ପଞ୍ଜାବର ଅମୃସତର ମଜିଠା ଥାନା ଅଞ୍ଚଳରେ ବିଷାକ୍ତ ମଦ ପିଇ ୧୪ ଜଣଙ୍କ ମୃତ୍ୟୁ ହୋଇଛି । ଏବେ ବି ୬ରୁ ଅଧିକ ଗୁରୁତର ଥିବା ସୂଚନା ମିଳିଛି । ସେମାନଙ୍କୁ ସ୍ଥାନିୟ ମେଡିକାଲରେ ଭର୍ତ୍ତି କରାଯାଇଛି । ମଜିଠା ଅଞ୍ଚଳର ଭାଙ୍ଗାଲି, ପାତାଲପୁରୀ, ମାରାରି କଲାନ, ଥେରେୱାଲ ଏବଂ ତାଳୱାଣ୍ଡି ଘୁମାନ ଗାଁରେ ବିଷାକ୍ତ ମଦ ପିଇ ଏକାଧିକ ଲୋକ ଅସୁସ୍ଥ ହୋଇପଡିଥିଲେ । ମଦ ବିକ୍ରି କରୁଥିବା ମଦ ବ୍ୟବସୟୀଙ୍କ ସହ ୫ ଜଣଙ୍କୁ ଗିରଫ କରିଛି ପୋଲିସ ।

ଅନ୍ୟପଟେ ମଦ ଯୋଗାଇଥିବା ବ୍ୟବସାୟୀଙ୍କୁ ଗିରଫ କରାଯାଇଛି । ୫ଟି ଗାଁରେ ଘରକୁ ଘର ବୁଲି ସତର୍କ କରାଇଛି ପ୍ରଶାସନ । ଏତେ ଘଟଣା ପରେ ମଧ୍ୟ ଲୋକମାନେ ସତର୍କ ନହୋଇ ପୁଣି ମଦ ପିଇ ନିଜ ଜୀବନକୁ ବିପଦରେ ପକାଉଛନ୍ତି । ଏଖବର ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।