ଅର୍ଗସ ବ୍ୟୁରୋ: ଆସନ୍ତା ୨୦ ତାରିଖରେ ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଉପରାଷ୍ଟ୍ରପତି ଜେଡି ଭାନ୍ସ ଶପଥ ନେବେ । ୱାଶିଂଟନ ଡିସିରେ ହେବାକୁ ଥିବା ଶପଥ ଗ୍ରହଣ ସମାରୋହରେ ଭାରତ ପକ୍ଷରୁ ସାମିଲ୍ ହେବେ ବୈଦେଶିକ ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ।

ଏନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ସୂଚନା ଦିଆ ଯାଇଛି । ମନ୍ତ୍ରଣାଳୟ ଅନୁସାରେ, ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଆମେରିକା ଗସ୍ତ ବେଳେ ଟ୍ରମ୍ପ ପ୍ରଶାସନକୁ ଭେଟି ଆଲୋଚନା କରିବେ । ଜାନୁଆରୀ ୨୦ ତାରିଖରେ ଆମେରିକାର ୪୭ତମ ରାଷ୍ଟ୍ରପତି ଶପଥ ନେବେ ।

ୱାଶିଂଟନ ଡିସିସ୍ଥିତ ୟୁଏସ୍ କ୍ୟାପିଟଲ୍‌ରେ ପାରମ୍ପରିକ ଭାବେ ଶପଥ ନେବେ ନବ ନିର୍ବାଚିତ ରାଷ୍ଟ୍ରପତି । ଶପଥ ଗ୍ରହଣ ପରେ ସମାରୋହକୁ ସମ୍ବୋଧିତ କରିବା ସହ ଦିନବ୍ୟାପୀ ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟ ରହିଛି ।