ଚିଅର୍ସ କାହିଁକି କରନ୍ତି? କ'ଣ ଏହା ପଛର କାରଣ ଜାଣନ୍ତୁ...

ଭାରତ ହେଉ କି ଆମେରିକା କିମ୍ବା ଲଣ୍ଡନ... ଯେଉଁ ଦେଶକୁ ବି ଆପଣ ଯିବେ ଦେଖିବେ ଲୋକମାନେ ମଦ ପିଇବା ପୂର୍ବରୁ ଗ୍ଲାସ ଟେକି କୁହନ୍ତି... ଚିଅର୍ସ । ତେବେ ଚିଅର୍ସ କାହିଁକି କୁହନ୍ତି.. ସେଇ ପ୍ରଶ୍ନ ଆପଣଙ୍କ ମନରେ ବି ଦିନେ ନା ଦିନେ ଆସିଥିବ ।

ଚିଅର୍ସ' ଶବ୍ଦଟି ପୁରୁଣା ଫରାସୀ ଶବ୍ଦ 'ଚିଏରେ' ରୁ ଆସିଛି ଯାହାର ଅର୍ଥ... ମୁହଁ । ବହୁ ବର୍ଷ ପୂର୍ବରୁ ଏହି ଶବ୍ଦଟି ଖୁସି ଏବଂ ଉତ୍ସାହ ପ୍ରକାଶ କରିବାର ଏକ ଉପାୟ ଭାବରେ ବ୍ୟବହାର କରାଗଲା । ଆହୁରି ମଧ୍ୟ ମଦ୍ୟପାନ କରିବା ପୂର୍ବରୁ ଚିଅର୍ସ କହି ଶୁଭକାମନା ଜଣାଉଥିଲେ ଲୋକେ ।

ପୂର୍ବ କାଳରେ ମଦରେ ବିଷ ମିଶିବାର ଭୟ ମଧ୍ୟ ରହୁଥିଲା, ତେଣୁ ଚିଅର୍ସ କଲା ବେଳେ ଯେତେବେଳେ ଗ୍ଲାସକୁ ଗ୍ଲାସ ବାଜେ.. ସେତେବେଳେ ଗୋଟିଏ ଗ୍ଲାସରୁ ମଦ ଛିଟିକି ଅନ୍ୟ ଗ୍ଲାସକୁ ପଡ଼େ । ତେଣୁ ଏଥିରୁ ସ୍ପଷ୍ଟ ହୋଇଯାଏ ଯେ ମଦରେ ବିଷ ମିଶି ନାହିଁ ।

ଖାଲି ସେତିକି ନୁହେଁ କୁହାଯାଏ ଯେ ଏଥିରେ ସମସ୍ତ ପାଞ୍ଚଟି ଇନ୍ଦ୍ରିୟ ଅନ୍ତର୍ଭୁକ୍ତ - ଦୃଷ୍ଟି, ସ୍ପର୍ଶ, ସ୍ୱାଦ, ଗନ୍ଧ ଏବଂ ଶ୍ରବଣ ଶକ୍ତି । ଆପଣ ମଦକୁ ଦେଖିପାରିବେ, ସ୍ପର୍ଶ କରିପାରିବେ, ଚାଖିପାରିବେ ଏବଂ ବାସ୍ନା ନେଇପରିବେ ପାଞ୍ଚଟି ଯାକ ଇନ୍ଦ୍ରିୟକୁ ସକ୍ରିୟ କରିବା ପାଇଁ 'ଚିଅର୍ସ' ଶବ୍ଦ କରିଥାନ୍ତି ।

ଏହା ମଧ୍ୟ ବିଶ୍ୱାସ ରହିଛି, ପୂର୍ବ କାଳରୁ ଲୋକମାନେ ବିଶ୍ୱାସ କରୁଥିଲେ ଯେ ଜୋରରେ ଶବ୍ଦ କରିବା ଦ୍ୱାରା ଦୁଷ୍ଟ ଆତ୍ମା ଭୟଭୀତ ହୋଇଯାନ୍ତି । ସେମାନଙ୍କ ଠାରୁ ଦୂରେଇ ରୁହନ୍ତି । ସେଥିପାଇଁ ଉଚ୍ଚ ସ୍ୱରରେ ସେମାନେ 'ଚିଅର୍ସ କରନ୍ତି ।

ଚିଅର୍ସ ପ୍ରାଚୀନ ଯଜ୍ଞ ପ୍ରଥା ସହିତ ମଧ୍ୟ ଜଡିତ ବୋଲି କୁହାଯାଏ । ଯେଉଁଠାରେ ଆଶୀର୍ବାଦ ଏବଂ ଦୀର୍ଘାୟୁ ଆଶାରେ ଦେବତାମାନଙ୍କୁ ମଦ ଅର୍ପଣ କରାଯାଉଥିଲା। ସେଥିଲାଗି ମଦ ଚିଅର୍ସ କରାଯାଉଛି ।