ଅର୍ଗସ ବ୍ୟୁରୋ: ଭୋକର ଭୂଗୋଳରୁ ସବୁଜ କ୍ରାନ୍ତି । କଳାହାଣ୍ଡିର ପରିଚୟ ବଦଳାଇବାରେ ସଫଳ ହୋଇଛନ୍ତି ଚାଷୀ । ବର୍ଷର ଶେଷ ମନ କୀ ବାତରେ କଳାହାଣ୍ଡିର ପରିବା ଚାଷୀଙ୍କୁ ଭୂୟସୀ ପ୍ରଶଂସା କରିବା ସହ ଦେଶବାସୀଙ୍କୁ ସଫଳ ଓଡ଼ିଆ ଚାଷୀଙ୍କ ଉଦାହରଣ ଦେଇଛନ୍ତି ପ୍ରଧାନମନ୍ତ୍ରୀ ମୋଦି । ଦିନେ ଭୋକର ଭୂଗୋଳ କୁହାଯାଉଥିବା କଳାହାଣ୍ଡି ମାଟିର ଚାଷୀ ଏବେ ସ୍ଥାନୀୟ ଅର୍ଥନୀତିକୁ ବଡ଼ ଶକ୍ତି ଯୋଗାଉଥିବା କହିଛନ୍ତି ମୋଦି।

ମାତ୍ର ୧୦ ଜଣ କୃଷକଙ୍କ ଉଦ୍ୟମରେ ପ୍ରତିଷ୍ଠା ହୋଇଥିଲା FPO । ଏବେ ଗୋଲାମୁଣ୍ଡା କୃଷକ ସଂଘରେ 45 ମହିଳା ଚାଷୀଙ୍କ ସମେତ ୨୦୦ରୁ ଅଧିକ କୃଷକ ସବୁଜ କ୍ରାନ୍ତି ସୃଷ୍ଟି କରି ଦେଶର ଚାଷୀଙ୍କୁ ଯୋଗାଉଛନ୍ତି ପ୍ରେରଣା । କୃଷି କ୍ଷେତ୍ରରେ ଆଧୁନିକ ଜ୍ଞାନକୌଶଳର ପ୍ରୟୋଗ କରି ୨୦୦ ଏକର ଜମିରେ ଟମାଟୋ, ୧୫୦ ଏକର ଜମିରେ କଲରା ଚାଷ କରି ସଫଳ ହୋଇଛନ୍ତି ଗୋଲାମୁଣ୍ଡାର ଚାଷୀ । ରାଜ୍ୟ ବାହାରକୁ ପରିବା ରପ୍ତାନୀ କରି ବାର୍ଷିକ ପ୍ରାୟ ଦେଢ କୋଟି ଟଙ୍କାର ବ୍ୟବସାୟ କରୁଛନ୍ତି କଳାହାଣ୍ଡିର ଚାଷୀ । ଯାହା ସ୍ଥାନୀୟ ଅର୍ଥନୀତିକୁ ଯୋଗାଉଛି ବଡ଼ ଶକ୍ତି । ଏବେ ଅଞ୍ଚଳର ବିକାଶ ହେବା ସହ ଜିଲ୍ଲାର ବ୍ୟକ୍ତିଙ୍କୁ ମିଳୁଛି ପଦ୍ମଶ୍ରୀ ସମେତ ବିଭିନ୍ନ ଜାତୀୟ ସମ୍ମାନ । ଫଳରେ ବଦଳୁଛି କଳାହାଣ୍ଡିରେ ପରିଚୟ ।

ମନ୍ କି ବାତ୍ ର ୧୧୭ତମ ସଂସ୍କରଣରେ ପ୍ରଧାନମନ୍ତ୍ରୀ ମୋଦି ସମ୍ବିଧାନକୁ ୭୫ ବର୍ଷ ପୂରଣ, ରାଜ କପୁରଙ୍କ ଜୟନ୍ତୀ ଉତ୍ସବ, WAVES ସମିଟ, ପ୍ରୟାଗରାଜରେ କୁମ୍ଭମେଳା ଆୟୋଜନର ବିଶେଷତା ପ୍ରସଙ୍ଗରେ ମଧ୍ୟ ମତ ରଖିଛନ୍ତି । ଆସନ୍ତାବର୍ଷ ୨୬ ଜାନୁଆରୀ ଯାଏ ଦେଶର ସମ୍ବିଧାନକୁ ନେଇ ମତାମତ ଦେବାକୁ ଦେଶବାସୀଙ୍କୁ ମନ କୀ ବାତରେ ଆହ୍ବାନ ଦେଇଛନ୍ତି ମୋଦି ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | Odisha Latest News, Breaking News, Trending News, Live TV