ପନୀରରେ ଆପଣ ବିଭିନ୍ନ ପ୍ରକାରର ରେସିପି ବନାଇଥିବେ । ହେଲେ ଥରେ ଘରେ ବନାନ୍ତୁ ଆଫଗାନୀ ପନୀର । ହୋଟେଲ ସ୍ୱାଦ ଭୁଲିଯିବେ । ଆଉ ବାରମ୍ବାର ବନେଇବାକୁ ଇଚ୍ଛା କରିବେ । କେମିତି ବନେଇବେ ଆଫଗାନୀ ପନୀର ଆସନ୍ତୁ ଜାଣିବା...

ସାମଗ୍ରୀ:-

ପିଆଡ, କଞ୍ଚା ଲଙ୍କା, କଞ୍ଚା ହଦଳୀ, ଅଦା, ଭିଜା ଯାଇଥିବା କାଜୁ, ଧନିଆ ପତ୍ର, ଦହି, ପନୀର, ମଲେଇ

ପ୍ରସ୍ତୁତି ପ୍ରଣାଳୀ:-

ପନୀରକୁ ବଡ ବଡ ଖଣ୍ଡ କରି କାଟିନେବେ । ଟିକେ ହଳଦୀ, ସାମନ୍ୟ ଲୁଣ, ଧନିଆ ପତ୍ର ପକେଇ ଗୋଳେଇ କିଛି ସମୟ ପାଇଁ ରଖି ଦିଅନ୍ତୁ ।

ଅନ୍ୟ ଏକ ପାତ୍ରରେ ପିଆଜ ଛୋଟ ଛୋଟ ଖଣ୍ଡ କଟିନେବେ, ଧନିଆ ପତ୍ର ଅଧିକ ପରିମାଣରେ ପକାଇବେ, ଭିଜା ଯାଇଥିବା କାଜୁ , କଞ୍ଚା ହଳଦୀ, କଞ୍ଚା ଲଙ୍କା, ଅଦାକୁ ମିଶାଇ ଏକ ପେଷ୍ଟ ବନେଇ ନେବେ । ଆଉ ଗୋଟିଏ ପାତ୍ରରେ ଦହି, ଅଳ୍ପ ଲୁଣ, ମଲେଇ ପକାଇ ଭଲ ଭାବରେ ଗୋଳେଇ ଦିଅନ୍ତୁ । ସେଥିରେ ଆଗରୁ ବନେଇ ଥିବା ପେଷ୍ଟ ମିଶାଇ ଦେବେ ।

ପ୍ୟାନ୍ ରେ ବଟର୍ ପକାଇବେ । ଏହାପରେ ସେଥିରେ ପନୀର ପକାଇ ଭଲ ଭାବରେ ଭାଜି ନେବେ । ଏହାପରେ ସେଗୁଡିକୁ କାଢି ନେଇ ସେଥିରେ ଆଉ ଟିକେ ବଟର୍ କିମ୍ବା ରିଫାଇନ ତେଲ ପକାଇବେ । ସେଥିରେ ଜିରା, ଗରମ ମସଲା(ଡାଲଚିନି, ଗୋଲମରିଚ,ତେଜପତ୍ର,ଗୁଜୁରାତି) ପକାଇ ହାଲକା ଭାଜିବେ । ସେଥିରେ ଆଗରୁ ପ୍ରସ୍ତୁତ କରି ରଖିଥିବା ସମସ୍ତ ପେଷ୍ଟ ପକାଇ ନେବେ । ସେହି ମିଶ୍ରଣରେ ଲୁଣ ପକାଇବେ , ଲଙ୍କାଗୁଣ୍ଡ, ଧନିଆ ଗୁଣ୍ଡ, ତନ୍ଦୁରୀ ମସଲା ପକାଇ ଭଲ ଭାବରେ ଗୋଳେଇ ନେବେ । ଏହାସହ ସେଥିରେ ଅଳ୍ପ ପାଣି ଦେଇ 5 ମିନିଟ୍ ଫୁଟାଇବା ପାଇଁ ଛାଡି ଦେବେ । ଶେଷରେ ଭଜା ହୋଇଥିବା ପନୀର, ଗରମ ମସଲା ଗୁଣ୍ଡ, ଧନିଆ ପତ୍ର ପକାଇ ଗୋଳାଇନେବେ ।

ଏହାକୁ ଆପଣ ରୁଟି, ପରଟା, କିମ୍ବା ଭାତ ସହ ଖାଇ ପାରିବେ । ଘରକୁ କୁଣିଆ ଆସିଥିଲେ ଏମିତି ବନାନ୍ତୁ ପନୀର । ଆପଣଙ୍କ ସମୟ ବଞ୍ଚାଇବା ସହ ଖୁବ ଜଲଦି ଝଟ୍ ପଟ୍ ତିଆରି ହୋଇଯିବ ଏହି ସୁଆଦିଆ ରେସିପି ।