ଅର୍ଗସ ବ୍ୟୁରୋ: ଭାରତର ଯୁବ ଶକ୍ତି, ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବେ । ଦିଲ୍ଲୀର ଭାରତ ମଣ୍ଡପମ୍‌ରେ ଆୟୋଜିତ ବିକଶିତ ଭାରତ ୟଙ୍ଗ୍ ଲିଡର୍ସ ଡାଏଲଗ୍‌କୁ ସମ୍ବୋଧିତ କରି ଏମିତି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ପ୍ରାୟ ୪୫ ମିନିଟ୍‌ର ଭାଷଣରେ ପ୍ରଧାନମନ୍ତ୍ରୀ କହିଛନ୍ତି, ଆଜି ସମଗ୍ର ଦେଶ ସ୍ଵାମୀ ବିବେକାନନ୍ଦଙ୍କୁ ମନେ ପକାଉଛି । ଦେଶର ଯୁବପିଢ଼ିଙ୍କ ଉପରେ ସ୍ଵାମୀ ବିବେକାନନ୍ଦଙ୍କ ବେଶ୍ ଭରସା ଥିଲା । ଆପଣମାନଙ୍କ ଉପରେ ବିବେକାନନ୍ଦଙ୍କ ଯେଭଳି ଭରସା ରହିଥିଲା ସେଭଳି ଭରସା ବିବେକାନନ୍ଦଙ୍କ ଉପରେ ମୋର ରହିଛି । ସେ କହିଥିବା ପ୍ରତିଟି କଥା ଉପରେ ଭରସା ଥିବା କହିଛନ୍ତି ପ୍ରଧାନମନ୍ତ୍ରୀ ।

ବିକଶିତ ଭାରତ, ଯୁବ ଶକ୍ତି, ଅମୃତକାଳ ଓ ଭାରତର ଭବିଷ୍ୟତ ଉପରେ ପ୍ରଧାନମନ୍ତ୍ରୀ ମୋଦି ମତ ରଖିଛନ୍ତି । କହିଛନ୍ତି, ଲକ୍ଷ୍ୟ ନଥିଲେ ଜୀବନ ନଥାଏ, ଲକ୍ଷ୍ୟ ଜୀବନର ଜଡ଼ିବୁଟି ସଦୃଶ । ଯେଉଁମାନେ କୁହନ୍ତି ଛାଡ଼ନ୍ତୁ ଏମିତି ହୁଏ, କିଛି ପରିବର୍ତ୍ତନର କଣ ଆବଶ୍ୟକତା, କାହିଁକି ମୁଣ୍ଡ ପୋତୁଛ । ଏଭଳି ଭାବନା ରଖୁଥିବା ଲୋକ ମୃତଦେହ ବ୍ୟତୀତ ଅଧିକ କିଛି ନୁହ ବୋଲି ସେ କହିଛନ୍ତି ।

ପ୍ରାୟ ୩ ହଜାରରୁ ଅଧିକ ଯୁବପିଢ଼ିଙ୍କୁ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି । ସମ୍ବୋଧନ ପୂର୍ବରୁ ପ୍ରଧାନମନ୍ତ୍ରୀ ଆୟୋଜିତ ପ୍ରଦର୍ଶନୀ ବୁଲି ଦେଖିବା ସହ ପ୍ରତିଯୋଗୀଙ୍କ ସହ କଥା ହୋଇଥିଲେ ।

Argus News | argus news | -Argusnews Home: Odisha Latest News, Breaking News, Trending News, Live TV and more