ଅର୍ଗସ ବ୍ୟୁରୋ : ୧୫ ଘଣ୍ଟା ଅଫିସରେ ଖଟାଉଥିଲେ । ନା କୌଣସି ଟ୍ରେନିଂ ଦିଆଯାଉଥିଲା, ନା ଭଲ ବ୍ୟବହାର କରାଯାଉଥିଲା । ସୋସିଆଲ ମିଡିଆରେ ନିଜ କମ୍ପାନୀ ଏବଂ କମ୍ପାନୀର ସହ ସଂସ୍ଥାପକଙ୍କ ନାଁରେ ଏପରି ଶେୟାର କରିଛନ୍ତି ଜଣେ କର୍ମଚାରୀ । ଯାହା ଖୁବ ଭାଇରାଲ ହେବାରେ ଲାଗିଛି । କର୍ମଚାରୀ ଜଣକ ରେଡ୍ଡିଟ୍‌ରେ ଏପରି ପୋଷ୍ଟ କରିଛନ୍ତି । ରେଡ୍ଡିଟ କର୍ମଚାରୀ ମାନଙ୍କ ପାଇଁ ଏପରି ଏକ ୱେବସାଇଟ, ଯେଉଁଥିରେ କର୍ମଚାରୀମାନେ ନିଜର କମ୍ପାନୀ, ନିଜର ଅଭଜ୍ଞତା, ନିଜର ସଂଘର୍ଷ ଉପରେ ଶେୟାର କରିଥାନ୍ତି ।

ତେବେ ଗତ କିଛିଦିନ ତଳେ ଜଣେ କର୍ମଚାରୀ ନିଜର ଟକ୍ସିକ ୱାର୍କପ୍ଲେସ ଉପରେ ଏକ ପୋଷ୍ଟ କରିଥିଲେ । ସେହି ପୋଷ୍ଟରେ ସେ ନିଜର କର୍ମକ୍ଷେତ୍ର ଏବଂ ତାଙ୍କ କମ୍ପାନୀର ଜଣେ ସହ ସଂସ୍ଥାପକଙ୍କ ଉପରେ ଅଭିଯୋଗ ଆଣିଥିଲେ । ସେ ଏହା ମଧ୍ୟ ଲେଖିଥିଲେ ଯେ, ତାଙ୍କୁ ଅଫିସରେ ଏପରି ମାନସିକ ନିର୍ଯ୍ୟାତନା ଦିଆଯାଇଥିଲା, ସେ ବାଧ୍ୟ ହୋଇ କାନ୍ଦିବାକୁ ଲାଗିଥିଲେ । ସେ ଲେଖିଥିଲେ, ଏକ ଗୁଗଲ୍‌ ମିଟ୍‌ ରେ ସେ ଜଣେ ଟେକ୍ନିସିଆନ ଲିଡ୍‌ଙ୍କ ସମ୍ମୁଖରେ ନିଜ କାନ୍ଦ ଅଟକାଇ ପାରିନଥିଲେ , କାନ୍ଦିବାକୁ ଲାଗିଥିଲେ । କାରଣ , ତାଙ୍କର ଲିଡ୍ ତାଙ୍କୁ ଖୁବ ଖରାପ ବ୍ୟବହାର କରିଥିଲେ । ସେହି କମ୍ପାନୀରେ ୨ ଜଣ କର୍ମଚାରୀ, ୩ ଜଣ ସହ ସଂସ୍ଥାପକ କାମ କରନ୍ତି । ତାଙ୍କୁ ସେହି କମ୍ପାନୀରେ ୧୨ ଘଣ୍ଟା, କେବେ କେବେ ୧୪ ରୁ ୧୫ ଘଣ୍ଟା କାମ କରିବାକୁ ପଡୁଥିଲା । ଏଥିପାଇଁ ନା ତାଙ୍କୁ ପ୍ରଶଂସା କରାଯାଉଥିଲା , ନା ତାଙ୍କୁ ଭଲ ବ୍ୟବହାର କରାଯାଉଥିଲା ।

i cried on google meet in front of tech lead, do not know how to face it now
byu/MoveTraditional2588 indevelopersIndia

କମ୍ପାନୀ ତରଫରୁ ତାଙ୍କୁ ଆଦୌ ସପୋର୍ଟ ମିଳୁନଥିଲା କି କୌଣସି ଟ୍ରେନିଂ ମଧ୍ୟ ଦିଆଯାଉନଥିଲା । ଏପରିକି ତାଙ୍କୁ ଏତେ ଖରାପ ବ୍ୟବହାର କରାଯାଉଥିଲା, ସେ କାନ୍ଦିବାକୁ ଲାଗିଥିଲେ । ଏବଂ ଗୁଗଲ୍‌ ମିଟ୍‌ ପରେ ୫ , ୬ ଘଣ୍ଟାର ବ୍ରେକ୍‌ ନେବାପାଇଁ କହିଥିଲେ । ତେବେ କର୍ମଚାରୀ ଜଣକଙ୍କ ଏହି ପୋଷ୍ଟ ପରେ ସୋସିଆଲ ମିଡିଆର ଅନେକ ୟୁଜର୍ସ ତାଙ୍କୁ ସହାନୁଭୂତି ଦେଖାଇଛନ୍ତି। ଅନେକ ଜଣ ତାଙ୍କୁ ଧୈର୍ଯ୍ୟ ଧରିବାକୁ କହିଛନ୍ତି । ଜଣେ ୟୁଜର୍ସ ଲେଖିଛନ୍ତି, ଯିଏ କାନ୍ଦନ୍ତି, ତାର ଅର୍ଥ ନୁହେଁ ସେ ଦୁର୍ବଳ । ବରଂ କାନ୍ଦିବାକ ଦ୍ବାରା ମନ ହାଲକା ହୋଇଯାଇଥାଏ ।

ଦେହ ଏବଂ ମନ ସୁସ୍ଥ ରହିଥାଏ । ତୁମର କାନ୍ଦିବା ଦେଖିବା ପରେ ସେହି ବ୍ୟକ୍ତି ଜଣକ ତୁମକୁ ବୁଝିଯିବା ଉଚିତ । ତୁମେ ଆଦୌ ବ୍ୟସ୍ତ ହୁଅନି ତୁମେ ଜଣେ ସାହାସୀ ବ୍ୟକ୍ତି । ସେହିପରି ଆଉ ଜଣେ କହିଛନ୍ତି, "ଖୁବଶୀଘ୍ର ସେହି କମ୍ପାନୀ ଛାଡିଦିଅନ୍ତୁ, ତୁମକୁ ଆହୁରି ଭଲ କମ୍ପାନୀ ମିଳିଯିବ" ।

Argus News | argus news | Odisha Latest News, Breaking News, Trending News, Live TV