ଶ୍ରମିକଙ୍କୁ ଲକ୍ଷେ ଟଙ୍କା ଲେଖାଏଁ ସହାୟତା ରାଶିର ଚେକ୍ ପ୍ରଦାନ କଲେ ସିଏମ ଧାମି

 ନୂଆଦିଲ୍ଲୀ: ଉତ୍ତରକାଶୀ ଟନେଲରୁ ଉଦ୍ଧାର ଶ୍ରମିକଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଛନ୍ତି ଉତ୍ତରାଖଣ୍ଡ ସିଏମ୍ ପୁଷ୍କର୍ ସିଂ ଧାମି । ସିଟି ହସ୍ପିଟାଲରେ 41 ଶ୍ରମିକଙ୍କୁ ଭେଟିବା ସହ କଥା ହୋଇଛନ୍ତି ଧାମି । ଏଥିସହ ଶ୍ରମିକମାନଙ୍କୁ ଲକ୍ଷେ ଟଙ୍କା ଲେଖାଏଁ ସହାୟତା ରାଶିର ଚେକ୍ ପ୍ରଦାନ କରିଛନ୍ତି ଉତ୍ତରାଖଣ୍ଡ ସିଏମ୍ । ସେପଟେ ସବୁ ଶ୍ରମିକଙ୍କ ସହ ଆଜି ଭିଡିଓ କନଫରେନ୍ସିଂ ଜରିଆରେ କଥା ହୋଇଛନ୍ତି ପ୍ରଧାନମନ୍ତ୍ରୀ । ସମସ୍ତଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଛନ୍ତି ।

ଦୀର୍ଘ 17 ଦିନ ପରେ ଉତ୍ତରକାଶୀର ଅନ୍ଧାରୀ ଟନେଲ ଭିତରୁ ଉଦ୍ଧାର ହୋଇଛି 41 ଜୀବନ । ଉଦ୍ଧାର ପରେ ସମସ୍ତ ଶ୍ରମିକଙ୍କୁ ଉତ୍ତରାଖଣ୍ଡର ସିଟି ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ସମସ୍ତଙ୍କ ଉତ୍ତମ ଚିକିତ୍ସା ନିମନ୍ତେ ରିଷିକେଶରେ ଥିବା ଏମସକୁ ସ୍ଥାନାନ୍ତର କରାଯାଇଛି । ବାୟୁସେନାର transport aircraft `ଚିନୁକ'ରେ ସେମାନଙ୍କୁ ଏମ୍‌ସକୁ ସ୍ଥାନାନ୍ତର କରାଯାଇଛି । ପ୍ରଧାନମନ୍ତ୍ରୀ ଶ୍ରମିକଙ୍କୁ ଭେଟିବାକୁ ଏମ୍‌ସକୁ ଯାଇପାରନ୍ତି ବୋଲି ସୂଚନା ମିଳିଛି ।

ଅଧିକ ପଢନ୍ତୁ ଭାରତ ଖବର