କିଏ ଏହି ବାବା ? ଯାହାଙ୍କ ପାଇଁ କାନ୍ଦୁଛି ଭାରତ...
Key Points
୨୦ ବର୍ଷ ବୟସରୁ ରାମ ମନ୍ଦିରରେ ପୂଜା କରିଆସୁଛନ୍ତି
ଶେଷରେ ୮୫ ବର୍ଷୀୟ ବୟସରେ, ଶେଷ ନିଶ୍ୱାସ ତ୍ୟାଗ କରିଛନ୍ତି
ଅର୍ଗସ ବ୍ୟୁରୋ:କୌଣସି ସେଲିବ୍ରେଟି କିମ୍ବା ନେତା ମନ୍ତ୍ରୀଙ୍କ ଦେହାନ୍ତ ହେଲେ ଦିନଯାକ ଖବର ବାଜେ । ଶୋକ ପାଳନ ହୁଏ, ସୋସିଆଲ ମିଡିଆରେ ଖୁବ RIP ଲେଖା ହୁଏ । ହେଲେ ଆଜି ଏଥିରେ ବ୍ୟତିକ୍ରମ ଘଟିଛି । ମୋବାଇଲରୁ ଟିଭି । ରେଡିଓରୁ ପେପର ସବୁଠି ଛାଇ ଯାଇଛି ଜଣେ ସାଧୁଙ୍କ ଫଟୋ । ଧଳା ଧାଢି ରଖିଥିବା ଶତାୟୁ ସାଧୁ ଜଣଙ୍କ ସର୍ବଦା ଗୌରକ ବସ୍ତ୍ର ପରିଧାନ କରିଥାନ୍ତି ।
ପ୍ରଧାନମନ୍ତ୍ରୀଙ୍କ ଠାରୁ ଗୃହମନ୍ତ୍ରୀ, ମୁଖ୍ୟମନ୍ତ୍ରୀଙ୍କ ଠାରୁ ଦେଶର ତମାମ ବିଦ୍ୱାନ ସାଧୁ ଜଣଙ୍କୁ ସମ୍ମାନ କରିଥାନ୍ତି । ଆଜି ତାଙ୍କ ବିୟୋଗରେ ପ୍ରତିଠି ମଠ କାନ୍ଦୁଛି, ପ୍ରତି ଆଖଡାରେ ଶୋକର ଛାୟା । ପ୍ରତି ମନ୍ଦିରରେ ତାଙ୍କ ପାଇଁ ପ୍ରାର୍ଥନା । ସେ ସାଧୁ-ବିଦ୍ୱାନ-ସନ୍ଥ ଜଣଙ୍କ ହେଉଛନ୍ତି ରାମ ମନ୍ଦିରର ମୁଖ୍ୟ ପୂଜକ ସ୍ୱର୍ଗତ ଆଚାର୍ଯ୍ୟ ସତ୍ୟେନ୍ଦ୍ର ଦାସ ।
ପିଲାଟି
ଦିନୁ ପ୍ରଭୁ ରାମଚନ୍ଦ୍ରଙ୍କୁ
ପୂଜାର୍ଚ୍ଚନା କରିଆସୁଛନ୍ତି ।
୨୦
ବର୍ଷ ବୟସରୁ ରାମ ମନ୍ଦିରରେ ପୂଜା
କରିଆସୁଛନ୍ତି ।
ଶେଷରେ ୮୫
ବର୍ଷୀୟ ବୟସରେ,
ଶେଷ
ନିଶ୍ୱାସ ତ୍ୟାଗ କରିଛନ୍ତି ।
୧୯୯୨ ମସିହାରେ ଯେତେବେଳେ ବାବରୀ
ମସଜିଦ ବିବାଦ ଆରମ୍ଭ ହୋଇଥିଲା
ସେତେବେଳେ ସେ ରାମ ଲଲାଙ୍କ ଏକ
ଛୋଟ ମୂର୍ତ୍ତିର ପୂଜାର୍ଚ୍ଚନା
କରୁଥିଲେ । ଗତ ମାସ ଜାନୁଆରୀ ୧୧
ତାରିଖରେ,
ଆଚାର୍ଯ୍ୟ
ସତ୍ୟେନ୍ଦ୍ର ଦାସଙ୍କୁ ଅଯୋଧ୍ୟା
ମନ୍ଦିରରେ ପ୍ରାଣ ପ୍ରତିଷ୍ଠା
ସମାରୋହର ପ୍ରଥମ ବାର୍ଷିକୀ ପାଳନ
କରୁଥିବାର ଦେଖିବା ପାଇଁ ମିଳିଥିଲା
।
ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କର ପିଲାଦିନରୁ ହିଁ ଭଗବାନଙ୍କ ପ୍ରତି ବଢିଥିଲା ଭକ୍ତି ଓ ଅନୁରାଗ । ହେତୁ ପାଇବା ଠାରୁ ସେ ନିଷ୍ପତ୍ତି ନେଇଥିଲେ ଯେ ସେ ସନ୍ୟାସ ଗ୍ରହଣ କରିବେ ଏବଂ ନିଜକୁ ଭଗବାନଙ୍କ ଚରଣରେ ସମର୍ପିତ କରିବେ । ତାଙ୍କର ଏହି ନିଷ୍ପତ୍ତିରେ ତାଙ୍କ ମାତା ପିତା ମଧ୍ୟ ଖୁବ୍ ଖୁସି ଥିଲେ ଏବଂ କୌଣସି ବାଧା ଦେଇନଥିଲେ । ରାମ ମନ୍ଦିର ବିବାଦ ବେଳେ ଆଚାର୍ଯ୍ୟଙ୍କର ଥିଲା ବଡ଼ ଭୂମିକା ।
📱 Get Argus News App
✨ଯେତେବେଳେ
ବଡ଼ ବଡ଼ ସଂଗଠନଗୁଡ଼ିକ ବାବରୀ
ମସଜିଦ ମାମଲାର ବିବାଦକୁ ନେଇ
ମୋର୍ଚ୍ଚା ଆରମ୍ଭ କରିଥିଲେ,
ସେତେବେଳେ
ଆଚାର୍ଯ୍ୟ ସତ୍ୟେନ୍ଦ୍ର ଦାସ ହିଁ
ରାମଲାଲ ମୂର୍ତ୍ତିଙ୍କୁ ସୁରକ୍ଷାରେ
ରଖିଥିଲେ । କୁହାଯାଏ ଯେ ବାବରୀ
ଧ୍ୱଂସ ଦିନ ସେ ରାମ ଲଲାଙ୍କ
ମୂର୍ତ୍ତିକୁ କୋଳରେ ଧରି ପଳାଇ
ଯାଇଥିଲେ ଏବଂ ସେବେଠାରୁ ସେ ରାମ
ଲଲାଙ୍କ ପୂଜାର୍ଚ୍ଚନା କରିଥାନ୍ତି
।
୧୯୪୫ ମସିହାରେ ଉତ୍ତର ପ୍ରଦେଶର ସନ୍ଥ କବୀରନଗରରେ ଜନ୍ମଗ୍ରହଣ କରିଥିଲେ ଆଚାର୍ଯ୍ୟ ସତ୍ୟେନ୍ଦ୍ର ଦାସ । ୧୯୭୫ ମସିହାରେ ସଂସ୍କୃତ ବିଦ୍ୟାଳୟରୁ ଆଚାର୍ଯ୍ୟ ଡିଗ୍ରୀ ହାସଲ କରିଥିଲେ। ଏହା ପରେ ସେ ଅଯୋଧ୍ୟାର ସଂସ୍କୃତ କଲେଜରେ କାର୍ଯ୍ୟ ଆରମ୍ଭ କରିଥିଲେ । ହେଲେ ପରବର୍ତ୍ତୀ ସମୟରେ ସେ ରାମଲଲାଙ୍କ ସେବାରେ ନିଜକୁ ଉତ୍ସର୍ଗ କରି ଦେଇଥିଲେ । ଆଚାର୍ଯ୍ୟଙ୍କର ଇଛା ଥିଲା ତାଙ୍କ ପ୍ରଭୁଙ୍କ ପାଇଁ ଭବ୍ୟ ମନ୍ଦିରଟେ ଗଢା ହେଉ । ଶେଷରେ ତାଙ୍କର ସବୁ ଇଛା ପୂରଣ ହୋଇଥିଲା ।
ଜାନୁୟାରୀ 22 2024 ରେ ପ୍ରତିଷ୍ଠା ହୋଇଥିଲା ପ୍ରଭୁ ପୁରୁଷୋତ୍ତମଙ୍କ ଦିବ୍ୟ ମନ୍ଦିର । ଆଉ ଆଜି ଯେତେବେଳେ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ମହାପ୍ରୟାଣ ଘଟୁଛି ସେତେବେଳେ ସମସ୍ତ ସାଧୁ ସମାଜ ତାଙ୍କୁ ମନେପକାଉଛନ୍ତି । ଶେଷରେ କହୁଛନ୍ତି ଜୟ ଶ୍ରୀ ରାମ୍....