ଅର୍ଗସ ବ୍ୟୁରୋ:  ବିଶ୍ବ ଚାମ୍ପିୟନ୍ ଡି. ଗୁକେଶ ଫ୍ରି ଷ୍ଟାଇଲ ଚେସ ଗ୍ରାଣ୍ଡସ୍ଲାମରେ ଭାଗ ନେବେ । ଏହି ସମ୍ମାନଜନକ ଟୁର୍ଣ୍ଣାମେଣ୍ଟରେ ଗୁକେଶଙ୍କ ସହ ପୂର୍ବତନ ବିଶ୍ବ ଚାମ୍ପିୟନ ମ୍ୟାଗନସ କାର୍ଲସନ୍ ଓ ବିଶ୍ବନାଥନ୍ ଆନନ୍ଦ ମଧ୍ୟ ଖେଳିବେ । ପ୍ରଥମଥର ପାଇଁ ଗୁକେଶ ତାଙ୍କ ଚେସ୍ ଗୁରୁ ବିଶ୍ବନାଥନ ଆନନ୍ଦଙ୍କ ସହ ଏଭଳି ବଡ ଟୁର୍ଣ୍ଣାମେଣ୍ଟରେ ଖେଳିବାକୁ ଯାଉଛନ୍ତି । ମାତ୍ର ୧୮ ବର୍ଷ ବୟସରେ ବିଶ୍ବ ଚାମ୍ପିୟନ ହୋଇଥିବା ଗୁକେଶ ପୂର୍ବତନ ବିଶ୍ବ ଚାମ୍ପିୟନ ବିଶ୍ବ ନାଥନ ଆନନ୍ଦଙ୍କ ଠାରୁ ତାଲିମ ନେଉଛନ୍ତି । ଆସନ୍ତା ଫେବୃଆରୀ ୭ରୁ ୧୪ ତାରିଖ ପର୍ଯ୍ୟନ୍ତ ଜର୍ମାନୀରେ ଫ୍ରିଷ୍ଟାଇଲ୍ ଚେସ୍ ଗ୍ରାଣ୍ଡସ୍ଲାମ ଟୁରରେ ଭାଗ ନେବେ । ନିକଟରେ ଶେଷ ହୋଇଥିବା ବିଶ୍ବ ଚେସ ଚାମ୍ପିୟନଶିପରେ ଡିଙ୍ଗ ଲିରେନଙ୍କୁ ହରାଇ ଚାମ୍ପିୟନ ହୋଇଥିଲେ ଡି. ଗୁକେଶ ।