ଏବେ ପ୍ରାୟ ସମସ୍ତଙ୍କର କେଶ ଝଡ଼ିବା ସମସ୍ୟା ଦେଖା ଦେଲାଣି। କେବଳ ଝଡ଼ିବା ନୁହେଁ ବରଂ କେଶ ପତଳା ହେବା ସହ ଅକାଳରେ ପାଚି ଯାଉଛି। ଏ ସବୁ ସମସ୍ୟା ଏତେ ଜୋର୍‌ରେ ବଢ଼ି ଚାଲୁଛି, ଯାହାର ସମାଧାନ ଅତି କଷ୍ଟକର ମନେ ହେଉଛି। ଏ ସମସ୍ୟାର ମୁଖ୍ୟ କାରଣ ହେଲା – ହରମୋନ ଅସନ୍ତୁଳନ, ଜେନେଟିକ୍ସ, ପ୍ରଦୂଷଣ, ଷ୍ଟ୍ରେସ୍‌, ଠିକ୍‌ ଖାଦ୍ୟ ନ ଖାଇବା, ବେଳେ ବେଳେ ସମ୍ପୂର୍ଣ୍ଣ ନିଦରେ ନ ଶୋଇବା । ଜାଣନ୍ତୁ କେତେକ ଘରୋଇ ଉପଚାର ବିଷୟରେ, ଯାହାଦ୍ୱାରା ସବୁଦିନ ପାଇଁ ଏହି ସମସ୍ୟାରୁ ମୁକୁଳି ପାରିବେ।

ଏପରି ପରିସ୍ଥିତିରେ, ପିଆଜ ରସ ଏକ ଘରୋଇ ଉପଚାର ଭାବରେ କାମ କରିଥାଏ । ପିଆଜ ରସରେ ସଲଫର, ଆଣ୍ଟି-ଅକ୍ସିଡାଣ୍ଟ ଏବଂ ଭିଟାମିନ ଭରପୂର ମାତ୍ରାରେ ରହିଥାଏ ଏବଂ ଏହା କେଶର କୋଷକୁ ମଜବୁତ କରିବାରେ କାମ କରେ। ପତଳା କେଶକୁ ଠିକ୍ କରିବାରେ ସାହାର୍ଯ୍ୟ କରେ ଏବଂ କେଶ ବଢାଇଥାଏ । ପିଆଜ କିପରି ବ୍ୟବହାର କରାଯାଇପାରିବ ଆସନ୍ତୁ ଜାଣିବା ।

କେଶ ପତଳା କରିବା ପାଇଁ ପିଆଜ ତେଲ

ପିଆଜର ବ୍ୟବହାର କରି ଘରେ ବହୁତ ସହଜରେ ପିଆଜ ତେଲ ତିଆରି କରାଯାଇପାରିବ। ଏହି ତେଲ କେଶକୁ ବଢାଇବାରେ ସାହାର୍ଯ୍ୟ କରେ । ମୁଣ୍ଡରେ ଆଣ୍ଟିବ୍ୟାକ୍ଟେରିଆଲ ଗୁଣ ଦେଇଥାଏ ତା'ସହ ରକ୍ତ ସଞ୍ଚାଳନରେ ଉନ୍ନତି କରେ ଏବଂ କେଶ ଝଡ଼ିବାକୁ କମ୍ କରେ ।

ପିଆଜ ତେଲ ତିଆରି କରିବା ପାଇଁ, ଏକ ପାତ୍ରରେ ନଡ଼ିଆ ତେଲ ନିଅନ୍ତୁ, ସେଥିରେ ପିଆଜ ରସ ମିଶାନ୍ତୁ ଏବଂ ଏହାକୁ ଗ୍ୟାସରେ ବସାନ୍ତୁ । ଆପଣ ଚାହିଁଲେ ପିଆଜକୁ କାଟି ଏହି ତେଲରେ ରାନ୍ଧିପାରିବେ। ଏହି ତେଲକୁ ରାନ୍ଧିବା ପରେ,ଗ୍ୟାସ ବନ୍ଦ କରିଦିଅ। ଏବେ ଆପଣଙ୍କ ପିଆଜ ତେଲ ପ୍ରସ୍ତୁତ ହୋଇଗଲା । ସପ୍ତାହରେ ୨ ରୁ ୩ ଥର ମୁଣ୍ଡର ମାଲିସ ପାଇଁ ଏହି ପିଆଜ ତେଲ ବ୍ୟବହାର କରନ୍ତୁ।

କେଶରେ ଭଲଭାବରେ ପିଆଜ ତେଲ ଲଗାନ୍ତୁ। ତେଲ ଟିକେ ଗରମ ହେଲେ ଭଲ। ଏହି ତେଲକୁ ମୁଣ୍ଡରେ ଲଗାନ୍ତୁ ଏବଂ ମସାଜ କରନ୍ତୁ। ଏହାକୁ ମୂଳରୁ ମୁଣ୍ଡର ଶେଷ ପର୍ଯ୍ୟନ୍ତ ଲଗାନ୍ତୁ। ତେଲ ଲଗାଇ ଗୋଟିଏରୁ ଦେଢ଼ ଘଣ୍ଟା ରଖନ୍ତୁ ଏବଂ ତା'ପରେ ସାମ୍ପୁ ସାହାଯ୍ୟରେ ଧୋଇ ଦିଅନ୍ତୁ। ପିଆଜ ତେଲ କେଶକୁ ବଢାଇଥାଏ ।

ପିଆଜ ତେଲ ଲଗାଇବାର ଲାଭ

ପିଆଜ ତେଲ କେଶ ମୂଳକୁ ମଜବୁତ କରେ

ପିଆଜ ତେଲ ମୁଣ୍ଡକୁ ଲାଭଦାୟକ ଆଣ୍ଟି-ଅକ୍ସିଡାଣ୍ଟ ଯୋଗାଇଥାଏ

ରକ୍ତ ସଞ୍ଚାଳନ ବୃଦ୍ଧି ହେତୁ, ଅମ୍ଳଜାନ ଭଲ ଭାବରେ ମୁଣ୍ଡରେ ପହଞ୍ଚିଥାଏ

ମୁଣ୍ଡରେ ଜମା ହୋଇଥିବା ରୂପି ଦୂର କରିବାରେ ମଧ୍ୟ ପିଆଜ ରସ ପ୍ରଭାବଶାଳୀ