ଅର୍ଗସ ବ୍ୟୁରୋ : ଦିଲ୍ଲୀ ବିଧାନସଭା ନିର୍ବାଚନ ଲାଗି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ବିଜେପି। ଦ୍ବିତୀୟ ପର୍ଯ୍ୟାୟରେ ମଧ୍ୟ 29 ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି ଦଳ । ପ୍ରଥମ ପର୍ଯ୍ୟାୟ ପରି ଦ୍ବିତୀୟ ପର୍ଯ୍ୟାୟରେ ମଧ୍ୟ ବହୁ ହାଇ ପ୍ରୋଫାଇଲ୍ ନେତାଙ୍କୁ ବିଜେପି ପ୍ରାର୍ଥୀ କରିଛି। ନରେଲା ଆସନରୁ ରାଜକରଣ କ୍ଷେତ୍ରୀ, ତିମାରପୁର ଆସନରୁ ସୂର୍ଯ୍ୟପ୍ରକାଶ ଖତ୍ରୀ, ମୁଣ୍ଡକା ଆସନରୁ ଗଜେନ୍ଦ୍ର ଦରାଲଙ୍କୁ ପ୍ରାର୍ଥୀ କରିଛି ବିଜେପି । ସେହିପରି ମାଟିଆ ମହଲ ଆସନରୁ ଦୀପ୍ତୀ ଇନ୍ଦୋରା, ମାଦିପୁର ଆସନରୁ ଉର୍ମିଳା କୈଳାଳ ଗଙ୍ଗୱାଲେଙ୍କୁ ବିଜେପି ଟିକେଟ ମିଳିଛି ।

ଶୁକ୍ରବାର ନୂଆଦିଲ୍ଲୀରେ ବିଜେପି କେନ୍ଦ୍ରୀୟ ନିର୍ବାଚନ କମିଟି ବୈଠକ ହୋଇଥିଲା। ବୈଠକରେ ପ୍ରଧାନମନ୍ତ୍ରୀ ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଦଳ ଅଧ୍ୟକ୍ଷ ଜେପି ନଡ୍ଡାଙ୍କ ସମେତ ବହୁ ବରିଷ୍ଠ ନେତା ସାମିଲ ହୋଇଥିଲେ। ଦିଲ୍ଲୀ ବିଧାନସଭା ନିର୍ବାଚନ ପାଇଁ ଗତ 4 ତାରିଖରେ ପ୍ରଥମ ପର୍ଯ୍ୟାୟରେ ବିଜେପି 29 ପ୍ରାର୍ଥୀଙ୍କ ନାୀଁ ଘୋଷଣା କରିଥିଲା ।