ଖାଲି ପାଦରେ ଦୌଡୁଥିଲେ ୨୧ ବର୍ଷର ଯୁବତୀ। ପଛରେ ଗୋଡାଉଥିଲେ ନରରାକ୍ଷାସ । ନା ସେ କାହାକୁ ଚିତ୍କାର କରି ଡାକିପାରୁଥିଲେ । ନା କାହାର କଥା ଶୁଣିପାରୁଥିଲେ । କେବଳ ନିଜର ଜୀବନ ବଞ୍ଚାଇବାକୁ ଧାଉଁଥିଲେ କେଉଁ ସୁରକ୍ଷିତ ସ୍ଥାନକୁ । ହେଲେ ତଥାପି ନିଷ୍ଠୁର ଯୌନ ରାକ୍ଷସ ଗୁଡା ନିଜ ଶରୀରର ଭୋକ ମେଣ୍ଟାଇବାକୁ ଧାଉଁଥିଲେ ଯୁବତୀଙ୍କ ପଛରେ ।

ଏମିତି କାହାଣୀ ଶୁଣିବା ମାତ୍ରେ ଆପଣଙ୍କର ବି ରକ୍ତ ଗରମ ହୋଇଉଠୁଥିବ । ହେଲେ ଏ କାହାଣୀ ନୁହେଁ, ବରଂ ଉତ୍ତରପ୍ରଦେଶର ବଳରାମପୁରରେ ଘଟିଥିବା ସମ୍ପୁର୍ଣ୍ଣ ସତ୍ୟ ଘଟଣା । ବଳରାମପୁରରେ ସେହି ଯୁବତୀ ଜଣକ ନିଜ ଘରେ ରୁହନ୍ତି । ନା ସେ ଶୁଣିବାକୁ ସକ୍ଷମ ନା କଥା କହିବାକୁ । ସେଦିନ ନିଜ ଘରୁ ନିଜ ମାମୁଁଘର ଯିବାକୁ ବାହାରିଥିଲେ । ତାଙ୍କ ମାମୁଁଘର ତାଙ୍କ ଘର ପାଖରୁ ୧ କିଲୋମିଟର ଦୂର । ତେବେ ମାମୁଘରୁ ଫେରୁ ଫେରୁ ରାତି ୮ ହୋଇଯାଇଥିଲା । ଏକୁଟିଆ ରାସ୍ତାରେ ଚାଲିକି ଆଶୁଥିବାର ଦେଖି ଦୁଇଜଣ ବ୍ୟକ୍ତି ତାଙ୍କୁ ବାଇକରେ ଛାଡିଦେବେ ବୋଲି କହିଥିଲେ । ହେଲେ ଯେହେତୁ ଯୁବତୀ ଜଣକ ଶୁଣିବାକୁ ଅକ୍ଷମ ଥିଲେ, ସେ ତାଙ୍କର କୌଣସି ପ୍ରତିଉତ୍ତର ନଦେଇ ନିଜ ରାସ୍ତାରେ ଯାଉଥିଲେ । ଏତିକି ଭିତରେ ସେହି ଯୁବକଙ୍କୁ ବୁଝିବାକୁ ବାକିନଥିଲା ଯେ, ଯୁବତୀ ଜଣକ ଶୁଣିବା ଏବଂ କଥା କହିବାରେ ଅକ୍ଷମ । ସେଥିପାଇଁ ସେମାନେ ଏହାର ଫାଇଦା ଉଠାଇ ଯୁବତୀଙ୍କ ସହ କରିଥିଲେ ଜବରଦସ୍ତି । ଆଉ ଯୁବତୀ ଜଣକ ପ୍ରାଣ ବିକଳରେ ନିଜକୁ ବଞ୍ଚାଇବାକୁ ଖାଲି ପାଦରେ ଦୌଡୁଥିଲେ । ଯାହାର ଭିଡିଓ ସିସିଟିଭିରେ କଏଦ୍ ହୋଇଛି । ଆଉ ପଛରେ ମଧ୍ୟ ଗୋଡାଉଥିଲେ ୨ ଯୁବକ । ଶେଷରେ କ୍ଷେତରେ ଯୁବତୀଙ୍କ ସହ ଗଣଦୁଷ୍କର୍ମ କରି ତାଙ୍କୁ ସେଠାରେ ଛାଡି ଦେଇ ଚାଲି ଯାଇଥିଲେ । କାନ୍ଦିବାକୁ ଚିତ୍କାର କରିବାକୁ ଚେଷ୍ଟା କରୁଥିଲେ ମଧ୍ୟ ବିଫଳ ହୋଇଥିଲେ ସେ । କାରଣ ସେ ଥିଲେ ଅକ୍ଷମ ।

ସେପଟେ ରାତି ୯ଟାରେ ଝିଅକୁ ନପାଇ ପୋଲିସକୁ ଜଣାଇଥିଲେ । ଖୋଜାଖୋଜି ପରେ ଥାନାରୁ ଅଳ୍ପଦୂରରେ ଏକ କ୍ଷେତରେ ବେହୋସ୍ ଅବସ୍ଥାରେ ପଡିଥିବା ମିଳିଥିଲେ ଯୁବତୀ । ଆଉ ବେହୋସ ମେଡିକାଲ ଟେଷ୍ଟରୁ ଯୁବତୀଙ୍କୁ ଦୁଷ୍କର୍ମ କରାଯାଇଥିବା ସ୍ପଷ୍ଟ ହୋଇଥିଲା । ଦୁଷ୍କର୍ମ କରିଥିବା ବ୍ୟକ୍ତି ୨ ଜଣ ଅଙ୍କୁର ବର୍ମା ଏବଂ ହର୍ଷିତ ପାଣ୍ଡେ ହୋଇଥିବା ସିସିଟିଭି ଫୁଟେଜରୁ ଜଣା ପଡିଥିଲା । ତେବେ ଦୁର୍ବୃତ୍ତ ୨ ଜଣ ନେପାଳ ଫେରାର ହେବାକୁ ଚେଷ୍ଟା କରୁଥିବା ବେଳେ ପୋଲିସ ସେମାନଙ୍କୁ ଏନକାଉଣ୍ଟର କରିଥିଲା । ଉଭୟଙ୍କ ଗୋଡରେ ବାଜିଥିଲା ଗୁଳି । ପରେ ସେମାନଙ୍କ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେମାନେ ଏପରି କରିଥିବା ସବୁ ସତ ମାନିଛନ୍ତି ।