ବୁଧବାରଠାରୁ ଆରମ୍ଭ ହେଉଛି ଚାମ୍ପିଅନ୍ସ ଟ୍ରଫି କ୍ରିକେଟ୍ ଟୁର୍ଣ୍ଣାମେଣ୍ଟ । ଏହା ପୂର୍ବରୁ ଉନ୍ମୋଚିତ ହେଲା ଭାରତୀୟ ଦଳର ନୂଆ ଜର୍ସି । ଏହି ନୂଆ ଜର୍ସିରେ ଚାମ୍ପିଅନ୍ସ ଟ୍ରଫି ଆୟୋଜକ ଦେଶ ପାକିସ୍ତାନର ନାଁ ରହିଛି । ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚ୍ କରାଚୀରେ ନ୍ୟୁଜିଲ୍ୟାଣ୍ଡ ଓ ପାକିସ୍ତାନ ମଧ୍ୟରେ ଖେଳାଯିବ । ପରେ ୨୦ ତାରିଖରେ ବାଂଲାଦେଶ ବିପକ୍ଷରେ ଭାରତ ଖେଳିବ ନିଜର ପ୍ରଥମ ମ୍ୟାଚ୍ । ୧୯୯୬ ବିଶ୍ୱକପ ପରେ ପାକିସ୍ତାନ ପ୍ରଥମ ଥର ପାଇଁ ଆଇସିସି ଟୁର୍ଣ୍ଣାମେଣ୍ଟ ଆୟୋଜନ କରୁଛି।

ଫେବ୍ରୁଆରୀ ୨୩ରେ ଦୁବାଇରେ ହେବ ଭାରତ-ପାକିସ୍ତାନ ଲଢ଼େଇ । ଭାରତ ଓ ପାକିସ୍ତାନ ମଧ୍ୟରେ ରାଜନୈତିକ ବିବାଦ କାରଣରୁ ଭାରତୀୟ ଦଳ ପାକିସ୍ତାନ ଯିବାକୁ ମନା କରିଛି । ତେବେ ଟୁର୍ଣ୍ଣାମେଣ୍ଟ ହାଇବ୍ରିଡ ମଡେଲ୍‌ରେ ଖେଳାଯାଉଛି। ଭାରତ ନିଜର ସମସ୍ତ ମ୍ୟାଚ୍ ଦୁବାଇରେ ଖେଳିବାକୁ ଥିବାବେଳେ ପାକିସ୍ତାନର କରାଚି ଷ୍ଟାଡିୟମରେ ଉଦଘାଟନୀ ସମାରୋହ ଆୟୋଜିତ ହୋଇଛି।

ଆଇସିସି ଚାମ୍ପିଅନ୍ସ ଟ୍ରଫି ଆରମ୍ଭ ପୂର୍ବରୁ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଏହି ଭିଡିଓ କରାଚିରେ ଥିବା ଜାତୀୟ ଷ୍ଟାଡିୟମର, ଯେଉଁଥିରେ ଚାମ୍ପିଅନ୍ସ ଟ୍ରଫିରେ ଅଂଶଗ୍ରହଣ କରୁଥିବା ସବୁ ଦେଶର ଜାତୀୟ ପତାକା ରହିଛି, କିନ୍ତୁ ଭାରତୀୟ ପତାକା ଦେଖାଯାଉ ନାହିଁ । ଯାହାକୁ ନେଇ ବଡ଼ ବିବାଦ ମୁଣ୍ଡ ଟେକିଛି । ତେବେ ଏହା ପଛର କାରଣ ଏପର୍ଯ୍ୟନ୍ତ ଜଣାପଡିନାହିଁ, କିନ୍ତୁ ଟିମ୍ ଇଣ୍ଡିଆ ଦୁବାଇରେ ଏହାର ମ୍ୟାଚ୍ ଖେଳିବ ପାକିସ୍ତାନରେ ନୁହେଁ, ତେଣୁ ଭାରତୀୟ ପତାକା ଲଗାଯାଇ ନାହିଁ ବୋଲି କୁହାଯାଉଛି। ତେବେ PCBରୁ ଏପର୍ଯ୍ୟନ୍ତ କୌଣସି ବିବୃତ୍ତି ଆସି ନାହିଁ।

ଚାମ୍ପିଅନ୍ସ ଟ୍ରଫିର ଆୟୋଜନ ଉପରେ ପାକିସ୍ତାନରେ ସୁରକ୍ଷାକୁ ନେଇ ବିସିସିଆଇ ପ୍ରଶ୍ନ ଉଠାଇଥିଲା। ସୁରକ୍ଷା ଦୃଷ୍ଟିରୁ ବିସିସିଆଇ ଦଳକୁ ପାକିସ୍ତାନ ପଠାଇବାକୁ ମନା କରିଦେଇଥିଲା। ଏହା ପରେ ଆଇସିସି ଏବଂ ପିସିବି ଏହି ଟୁର୍ଣ୍ଣାମେଣ୍ଟକୁ ହାଇବ୍ରିଡ ମଡେଲରେ କରିବାକୁ ବାଧ୍ୟ ହୋଇଥିଲେ।

ଏହା ପରେ ଆଇସିସି ନିଜ ବିବୃତ୍ତିରେ କହିଛି ଯେ ଭାରତ ଦୁବାଇରେ ଲିଗ୍ ର ସମସ୍ତ ମ୍ୟାଚ୍ ଖେଳିବ। ଏଥି ସହିତ ଯଦି ଭାରତ ସେମିଫାଇନାଲ କିମ୍ବା ଫାଇନାଲରେ ପ୍ରବେଶ କରେ, ତେବେ ଏହି ମ୍ୟାଚଗୁଡ଼ିକ କେବଳ ଦୁବାଇରେ ଖେଳାଯିବ। ବିସିସିଆଇ, ପିସିବି ଏବଂ ଆଇସିସି ମଧ୍ୟରେ ହୋଇଥିବା ଚୁକ୍ତି ଅନୁଯାୟୀ ପାକିସ୍ତାନ କ୍ରିକେଟ୍ ଦଳ ମଧ୍ୟ ଭାରତରେ ଆୟୋଜିତ ଆଇସିସି ଇଭେଣ୍ଟରେ ଖେଳିବ ନାହିଁ। ସେମାନେ ମଧ୍ୟ ଏକ ନିରପେକ୍ଷ ସ୍ଥାନରେ ମ୍ୟାଚ୍ ଖେଳିବେ।

No Indian flag in Karachi: As only the Indian team faced security issues in Pakistan and refused to play Champions Trophy matches in Pakistan, the PCB removed the Indian flag from the Karachi stadium while keeping the flags of the other guest playing nations.

- Absolute Cinema,… pic.twitter.com/2zmcATn7iQ
— Nawaz 🇵🇰 (@Rnawaz31888) February 16, 2025

Argus News | argus news | -Argusnews Home: Odisha Latest News, Breaking News, Trending News, Live TV and more