ପୁଅର ଜନ୍ମଦିନ ଉପଲକ୍ଷେ, ଜଣେ ଦମ୍ପତି ନବନିର୍ମିତ ଶ୍ରୀନଗର-କଟ୍ରା ବନ୍ଦେ ଭାରତ ଏକ୍ସପ୍ରେସ ଟ୍ରେନ୍‌ରେ କେକ୍ କାଟି ଉତ୍ସବ ପାଳନ କରିଛନ୍ତି। ସେମାନେ ଏହି ଅବିସ୍ମରଣୀୟ ଯାତ୍ରାର ସୁଯୋଗ ମିଳିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।

ବାରାଣସୀର ଏହି ଦମ୍ପତି,ରାକେଶ ଓ ନେହା ଜାୟସଓ୍ବାଲ ତାଙ୍କର ଛଅ ବର୍ଷୀୟ ପୁଅର ଜନ୍ମଦିନ ବନ୍ଦେ ଭାରତ ଏକ୍ସପ୍ରେସ ରେ ପାଳନ କରିଛନ୍ତି। ଏହି ଟ୍ରେନ୍ ଶ୍ରୀନଗର ଓ କଟ୍ରା ମଧ୍ୟରେ ଚାଲିଥାଏ। ଏହି ପରିବାର ଏଭଳି ହସ-ଖୁଶୀ ସମୟରେ ଚେନାବ୍ ନଦୀ ଉପରେ ଥିବା ସେତୁ ପାର କରୁଥିବା ବେଳେ କେକ୍ କାଟିଥିଲେ।

ନିଜ ପୁଅ ଜନ୍ମଦିନ ଏକ ଅନନ୍ୟ ଅନୁଭବ ଭାବେ ବିବେଚନା କରି ବାପା ରାକେଶ ଜାୟସଓ୍ବାଲ କୁହନ୍ତି, ଆମେ ଜାଣୁଥିଲୁ PM ମୋଦୀ ବନ୍ଦେ ଭାରତ ଏକ୍ସପ୍ରେସ ଉଦ୍‌ଘାଟନ କରିବେ, ତେଣୁ ଭାବିଲୁ ଯେ ଏହି ଟ୍ରେନରେ ଜନ୍ମଦିନ ପାଳନ କରିବା ଉଚିତ। ଆମେ ବିଶ୍ୱର ସବୁଠାରୁ ଉଚ୍ଚ ବ୍ରିଜ ଚିନାବ ବ୍ରିଜ ଉପରେ କେକ୍ କାଟିଲୁ।

ଚେନାବ୍ ସେତୁଟି ଆଇଫେଲ ଟାୱାରଠାରୁ ବି ଉଚ୍ଚ, ଏହା ବିଶ୍ବର ଉଚ୍ଚତମ ବ୍ରିଜ ହେବାର ଗୌରବ ନିଜ ନାମରେ କରି ପାରିଛି। ଏହି ଘଟଣା ଦେଶର ଆଧୁନିକ ରେଳ ଉନ୍ନତିକୁ ପ୍ରତିନିଧିତ୍ବ କରିଥାଏ।

Argus News | argus news | -Argusnews Home: Odisha Latest News, Breaking News, Trending News, Live TV and more