ଭାରତୀୟ ସେନାଙ୍କ ପ୍ରତି ସମ୍ମାନ ଓ ଐତିହାସିକ ‘ଅପରେସନ୍ ସିନ୍ଦୂର’ର ସ୍ମୃତିରେ, ଗୁଜରାଟ ସରକାର ଭୁଜ ଅଞ୍ଚଳରେ ଏକ ବିଶେଷ ଥିମ୍ ଉଦ୍ୟାନ -"ସିନ୍ଦୂର ବନ" ଗଠନ କରିବା ନେଇ ଘୋଷଣା କରିଛନ୍ତି ।

ଏହି ପ୍ରକଳ୍ପଟି ଭୁଜ-ମଣ୍ଡବୀ ସଡ଼କରେ ମିର୍ଜାପୁର ନିକଟରେ ୨୦ ଏକର ଜମିରେ ବିକଶିତ ହେବ। ଏହିଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ ଏକ ଜନସଭାକୁ ସମ୍ବୋଧନ ମଧ୍ୟ କରିଥିଲେ।

ଏହି ପ୍ରସ୍ତାବ ଅପରେସନ୍ ସିନ୍ଦୂରର ଅଭୂତପୂର୍ବ ସାହସ ଓ ନିଃସ୍ବାର୍ଥପରତାକୁ ସ୍ମରଣ କରେ, ଯାହା ଏପ୍ରିଲ୍ ୨୨ ରେ ପହଲଗାମ ଆତଙ୍କବାଦୀ ଆକ୍ରମଣରେ ୨୬ ଜଣ ନାଗରିକଙ୍କ ମୃତ୍ୟୁ ପରେ ମେ ୭ ରେ ଆରମ୍ଭ ହୋଇଥିଲା। ଭାରତୀୟ ସେନା ପାକିସ୍ତାନ ଓ ପିଓକେ ରେ ଅବସ୍ଥିତ ଜଇଶ-ଏ-ମହମ୍ମଦ ମୁଖ୍ୟାଳୟ ସମେତ ୯ ଟି ଆତଙ୍କୀ ଆଡ୍ଡାକୁ କରି ଏହି ସଠିକ୍ ଅପରେସନ୍ କରିଥିଲେ।

"ସିନ୍ଦୂର ବନ" 35 ପ୍ରକାର ଦେଶୀ ଗଛ ରୋପଣ ସହ ଗଠନ ହେବ, ଯାହାରେ ପ୍ରଧାନ ଗଛ ଭାବରେ ‘ସିନ୍ଦୂର ଗଛ’ ରହିବ। ଏହା ମାନବୀୟ ସାହସ, ଦେଶପ୍ରେମ ଓ ବଳିଦାନର ଜୀବନ୍ତ ସ୍ମୃତିସ୍ଥଳ ଭାବେ ଉଭୟ ଦେଶବାସୀଙ୍କୁ ଦେଶଭକ୍ତିର ଭାବନାରେ ଭରିଦେବ।

ଏହି ପ୍ରକଳ୍ପ କେବଳ ଏହି ଅପରେଶନ ନୁହେଁ ବରଂ ୧୯୭୧ ର ଭାରତ-ପାକିସ୍ତାନ ଯୁଦ୍ଧ ସମୟରେ ଭୁଜ ଏୟାରବେସ୍ ପୁନର୍ନିର୍ମାଣରେ ମାଧାପର ଗାଁର ୩୦୦ ଜଣୀ ମହିଳାଙ୍କ ଅଭୂତପୂର୍ବ ଭୂମିକାକୁ ମଧ୍ୟ ସ୍ମରଣ କରେ। ୭୨ ଘଣ୍ଟା ମଧ୍ୟରେ ଏହି ମହିଳାମାନେ ପାକିସ୍ତୀନୀ ଜେଟ ଦ୍ବାରା ଧ୍ବଂସ କରାଯାଇଥିବା ଏୟାରସ୍ଟ୍ରିପକୁ ପୁନଃ ତିଆରି କରି ଆଉ ଯାହା ପରେ ଭାରତୀୟ ବାୟୁସେନାର ଲଢ଼ୁଆ ବିମାନ ଆକାଶରୁ ପାକିସ୍ତାନ ଉପରେ ପ୍ରତିକ୍ରିୟାତ୍ମକ ଆକ୍ରମଣକୁ ସମ୍ଭବ କରାଇଥିଲେ।

ସେହି ମହିଳାମାନଙ୍କୁ ଏକ ସମାରୋହରେ ପୁରସ୍କୃତ କରାଗଲା ଯାହା ପରେ ମହିଳାମାନେ ମାନ୍ୟବର ପ୍ରଧାନମନ୍ତ୍ରୀଙ୍କୁ ସିନ୍ଦୂର ଗଛର ଚାରା ଉପହାର ଦେଇଥିଲେ। ପ୍ରଧାନମନ୍ତ୍ରୀ କହିଥିଲେ, “ଏହି ଗଛ ମୋର ନିବାସରେ ଲାଗି ଯେତେବେଳେ ବଡ଼ ବଟବୃକ୍ଷ ହେବ, ସେତେବେଳେ ଏହି ଦେଶର ସାହସ ଓ ପରାକ୍ରମର ପ୍ରତୀକ ହେବ।”

ଅତିରିକ୍ତ ମୁଖ୍ୟ ବନ ସଂରକ୍ଷକ ସନ୍ଦୀପ କୁମାରଙ୍କ କହିବା କଥା ଯେଉଁଠି ମର ସେନା କ୍ୟାମ୍ପ ଅଛି, ସେଠି ଏହି ସିନ୍ଦୂର ଗଛ ଲାଗି ଥିବ। ଏହି ବନ ହେବ ଆମ ସେନାଙ୍କ ସେବାପ୍ରତି ଏକ ଶ୍ରଦ୍ଧାଞ୍ଜଳି।

Argus News | argus news | Odisha Latest News, Breaking News, Trending News, Live TV