ଅର୍ଗସ ବ୍ୟୁରୋ:  ପ୍ରୟାଗରାଜରେ ବିଦେଶୀ ଅତିଥିଙ୍କୁ ଭବ୍ୟ ସ୍ୱାଗତ । ଆଜି ବିଶ୍ବର 77ଟି ଦେଶରୁ 118 କୁଟନୀତିଜ୍ଞଙ୍କ ପ୍ରତିନିଧିମଣ୍ଡଳୀ ଗଙ୍ଗାରେ ପବିତ୍ର ବୁଡ଼ ପକାଇଛନ୍ତି । ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟି ଆଲୋଚନା କରିଛନ୍ତି ପ୍ରତିନିଧି ମଣ୍ଡଳୀ । ଭାରତ ଆସିଥିବା ଟିମରେ ରୁଷିଆ,ଆମେରିକା, ମାଲେସିଆ, ଜିମ୍ବାୱେ, ଉରୁଗୁଏ, ପୋଲାଣ୍ଡ, ସ୍ୱିଜରଲ୍ୟାଣ୍ଡ, ସ୍ୱିଡେନ, ୟୁକ୍ରେନ ସମେତ 77ଟି ଦେଶର ଗୃହ ମନ୍ତ୍ରଣାଳୟ ଅଧିକାରୀ ଓ ରାଷ୍ଟ୍ରଦୂତ ମଧ୍ୟ ସାମିଲ ଅଛନ୍ତି ।

144 ବର୍ଷ ଅନ୍ତରରେ ହେଉଥିବା ମହାକୁମ୍ଭରେ ସାମିଲ ହୋଇ ନିଜକୁ ଧନ୍ୟ ମନେ କରିଛନ୍ତି ବିଦେଶୀ ଅତିଥି । ହିନ୍ଦୁ ସଂସ୍କୃତିକୁ ବୁଝିବାକୁ ଭାରତ ଆସିବାକୁ ସ୍ୱପ୍ନ ଦେଖିଥିଲେ ବୋଲି କହିଛନ୍ତି ବିଭିନ୍ନ ଦେଶର ପ୍ରତିନିଧି । 13 ଜାନୁଆରୀରୁ ବର୍ତ୍ତମାନ ସୁଦ୍ଧା ପ୍ରୟାଗରାଜରେ 32 କୋଟି ଶ୍ରଦ୍ଧାଳୁ ଗଙ୍ଗାରେ ସ୍ନାନ କରିଥିବା ରେକର୍ଡ ହୋଇଛି ।