ଜୟପୁର: ଜୟପୁର ଗ୍ୟାସ ଟ୍ୟାଙ୍କର ବିସ୍ଫୋରଣରେ ମୃତ୍ୟୁ ସଂଖ୍ୟା ୧୪ କୁ ବୃଦ୍ଧି । ଜୟପୁରରେ ଶନିବାର ହୋଇଥିବା ଏଲପିଜି ଟ୍ୟାଙ୍କର୍ ବିସ୍ଫୋରଣରେ ଆଜି ଆଉ ଦୁଇ ଜଣଙ୍କର ମୃତ୍ୟୁ ହୋଇଛି। ଶୁକ୍ରବାର ଘଟିଥିବା ଦୁର୍ଘଟଣାରେ ୫ ଜଣ ଜୀବନ୍ତ ଦଗ୍ଧ ହୋଇଥିବା ବେଳେ ସୱାଇ ମାନସିଂହ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ୭ ଜଣଙ୍କ ମୃତ୍ୟୁ ହୋଇଥିଲା ।

ଦିଲ୍ଲୀ ପବ୍ଲିକ୍ ସ୍କୁଲ ନିକଟରେ ହୋଇଥିବା ବିସ୍ଫୋରଣରେ ୩୫ ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରୁ ୨୫ ଜଣଙ୍କର ଶରୀର ପ୍ରାୟ ୭୫ ଭାଗ ଜଳି ଯାଇଥିଲା। ଡାକ୍ତରଖାନାରେ ଥିବା କିଛି ମୃତଦେହ ପରିଚୟ ଏପର୍ଯ୍ୟନ୍ତ ମିଳିପାରିନାହିଁ।ଜୟପୁରରୁ ଅଜମେରକୁ ଯାଉଥିବା ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇ ଯାଇଥିଲା।ଯାହାଫଳରେ ଟ୍ୟାଙ୍କରର ୫ଟି ନୋଜଲ ଭାଙ୍ଗିଯାଇଥିଲା ଓ ୧୮ ଟନ୍ ଗ୍ୟାସ୍ ଲିକ୍ ହୋଇଥିଲା।