ଏବେଠୁ ପ୍ରବଳ ଗରମ ଅନୁଭୂତ ହେଲାଣି। ଏପରିକି ସକାଳ ଏବଂ ରାତିର ତାପମାତ୍ରା ମଧ୍ୟ ସାଧାରଣ ଅପେକ୍ଷା ବହୁତ ଅଧିକ । ଏବଂ ଏହି କାରଣରୁ ଆମ ମଧ୍ୟରୁ ଅନେକ ରାତି ସାରା ଏସି ଲଗାଇ ଶୋଇଥାନ୍ତି । କିନ୍ତୁ ଏପରି କରିବା ଦ୍ୱାରା ଅନେକ ରୋଗ ହୋଇପାରେ । ଯଦି ଆପଣ ରାତିରେ ୫ ରୁ ୬ ଘଣ୍ଟା ପର୍ଯ୍ୟନ୍ତ ଏସି ଲଗାଇ ଶୋଇଥାନ୍ତି, ତେବେ ଏହି ଭୁଲ ଆପଣଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇପାରେ । ପ୍ରତିଦିନ ଏସିରେ ଶୋଇଲେ କ’ଣ ପ୍ରଭାବ ପଡିଥାଏ ଆସନ୍ତୁ ଜାଣିବା।

ସାରା ରାତି ଏସି ଲଗାଇ ଶୋଇବା ଦ୍ୱାରା ସକାଳୁ ଶରୀରର ପ୍ରବଳ ଦରଜ ଅନୁଭୂତ ହୋଇଥାଏ। ସକାଳେ ଶରୀରରେ ଅନେକ ଯନ୍ତ୍ରଣା ହୋଇଥାଏ । ଯଦି ଏହା ପ୍ରତିଦିନ ଆପଣଙ୍କ ସହିତ ଏପରି ଘଟୁଛି, ତେବେ ବୁଝନ୍ତୁ ଯେ ଆପଣଙ୍କର ହାଡ ଏସିର ନିମ୍ନ ତାପମାତ୍ରାକୁ ସହ୍ୟ କରିପାରିବ ନାହିଁ । ଏସି ର ତାପମାତ୍ରା ପୂରା କମ୍ କରି ଶୋଇବା କାରଣରୁ ଶ୍ୱାସକ୍ରିୟା ଉପରେ ଖରାପ ପ୍ରଭାବ ପକାଇଥାଏ । ବାସ୍ତବରେ, ଏସିର ଥଣ୍ଡା ପବନ ଅନେକ ସମୟରେ ଶ୍ୱାସକ୍ରିୟାର ବିଭିନ୍ନ ଅଂଶକୁ ପ୍ରଭାବିର କରିଥାଏ। ଏବଂ ଏଭଳି ପରିସ୍ଥିତିରେ କାଶ, ଛାତି ଯନ୍ତ୍ରଣା, ନାକରୁ ପାଣି ବୋହିବା, ନିଶ୍ୱାସ ନେବାରେ ଅସୁବିଧା ହଠାତ୍ ଆରମ୍ଭ ହୋଇଥାଏ ।

ଏସି କେବଳ ତାପମାତ୍ରା ହ୍ରାସ କରେ ନାହିଁ, ରୁମରେ ଉପସ୍ଥିତ ଆର୍ଦ୍ରତାକୁ ମଧ୍ୟ ହ୍ରାସ କରିଥାଏ। ଏବଂ ଏହି କାରଣରୁ, ପ୍ରତିଦିନ ଚାଲୁଥିବା ଏସିରେ ଶୋଇବା ଦ୍ୱାରା ଚର୍ମ ଶୁଖିଯାଏ ଏବଂ ଆଖିର ଆଲର୍ଜି ଆଶଙ୍କା ବଢିଯାଏ । କୁଣ୍ଡେଇବା ଏବଂ ଦାଗ ଭଳି ସମସ୍ୟା ମଧ୍ୟ ହୋଇପାରେ । ତେଣୁ ଯଦି ଆପଣ ଚର୍ମ ଏବଂ ଆଖିର ଯତ୍ନ ନେବାକୁ ଚାହୁଁଛନ୍ତି, ତେବେ ଆଜିଠାରୁ ନିଜେ, ପ୍ରତିଦିନ ରାତିରେ ଘଣ୍ଟା ଘଣ୍ଟା ଧରି ଏସି ଚଳାଇ ଶୋଇବାଠାରୁ ଦୂରେଇ ରୁହନ୍ତୁ । ରାତି ସାରା ଏସି ନଲଗାଇ ଗରମକୁ ନିୟନ୍ତ୍ରଣ କରିବା ପାଇଁ ୩ ରୁ ୪ ଘଣ୍ଟା ପାଇଁ ଏସି ଚଳାଇବା ପରେ ଏହାକୁ ବନ୍ଦ କରି ଫ୍ୟାନ୍ ଚଲାନ୍ତୁ। ଏହା ଆପଣଙ୍କ ସ୍ଵାସ୍ଥ୍ୟ ପାଇଁ ଭଲ ହୋଇଥାଏ ।

ରୋଗ ପ୍ରତିରୋଧକ କ୍ଷମତା କମାଏ

ସବୁବେଳେ ଏସିରେ ରହିବା ଦ୍ୱାରା ରୋଗ ପ୍ରତିରୋଧକ ଶକ୍ତି କମିଯାଇଥାଏ । କାରଣ ଥଣ୍ଡା ଅଧିକ ହେଲେ ରକ୍ତବାହୀଗୁଡ଼ିକ ସଂକୁଚିତ ହୋଇଯାଏ ଏବଂ ଏହି କାରଣରୁ ରୋଗ ପ୍ରତିରୋଧକ ଶକ୍ତି ସଠିକ୍ ଭାବରେ କାର୍ଯ୍ୟ କରିବାରେ ସକ୍ଷମ ହୁଏ ନାହିଁ । ଏହାସହ ଏସିରେ ଥିବା ଧୂଳି ଏବଂ ମଇଳା ନାକ ଏବଂ ପାଟି ଦେଇ ପ୍ରବେଶ କରିପାରେ ଏବଂ ଆଲର୍ଜି ରାଇନାଇଟିସ୍ ଭଳି ସମସ୍ୟା ସୃଷ୍ଟି କରିପାରେ । ତେଣୁ, ରାତିରେ ତିନିରୁ ୪ଘଣ୍ଟା ପାଇଁ ଏୟାର କଣ୍ଡିସନର ଚଲାନ୍ତୁ ଏବଂ ସୁସ୍ଥ ଜୀବନ ଯାପନ କରନ୍ତୁ।

Argus News | argus news | -Argusnews Home: Odisha Latest News, Breaking News, Trending News, Live TV and more