ଖରାଦିନ ଆରମ୍ଭରୁ ପ୍ରଚଣ୍ଡ ଖରା ଅସ୍ତବ୍ୟସ୍ତ କଲାଣି । ଅତ୍ୟଧିକ ତାତି ଯୋଗୁଁ ସବୁ ସହରର ଲୋକେ ଅସ୍ତବ୍ୟସ୍ତ । ଘରୁ କୌଣସି କାର୍ଯ୍ୟ ପାଇଁ ବାହାରକୁ ପାଦ କାଢିବା ମାତ୍ରେ ସୂର୍ଯ୍ୟଙ୍କ ପ୍ରବଳ ଉତ୍ତାପ ଜାଳି ଦେଉଛି । ଏହି ଉତ୍ତାପରୁ ନିଜକୁ ରକ୍ଷା କରିବାକୁ ଆମେ ସମସ୍ତେ ସନସ୍କ୍ରିନର ବ୍ୟବହାର କରିଥାନ୍ତି । କିନ୍ତୁ ପ୍ରତି ଦୁଇ ଘଣ୍ଟାରେ ଏହାକୁ ବ୍ୟବହାର କରିବା ଆମେ ପକ୍ଷେ ସମ୍ଭବ ନୁହେଁ । ଆଉ କିଛି ଜଣଙ୍କ ତ୍ଵଚାରେ ସନସ୍କ୍ରିନ ଲଗାଇବା ଦ୍ଵାରା ଖରାପ ପ୍ରଭାବ ପକାଇଥାଏ । ଏହାକୁ ନେଇ ତ୍ଵଚା ବିଶେଷଜ୍ଞ ମାନେ କିଛି ଏପରି ଘରୋଇ ସାମଗ୍ରୀର ପରୀକ୍ଷା କରିଛନ୍ତି, ଯାହା ଆପଣଙ୍କୁ ସନଟ୍ୟାନରୁ ତୁରନ୍ତ ରକ୍ଷା କରିବ । ଏହାକୁ ଲଗାଇବା ଦ୍ଵାରା ଆପଣଙ୍କ ତ୍ଵଚା ଥଣ୍ଡା ରହିବା ସହ ତ୍ଵଚାରେ ଚମକ ମଧ୍ୟ ଆସିବ ।

ଦହି :
ଦହି ସନ୍‌ଟ୍ୟାନ୍‌ରୁ ରକ୍ଷା ପାଇବା ପାଇଁ ରାମବାଣ ଅଟେ । ଦହିରେ ପ୍ରୋବାୟୋଟିକ୍ ଏବଂ ଲାକ୍ଟିକ୍‌ ଏସିଡ ଥାଏ, ଏହା ଖରାପ ତ୍ଵଚାକୁ ଟ୍ୟାନକୁ ରକ୍ଷା କରିବାରେ ସାହାଯ୍ୟ କରେ । ଯେଉଁ ସ୍ଥାନରେ ଆପଣଙ୍କର ଆଗରୁ ଟ୍ୟାନ୍ ପଡିଛି, ସେହି ସ୍ଥାନରେ ଦହିକୁ ଲଗାଇ ୧୫ ମିନିଟ୍ ପାଇଁ ଛାଡି ଦିଅନ୍ତୁ । ଏହା ପରେ ଥଣ୍ଡା ପାଣିରେ ତ୍ଵଚାକୁ ଧୋଇ ଦିଅନ୍ତୁ । ଆପଣ ନିଜେ ଏହାର ପ୍ରଭାବ ଦେଖିପାରିବେ ।

ମହୁ :
ମହୁ ତ୍ଵଚା ପାଇଁ ଅତ୍ୟନ୍ତ ଉପକାରୀ । ତ୍ଵଚାକୁ ମଏଶ୍ଚର ରଖିବାରେ ସାହାଯ୍ୟ କରେ ମହୁ । ଯେଉଁ ସ୍ଥାନରେ ଟ୍ୟାନ୍ ରହିଛି, ସେହି ସ୍ଥାନରେ ମହିରୁ ଏକ ପତଳା ଆସ୍ତରଣର ଲେପ ଦିଅନ୍ତୁ । ଏହାକୁ ୨୦ ମିନିଟ୍ ପାଇଁ ଛାଡି ଦିଅନ୍ତୁ । ଟିକେ ଶୁଖି ଆସିଲା ପରେ ଏହାକୁ ଥଣ୍ଡା ପାଣିରେ ଧୋଇ ଦିଅନ୍ତୁ । ଖୁବଶୀଘ୍ର ଏହା ଟ୍ୟାନ ହଟାଇବାରେ ସାହାଯ୍ୟ କରେ ।

ନଡିଆ ତେଲ :
ଅତ୍ୟଧିକ ଟ୍ୟାନ୍‌ ପଡିଲେ ଆପଣଙ୍କ ଚର୍ମର ପରସ୍ତ ଉଠିବା ଆରମ୍ଭ କରେ । ଏହି ସ୍ଥାନରେ ଆପଣ ନଡିଆ ତେଲ ଲଗାଇ ହାଲକା ମସାଜ ଦେବେ । ପ୍ରତିଦିନ ଏହି ସ୍ଥାନରେ ଅଳ୍ପ ଅଳ୍ପ ମାଲିସ କରନ୍ତୁ । ଏହା ସ୍କିନ୍‌କୁ ହାଇଡ୍ରେଟେଡ ରଖିବା ସହ କୋମଳ ରଖିବ ।
ଘରେ ଆପଣ ପ୍ରତିଦିନ ଏହି ଘରୋଇ ସାମଗ୍ରୀ ନିଜ ଟ୍ୟାନ୍‌ରୁ ରକ୍ଷା ପାଇବାକୁ ବ୍ୟବହାର କରିପାରିବେ ।

Argus News | argus news | Odisha Latest News, Breaking News, Trending News, Live TV