ଅନେକ ଲୋକଙ୍କୁ ସୁନା ପିନ୍ଧିବାକୁ ଭଲ ଲାଗେ । ବିଶେଷକରି ବିଭିନ୍ନ ଉତ୍ସବ ବା ପର୍ବପର୍ବାଣୀ ଅବସରରେ ମହିଳାଙ୍କଠାରୁ ଆରମ୍ଭ କରି ପୁରୁଷ ପର୍ଯ୍ୟନ୍ତ ସମସ୍ତେ ସୁନା ଅଳଙ୍କାର ପିନ୍ଧିବାକୁ ପସନ୍ଦ କରନ୍ତି । କିନ୍ତୁ ଆପଣ ଜାଣନ୍ତି କି ସୁନା ପିନ୍ଧିବାର ଏକ କ୍ରାଇଟେରିଆ ରହିଛି। ଧାର୍ମିକ, ବୈଜ୍ଞାନିକ ଏବଂ ଜ୍ୟୋତିଷ କାରଣ ଯୋଗୁଁ ହିନ୍ଦୁ ଧର୍ମରେ ଅଣ୍ଟା ତଳକୁ ସୁନା ଅଳଙ୍କାର ପିନ୍ଧିବା ଉଚିତ୍ ନୁହେଁ । ଏହା ଅନେକ ବର୍ଷ ପୁରୁଣା ପରମ୍ପରା, ଯାହା ଆଜି ବି ପାଳନ କରାଯାଉଛି । ହେଲେ କାହିଁକି କେହି ଅଣ୍ଟା ତଳକୁ ସୁନା ପିନ୍ଧନ୍ତି ନାହିଁ, ସବୁବେଳେ ସମସ୍ତଙ୍କ ପାଦରେ ରୁପା ପାଉଁଜି ଥାଏ, ହେଲେ କେବେ ସୁନା ପାଉଁଜି ଥିବାର କେହି ଦେଖିନଥିବେ। ଏହାର ଅନେକ କାରଣ ରହିଛି।

ସୁନା ଏକ ମୂଲ୍ୟବାନ ଧାତୁ, ଯାହାକୁ କେବଳ ଧାର୍ମିକ ଏବଂ ଜ୍ୟୋତିଷ ଦୃଷ୍ଟିକୋଣରୁ ମଧ୍ୟ ଗୁରୁତ୍ୱପୂର୍ଣ୍ଣ ବୋଲି କୁହାଯାଏ । ହିନ୍ଦୁ ଧର୍ମରେ ସୁନାକୁ ପବିତ୍ର ଏବଂ ଦେବୀ ଲକ୍ଷ୍ମୀଙ୍କ ପ୍ରତୀକ ବୋଲି ବିବେଚନା କରାଯାଏ । ଏହି କାରଣରୁ ସୁନା ଅଳଙ୍କାରକୁ ସମ୍ମାନ ଏବଂ ଶ୍ରଦ୍ଧାର ସହିତ ପିନ୍ଧାଯାଏ । ଜ୍ୟୋତିଷ ଶାସ୍ତ୍ର ଅନୁସାରେ, ଶରୀରରେ ଶକ୍ତିର ପ୍ରବାହ ଉପରୁ ତଳକୁ ହୋଇଥାଏ । ସୁନାରେ ସକାରାତ୍ମକ ଶକ୍ତି ଥାଏ ଏବଂ ଏହାକୁ ଅଣ୍ଟା ଉପରେ ପିନ୍ଧିବା ଦ୍ୱାରା ଏହି ଶକ୍ତି ସାରା ଶରୀରରେ ପ୍ରବାହିତ ହୁଏ । ହିନ୍ଦୁ ଧର୍ମରେ ସୁନାକୁ ପବିତ୍ର ବୋଲି ବିବେଚନା କରାଯାଏ ଏବଂ ଏହା ଦେବୀ ଲକ୍ଷ୍ମୀଙ୍କ ପ୍ରତୀକ, ତେଣୁ ଏହାକୁ ଅଣ୍ଟା ତଳେ ପିନ୍ଧିବା ନିଷେଧ । ଧାର୍ମିକ ବିଶ୍ୱାସ ଅନୁସାରେ, ଏହା କରିବା ଦେବୀ ଲକ୍ଷ୍ମୀ ଏବଂ ଭଗବାନ ବିଷ୍ଣୁଙ୍କ ଅପମାନ ବୋଲି ବିବେଚନା କରାଯାଏ ।

କୁହାଯାଏ ଯେ, ଶରୀରରେ ଶକ୍ତିର ପ୍ରବାହ ଉପରୁ ତଳକୁ ହୋଇଥାଏ । ଅଣ୍ଟା ତଳେ ସୁନା ଅଳଙ୍କାର ପିନ୍ଧିବା ଦ୍ୱାରା ଶକ୍ତି ପ୍ରବାହ ବାଧାପ୍ରାପ୍ତ ହୁଏ । ସୁନା ଏକ ଗରମ ଧାତୁ ହୋଇଥିବା ବେଳେ ରୂପା ଏକ ଥଣ୍ଡା ଧାତୁ । ବିଶ୍ୱାସ କରାଯାଏ ଯେ ଅଣ୍ଟା ଉପରେ ସୁନା ଅଳଙ୍କାର ପିନ୍ଧିଲେ ଶରୀର ଉଷ୍ମ ରହିଥାଏ, ତେବେ ଅଣ୍ଟା ତଳେ ରୂପା ଅଳଙ୍କାର ପିନ୍ଧିଲେ ଶରୀର ଥଣ୍ଡା ରହିଥାଏ । ଭଗବାନ ବିଷ୍ଣୁଙ୍କୁ ମଧ୍ୟ ସୁନା ବହୁତ ପ୍ରିୟ । ବିଶ୍ୱାସ କରାଯାଏ ଯେ ଅଣ୍ଟା ତଳେ ସୁନା ଅଳଙ୍କାର ପିନ୍ଧିବା ମଧ୍ୟ ଭଗବାନ ବିଷ୍ଣୁଙ୍କ ଅପମାନ ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର: