ଅର୍ଗସ ବ୍ୟୁରୋ: ମହାକୁମ୍ଭରେ ବିଗତ ୧୫ ଦିନରେ ପାଖାପାଖି ୧୪ କୋଟି ଶ୍ରଦ୍ଧାଳୁ ତ୍ରିବେଣୀ ସଙ୍ଗମରେ ବୁଡ ପକାଇ ସାରିଲେଣି । ଗତ ରବିବାର ରେକର୍ଡ ସଂଖ୍ୟକ ଭିଡ ହୋଇଥିଲା । ଯେଉଁଦିନ ୧.୭୪ କୋଟି ଶ୍ରଦ୍ଧାଳୁ ପବିତ୍ର ତ୍ରିବେଣୀ ସଙ୍ଗମରେ ସ୍ନାନ କରିଥିଲେ । ମହାକୁମ୍ଭରେ ଶ୍ରଦ୍ଧାଳୁଙ୍କ ଶ୍ରଦ୍ଧା ଏବଂ ଭକ୍ତି ଚରମ ସୀମାରେ ପହଞ୍ଚିଛି । ଦେଶ ବିଦେଶରୁ କୋଟି କୋଟି ଶ୍ରଦ୍ଧାଳୁ ସଙ୍ଗମ ନଗରୀରେ ପହଞ୍ଚୁଛନ୍ତି । ଏଥିପାଇଁ ପ୍ରଶାସନ ପକ୍ଷରୁ ଉତ୍କୃଷ୍ଟ ବ୍ୟବସ୍ଥା ମଧ୍ୟ ହୋଇଛି । ଶ୍ରଦ୍ଧାଳୁଙ୍କ ସୁରକ୍ଷାରେ ପାଖାପାଖି ୩୫ ହଜାର ପୋଲିସ କର୍ମଚାରୀ ନିୟୋଜିତ ଅଛନ୍ତି।

ଏଥିସହ ସିସିଟିଭି ଏବଂ ଡ୍ରୋନ କ୍ୟାମେରା ସର୍ଭେଲାନ୍ସ ରହିଛି । ଭିଡକୁ ବ୍ୟବସ୍ଥିତ କରାଯାଇଛି। ସଙ୍ଗମ ସ୍ଥଳ ଏବଂ ମେଳା ଅଂଚଳର ପ୍ରମୁଖ ସ୍ଥାନ ଗୁଡିକରେ ମେଡିକାଲ୍ କ୍ୟାମ୍ପ ମଧ୍ୟ ରହିଛି । ମହାକୁମ୍ଭ କେବଳେ ଏକ ଧାର୍ମିକ ଆୟୋଜନ ନୁହେଁ ଏହା ଏକ ସାଂସ୍କୃତିକ ଗତିବିଧିର ପ୍ରମୁଖ କେନ୍ଦ୍ର ପାଲିଟିଛି। ଏଠାରେ ସାରା ବିଶ୍ବରୁ ସାଧୁସନ୍ଥଙ୍କ ଉପସ୍ଥିତି, ଭଜନ କୀର୍ତ୍ତନ, ଯୋଗ ଶିବିର ଇତ୍ୟାଦି ଶ୍ରଦ୍ଧାଳୁଙ୍କ ମଧ୍ୟରେ ଆଧ୍ୟାତ୍ମିକ ଉର୍ଜାରେ ଭରି ଦେଉଛି । ଜାନୁଆରି ୨୯ ତାରିଖରେ ତ୍ରିବେଣୀ ଅମାବାସ୍ୟରେ ପାଖାପାଖି ୧୦ କୋଟି ଭକ୍ତଙ୍କ ଆଗମନ ହେବ ବୋଲି ଆଶା କରାଯାଉଛି ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | Odisha Latest News, Breaking News, Trending News, Live TV