍ଟିଲ୍ ବାସନ ଉପରେ ଥିବା କଳା ଦାଗ ଦୂର କରିବା ପାଇଁ ଏହା ବହୁର ଭଲ ଉପାୟ । ଦାଗ ହୋଇଥିବା ସ୍ଥାନରେ ଟୁଥପେଷ୍ଟ ଲଗାନ୍ତୁ । ସ୍କ୍ରବର ସାହାଯ୍ୟରେ ଧୀରେ ଘଷି ଦିଅନ୍ତୁ କିଛି ସମୟ ଛାଡ଼ି ଭଲଭାବରେ ପାଣିରେ ଧୋଇ ଦିଅନ୍ତୁ । ଆପଣଙ୍କ ବାସନ ଚିକଚିକ୍ କରିବ ।

ଟ୍ୟାପ୍ ଏବଂ ଟାଇଲ୍ସ: ଟ୍ୟାପ୍ ଏବଂ ଟାଇଲ୍ସରୁ ଦାଗ ହଟାଇବା ପାଇଁ ଆପଣ ଟୁଥପେଷ୍ଟକୁ ବ୍ୟବହାର କରିପାରିବେ । ରାତିରେ କଳା ହୋଇଥିବା ସ୍ଥାନରେ ଟୁଥପେଷ୍ଟ ଲଗାଇ ଛଡ଼ିଦିଅନ୍ତୁ ତା'ପର ଦିନ ସକାଳେ ଏହାକୁ ଭଲ ଭାବରେ ଘଷି ଦିଅନ୍ତୁ ଦେଖିବେ ଏହା ପୁଣି ନୂଆ ପରି ଚମକିବ ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର...