ଅର୍ଗସ ବ୍ୟୁରୋ: ଦେଶକୁ 70 ବର୍ଷ ଧରି ଶାସନ କରିଥିବା ଦଳଟି ଶୂନ ହୋଇଗଲା । ରାଜଧାନୀରେ ସତ୍ତାର କ୍ୟାରମ୍ ଖେଳୁଥିବା ହାତଟା ଖାତା ନଖୋଲିଲା । ପନ୍ଦର ବର୍ଷ ଧରି ଦିଲ୍ଲୀକୁ ଧରି ବୁଲୁଥିବା କଂଗ୍ରେସର ଏମିତି ଅବସ୍ଥା ହେଲା । ଚଳିତ ବର୍ଷ ପ୍ରକାଶ ପାଉଥିବା ରେଜଲ୍ଟରେ ଗୋଟିଏ ମଧ୍ୟ ସିଟରେ ଦଳ ବିଜୟ ନକରିବା ଭଳି ସ୍ଥିତିରେ । 2013 ମସିହାରୁ ଶିଲା ଦୀକ୍ଷୀତଙ୍କ ପରେ କଂଗ୍ରେସ ଶାସନ ଗାଦିରୁ ଯାଇଥିବାବେଳେ ଏପର୍ଯ୍ୟନ୍ତ ସିଂହାସନକୁ ଫେରି ପାରି ନାହିଁ ।

ସେପଟେ ଆମ ଆଦମୀ ପାର୍ଟି ସହ ହାତ ମିଶାଇ ସ୍ୱଳ୍ପ ସମୟର ସରକାର ଗଢିବା ପରେ ଦୁଇ ଦଳ ଭିତରେ ସଂପର୍କ ଭଲ ରହିନଥିଲା । ପରବର୍ତ୍ତୀ ସମୟରେ ଅଲଗା ଅଲଗା ନିର୍ବାଚନ ଲଢିଥିଲେ । ଏମିତିକି ଦେଶରେ ଇଣ୍ଡିଆ ମେଣ୍ଟରେ ଥିବା ଦୁଇ ଦଳ ବି ଦିଲ୍ଲୀରେ କେହି କାହା ମୁହଁ ଚାହିଁ ନଥିଲେ । ସେପଟେ ଆପ ସରକାରର ଦୁର୍ନିତୀ । ଦୁର୍ନିତୀଗ୍ରସ୍ତ ନେତାଙ୍କ ଗିରଫଦାରୀକୁ ପ୍ରସଙ୍ଗ କରିଥିଲା ବିଜେପି । ପ୍ରଧାନମନ୍ତ୍ରୀଙ୍କ ଜନ କଲ୍ୟାଣକାରୀ ଯୋଜନା, ଲୋକପ୍ରିୟତା ଏବଂ ଦିଲ୍ଲୀ ବାସୀଙ୍କୁ ପ୍ରତିଶ୍ରୁତି ନୁହେଁ ପ୍ରତିଜ୍ଞା ଦେଇଥିଲେ ।

ରାଜଧାନୀ ବାସୀଙ୍କ ଆବଶ୍ୟକତାକୁ ଅବଶ୍ୟ ସମାଧାନ କରିବାର ଶପଥ କରିଥିଲେ । ଯାହା ଫଳରେ ଦିଲ୍ଲୀବାସୀ 27 ବର୍ଷ ପରେ ବିଜେପିକୁ ସରକାରକୁ ଆଣିବାକୁ ଯାଉଛନ୍ତି । 1993 ମସିହାରେ ସରକାର ଗଢିଥିବା ବିଜେପି ପୁଣି ଥରେ 2025ରେ ସରକାର ଗଢିବା ସ୍ଥିତିରେ । ତେବେ ସବୁଠୁ ରୋଚକ କଥା ହେଉଛି ଯେଉଁଠି ପନ୍ଦର ବର୍ଷଧରି ଗୋଟେ ଦଳ ଶାସନ କରିଥିଲା, ସେଠି ଖାତାଟିଏ ବି ଖୋଲିନପାରିବା, ରାଜନୀତି ଇତିହାସ ପାଇଁ ବଡ଼ ରୋଚକ କଥା....

Argus News | argus news | Odisha Latest News, Breaking News, Trending News, Live TV