ଅର୍ଗସ ବ୍ୟୁରୋ: ଆଜିକାଲି ଆମେ ମୋବାଇଲ ଫୋନ୍‌ରେ ଏତେ ବ୍ୟସ୍ତ ଯେ କେତେବେଳେ ହାତରେ ଧରି କଥା ହେଉଛନ୍ତି ତ ଆଉ କେତେବେଳେ ହେଡ୍‌ଫୋନ୍‌ ଦେଇ କଥା ହେଉଛନ୍ତି । ଘଣ୍ଟେ କି ଦୁଇ ଘଣ୍ଟା ନୁହେଁ ବରଂ ଘଂଟାଘଂଟା ଧରି ଆମେ କଥା ହେଉଛନ୍ତି । ହେଲେ ଆପଣ ଜାଣିଛନ୍ତି କି ? ଏମିତି କରିବା ଦ୍ଵାରା ଆମ ଶରୀର ଉପରେ କେତେ ମାତ୍ରାରେ ଖରାପ ପ୍ରଭାବ ପଡୁଛି ?

ହେଡ୍ ଫୋନ୍ ବ୍ୟବହାର ଆମ ଶରୀର ଉପରେ କ'ଣ ପ୍ରଭାବ ପକାଏ ?

ଯଦି ଜଣେ ବ୍ୟକ୍ତି ଅଧିକ ସମୟ ପାଇଁ ଜୋର୍ ରେ ଭଲ୍ୟୁମ୍ ଦେଇ ଶୁଣେ ତେବେ କାନ ଭିତରେ ଏହା ଖରାପ ପ୍ରଭାବ ପକାଏ । ଶ୍ରବଣ ସ୍ନାୟୁ ଅତି ସମ୍ବେଦନଶୀଳ । ଖୁବ ଜୋର୍ ରେ ଓ ଦୀର୍ଘ ସମୟ ଏଥିରେ ଶୁଣିବା ଦ୍ୱାରା କାନର ପରଦା ଉପରେ ଖରାପ ପ୍ରଭାବ ପକାଏ । ଏମିତିକି ଶ୍ରବଣ ଶକ୍ତି ଚାଲି ଯିବାର ମଧ୍ୟ ଆଶଙ୍କା ଥାଏ । ଶ୍ରବଣ କୋଷ ନଷ୍ଟ ହୋଇପାରେ ।

ହେଡଫୋନ୍ କିମ୍ବା ଇୟରଫୋନର ଅତ୍ୟଧିକ ବ୍ୟବହାରର ପାର୍ଶ୍ୱ ପ୍ରତିକ୍ରିୟା କ'ଣ ....

1. ବଧିରତା

ଇୟରଫୋନ୍ କିମ୍ବା ହେଡଫୋନ୍ ମାଧ୍ୟମରେ ଉଚ୍ଚ ସ୍ୱର ଶୁଣିବା ଆପଣଙ୍କ ଶ୍ରବଣ କ୍ଷମତା ଉପରେ ପ୍ରଭାବ ପକାଇପାରେ । କାନର ଶ୍ରବଣ କ୍ଷମତା କେବଳ 90 ଡେସିବଲ୍ । ହେଲେ ହେଡ୍ ଫୋନ୍ ରେ କ୍ରମାଗତ ଶୁଣିବା ଦ୍ୱାରା ଶ୍ରବଣ କ୍ଷମତା 40-50 ଡେସିବଲ୍ ହ୍ରାସ ପାଇପାରେ ।

2. ହୃଦରୋଗର ଆଶଙ୍କା

ବିଶେଷଜ୍ଞଙ୍କ ଅନୁଯାୟୀ, ଘଣ୍ଟା ଘଣ୍ଟା ହେଡଫୋନ୍ ପିନ୍ଧିବା ଏବଂ ସଙ୍ଗୀତ ଶୁଣିବା କାନ ସହ ହୃଦପିଣ୍ଡ ପାଇଁ ମଧ୍ୟ ଭଲ ନୁହେଁ । ଏହା କେବଳ ହୃଦପିଣ୍ଡକୁ ଶୀଘ୍ର ଆଘାତ କରେ ନାହିଁ , ବରଂ ହୃଦପିଣ୍ଡକୁ ଅନେକ କ୍ଷତି ମଧ୍ୟ କରିଥାଏ ।

3. ମୁଣ୍ଡବିନ୍ଧା

ହେଡଫୋନ୍ କିମ୍ବା ଇୟରଫୋନ୍ ରୁ ବାହାରୁଥିବା ଇଲେକ୍ଟ୍ରୋମ୍ୟାଗ୍ନେଟିକ୍ ୱେଭ୍ ମସ୍ତିଷ୍କ ଉପରେ ଖରାପ ପ୍ରଭାବ ପକାଇଥାଏ । ଏହି କାରଣରୁ ମୁଣ୍ଡବିନ୍ଧା ଏବଂ ମାଇଗ୍ରେନ ସମସ୍ୟା ଉପୁଜେ । ଅନେକ ଲୋକଙ୍କର ଶୋଇବା ଉପରେ ଏହା ପ୍ରଭାବ ପକାଏ ।

4. କାନ ସଂକ୍ରମଣ

ଇୟରଫୋନ୍ ଗୁଡିକ ସିଧାସଳଖ କାନରେ ରଖାଯାଏ । ଯାହାଦ୍ୱାରା ବାୟୁ ଯିବା ଆସିବାରେ ବାଧା ସୃଷ୍ଟି କରେ । ଆଉ ଏହି ଅବରୋଧ ଦ୍ୱାରା ଜୀବାଣୁ ବୃଦ୍ଧି ସହିତ ବିଭିନ୍ନ ପ୍ରକାରର କାନ ସଂକ୍ରମଣ ବଢିପାରେ ।

5. ଚାପ ଏବଂ ଟେନସନରେ ବୃଦ୍ଧି

ହେଡ ଫୋନ୍ ର ଦୀର୍ଘ ସମୟ ବ୍ୟବହାର ଜଣେ ବ୍ୟକ୍ତିର ସାମାଜିକ ଜୀବନ ଏବଂ ମାନସିକ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଏ । ବ୍ୟକ୍ତିଟି ଅତ୍ୟଧିକ ଚିନ୍ତା କରେ ।
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଆକଳନ କରିଛି ଯେ ହେଡଫୋନ୍ କିମ୍ବା ଇୟରଫୋନର ଅତ୍ୟଧିକ ବ୍ୟବହାର ହେତୁ ସମଗ୍ର ବିଶ୍ୱରେ ପ୍ରାୟ 100 କୋଟି ଯୁବକଙ୍କର ଶ୍ରବଣ କ୍ଷମତା ପ୍ରଭାବିତ ହୋଇପାରେ ।

ଯଦି ଆପଣ ମଧ୍ୟ ସେହି ଲୋକମାନଙ୍କ ମଧ୍ୟରୁ ଜଣେ, ଯେଉଁମାନେ ଘଣ୍ଟା ଘଣ୍ଟା ହେଡଫୋନ୍ ବ୍ୟବହାର କରନ୍ତି, ତେବେ ସାବଧାନ ରୁହନ୍ତୁ । କାରଣ ଏହାର ବ୍ୟବହାର କେବଳ ଆପଣଙ୍କ କାନ ଉପରେ ଖରାପ ପ୍ରଭାବ ପକାଇବ ନାହିଁ, ବରଂ ଶରୀରକୁ ମଧ୍ୟ ଗୁରୁତର କ୍ଷତି ପହଞ୍ଚାଇବ ।

Argus News | argus news | -Argusnews Home: Odisha Latest News, Breaking News, Trending News, Live TV and more