ଫେବୃଆରୀ ମାସ ଆରମ୍ଭ ହେବା ମାତ୍ରେ ପ୍ରେମର ସପ୍ତାହ ଆରମ୍ଭ ହୋଇଥାଏ । ଲାଲ ଗୋଲାପ ସହ ପ୍ରେମର ଗୀତ ସବୁଠି ଶୁଣାଯାଏ । ହଁ, ଆମେ ବର୍ଷର ସବୁଠାରୁ ରୋମାଣ୍ଟିକ ସପ୍ତାହ, ଭାଲେଣ୍ଟାଇନ୍ସ ସପ୍ତାହ ବିଷୟରେ କହୁଛୁ । ଏହି ସପ୍ତାହରେ ଆରମ୍ଭ ଦିନକୁ ରୋଜ୍ ଡେ' କୁହାଯାଏ । କିନ୍ତୁ ଆପଣ କେବେ ଭାବିଛନ୍ତି କି ପ୍ରେମର ଏହି ସପ୍ତାହ ଫୁଲ ଠାରୁ କାହିଁକି ଆରମ୍ଭ ହୁଏ? ଏବଂ ଏହି ବର୍ଷ ଏହି ଦିନଟି କେବେ? ଆସନ୍ତୁ ଜାଣିବା ପ୍ରେମର ଏହି ପରମ୍ପରା ପଛରେ ଥିବା କାହାଣୀ ।

୨୦୨୬ ରେ ରୋଜ୍ ଡେ କେବେ ?
ପ୍ରତିବର୍ଷ ପରି, ୨୦୨୬ ରେ ଫେବୃଆରୀ ୭ ତାରିଖରେ ରୋଜ୍ ଡେ' ପାଳନ କରାଯିବ । ଏହି ବର୍ଷ ଫେବୃଆରୀ ୭ ତାରିଖ ଶନିବାର ଦିନ ପଡ଼ୁଛି । ଯାହା ପ୍ରେମୀମାନଙ୍କ ପାଇଁ ଏକ ଉପହାର । ଶନିବାର ହୋଇଥିବାରୁ, ପ୍ରେମୀଯୁଗଳ ମାନେ ସେମାନଙ୍କ ସାଥୀଙ୍କ ସହିତ ସମୟ ବିତାଇବା ସହ ଏହି ଦିନଟିକୁ ଖୁସି ଖୁସିରେ ପାଳନ କରିବେ ।

ଏହା ଗୋଲାପରୁ କାହିଁକି ଆରମ୍ଭ ହୁଏ?
'ରୋଜ୍ ଡେ'ରୁ ଆରମ୍ଭ ହେଉଥିବା ଭାଲେଣ୍ଟାଇନ୍ସ ସପ୍ତାହ ପଛରେ ଅନେକ ଆକର୍ଷଣୀୟ ରହିଛି । କୁହାଯାଏ ଯେ ଗୋଲାପ ଯାହା ଶବ୍ଦରେ କହିପାରିବ ନାହିଁ ତାହା କହିପାରେ । ପ୍ରେମର ଆରମ୍ଭରେ ଲୋକମାନେ ପ୍ରାୟତଃ ନର୍ଭସ ଅନୁଭବ କରନ୍ତି, ଆଉ ଗୋଲାପ ସେହି ନିରବତାକୁ ଭାଙ୍ଗିଥାଏ । ଭଲ ପାଇବାର ଭାଷାକୁ ସାଥୀ ସମ୍ନାରେ ପରି ପ୍ରକାଶ କରିଥାଏ । ୧୯ ଶତାବ୍ଦୀରେ, ଭାବନା ପ୍ରକାଶ କରିବା ପାଇଁ "ଫ୍ଲୋରିଓଗ୍ରାଫି" (ଫୁଲର ଭାଷା)ର ବ୍ୟବହାର ଆରମ୍ଭ ହୋଇଥିଲା । ଗୋଲାପକୁ ସର୍ବୋଚ୍ଚ ମର୍ଯ୍ୟାଦା ଦିଆଯାଇଥିଲା, ତେଣୁ ପ୍ରେମ ସପ୍ତାହର ପ୍ରଥମ ଦିନକୁ ଏହା ନାମରେ ନାମିତ କରାଯାଇଥିଲା । ଗୋଲାପର କୋମଳତା ଏବଂ ସୁଗନ୍ଧ ସମ୍ପର୍କରେ ସକାରାତ୍ମକତା ଏବଂ ସତେଜତା ଆଣିଥାଏ ।

ବିଭିନ୍ନ ରଙ୍ଗର ଗୋଲାପର ଅର୍ଥ
ଲାଲ ଗୋଲାପ:- ଏହା ଗଭୀର ପ୍ରେମ ଏବଂ ଆବେଗର ପ୍ରତୀକ । ଏହାକୁ ଆପଣ ନିଜର ଜୀବନସାଥୀ କିମ୍ବା ପ୍ରେମିକାକୁ ଦିଅନ୍ତୁ ।
ହଳଦିଆ ଗୋଲାପ:- ଏହି ରଙ୍ଗ ଦୃଢ଼ ବନ୍ଧୁତା ଏବଂ ଖୁସିର ପ୍ରତୀକ । ଏହାକୁ ଆପଣଙ୍କ ସବୁଠାରୁ ଭଲ ବନ୍ଧୁକୁ ଦେଇ ଆପଣଙ୍କ ବନ୍ଧୁତାକୁ ପାଳନ କରନ୍ତୁ ।
ଗୋଲାପୀ ଗୋଲାପ:- ଏହା କୃତଜ୍ଞତା ଏବଂ ଭଲପାଇବା ପ୍ରକାଶ କରିବା ପାଇଁ । ଯଦି ଆପଣ କାହାର ସ୍ୱଭାବକୁ ପ୍ରଶଂସା କରନ୍ତି, ତେବେ ତାଙ୍କୁ ଏହି ଗୋଲାପ ଉପହାର ଦିଅନ୍ତୁ ।
ଧଳା ଗୋଲାପ: ଏହା ପବିତ୍ରତା, ଶାନ୍ତି ଏବଂ ଏକ ନୂଆ ଆରମ୍ଭ ହୋଇଥାଏ । ଏହା କାହାକୁ କ୍ଷମା ମାଗିବା କିମ୍ବା ମତଭେଦ ଶେଷ କରିବା ପାଇଁ ସର୍ବୋତ୍ତମ ।
କମଳା ଗୋଲାପ: ଏହା ଆକର୍ଷଣ ଏବଂ ଆବେଗକୁ ପ୍ରକାଶ କରେ । ଏହା ଦର୍ଶାଏ ଯେ ଆପଣ ସେହି ବ୍ୟକ୍ତି ପ୍ରତି କେତେ ଆକର୍ଷିତ ହେଉଛନ୍ତି ।

ଏହି ଦିନଟିକୁ କିପରି ସ୍ୱତନ୍ତ୍ର କରିବେ?
ଯେହେତୁ ୨୦୨୬ ମସିହାରେ ଗୋଲାପ ଦିବସ ଶନିବାର ଦିନ ପଡୁଛି, ଆପଣ ଆପଣଙ୍କ ସାଥୀଙ୍କୁ କେବଳ ଗୋଲାପ ଦେବା ପରିବର୍ତ୍ତେ ଏକ ଛୋଟ ଉପହାର ମଧ୍ୟ ଦେଇପାରିବେ । ସକାଳେ ଉଠିବା ପୂର୍ବରୁ ତାଙ୍କ ବିଛଣା ପାଖରେ ଗୋଲାପ ରଖନ୍ତୁ, କିମ୍ବା ସନ୍ଧ୍ୟାରେ ଟିକିଏ ବୁଲିବାକୁ ଯାଆନ୍ତୁ ଏବଂ ସେମାନଙ୍କ ପ୍ରିୟ ରଙ୍ଗର ଏକ ଫୁଲ ଉପହାର ଦିଅନ୍ତୁ ।

ଗୋଲାପ ଦିବସ କେବଳ ଏକ ଔପଚାରିକତା ନୁହେଁ, ଏହା ବିଶ୍ୱର ସବୁଠାରୁ ସୁନ୍ଦର ଫୁଲ ମାଧ୍ୟମରେ ଆପଣଙ୍କ ହୃଦୟର ଭାବନାକୁ ପ୍ରକାଶ କରିବାର ଏକ ଉପାୟ । ତେଣୁ ଏହି ଫେବୃଆରୀ ୭ ତାରିଖରେ, ଆପଣଙ୍କର ଭଲ ପାଇବାକୁ ପ୍ରକାଶ କରି ଗୋଲାପ ସହିତ ଏକ ନୂଆ ଏବଂ ସୁନ୍ଦର ସମ୍ପର୍କ ଆରମ୍ଭ କରନ୍ତୁ ।