ଅର୍ଗସ ବ୍ୟୁରୋ : ସଂସଦ ଭିତରେ ବିଜେପି ସାଂସଦ ପ୍ରତାପଙ୍କୁ ରାହୁଲ ଧକ୍କା ଦେବା ଘଟଣାକୁ କଡା ନିନ୍ଦା କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସାମନ୍ତବାଦୀ ରାହୁଲ ଗାନ୍ଧୀ ପ୍ରଥମେ ମହିଳା ସାଂସଦ ଏସ୍.ଫାଙ୍ଗନମ୍ କୋନିଆକଙ୍କୁ ଧକ୍କା ମାରି ଭାତରକୁ ଆସିଲେ । ପରେ କୋନିଆକଙ୍କ ସହ ଥିବା ସାଂସଦ ମୁକେଶ ରାଜପୁତ ଓ ପ୍ରତାପ ଷଡ଼ଙ୍ଗୀଙ୍କୁ ବି ଧକ୍କା ମାରିଲେ । ଦୁଇ ସାଂସଦ ତଳେ ଗଳି ପଡି ଆହତ ହୋଇଛନ୍ତି । ପ୍ରତାପ ଷଡଙ୍ଗୀଙ୍କ ମୁଣ୍ଡରେ ଆଘାତ ଲାଗିଛି, ସେ ଆଇସିୟୁରେ ଭର୍ତ୍ତି ଅଛନ୍ତି। ଦେଶର ଜନତା ରାହୁଲଙ୍କ ଗୁଣ୍ଡାଗର୍ଦ୍ଦିକୁ ସହ୍ୟ କରିବେ ନାହିଁ । ନିର୍ଲଜକତାର ଗୋଟେ ସୀମା ଥାଏ ବୋଲି କହିଛନ୍ତି ଧର୍ମେନ୍ଦ୍ର । 

ସେପଟେ ଫୋନକରି ଦୁଇ ସାଂସଦଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଛନ୍ତି ପ୍ରଧାନମନ୍ତ୍ରୀ । ସଂସଦ ଭିତରେ ରାହୁଲ ଗାନ୍ଧୀ ଠେଲି ଦେବାରୁ ବିଜେପି ସାଂସଦ ପ୍ରତାପ ଷଡଙ୍ଗୀ ଓ ମୁକେଶ ରାଜପୁତ ଲହୁଲୁହାଣ । ପ୍ରତାପଙ୍କ ମୁଣ୍ଡରେ ଲାଗିଛି ଶକ୍ତ ଆଘାତ । ଉଭୟ ସାଂସଦଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣା ପରେ ପ୍ରତିକ୍ରିୟାରେ ପ୍ରତାପ କହିଛନ୍ତି, ରାହୁଲ ଗାନ୍ଧୀ ପ୍ରଥମେ ଜଣେ ସାଂସଦଙ୍କୁ ଠେଲି ଦେଇଥିଲେ । ସାଂସଦ ତାଙ୍କ ଉପରେ ପଡି ଯିବାରୁ ତଳେ ପଡି ଯାଇ ସେ ଆହତ ହୋଇଥିବା କହିଛନ୍ତି ପ୍ରତାପ। ସେପଟେ ଏପ୍ରସଙ୍ଗରେ ରାହୁଲ ଗାନ୍ଧୀ ମୁହଁ ଖୋଲିଛନ୍ତି । ପ୍ରତାପ ଷଡଙ୍ଗୀଙ୍କ ଅଭିଯୋଗ ପରେ ରାହୁଲ ଗାନ୍ଧୀ କହିଛନ୍ତି, ହଁ ମୁଁ ଏହା କରିଛି, ଠିକ୍ ଅଛି ।ରାହୁଲ ଗାନ୍ଧିଙ୍କ ଏହିପରି କାର୍ଯ୍ୟକଳାପକୁ ବିଭିନ୍ନ ମାହୋଲରୁ ଘୋର ନିନ୍ଦା କରାଯାଇଛି ।