ରବିବାର ସନ୍ଧ୍ୟାରେ ଇଣ୍ଡିଆ ଗେଟରେ ଦିଲ୍ଲୀର ବାୟୁ ଗୁଣବତ୍ତା ବିପର୍ଯ୍ୟସ୍ତ ହେବା ବିରୋଧରେ ଏକ ପ୍ରତିବାଦ ହିଂସାରେ ପରିଣତ ହୋଇଥିଲା । ଜାତୀୟ ରାଜଧାନୀ ଦିଲ୍ଲୀରେ, ନକ୍ସଲବାଦୀଙ୍କ ସମର୍ଥନରେ ସ୍ଲୋଗାନ ଦେବା ଏକ ବଡ଼ ବିବାଦ ସୃଷ୍ଟି କରିଛି । ଇଣ୍ଡିଆ ଗେଟ୍ ନିକଟରେ ବାୟୁ ପ୍ରଦୂଷଣ ବିରୁଦ୍ଧରେ ଏକ ପ୍ରତିବାଦ ଚାଲିଥିଲା, ଯେଉଁଠାରେ ଅନେକ ଯୁବକ ଏକତ୍ରିତ ହୋଇଥିଲେ । ହଠାତ୍, ପ୍ରଦୂଷଣ ବିରୁଦ୍ଧରେ ଏହି ପ୍ରତିବାଦ ମଧ୍ୟରେ, ନକ୍ସଲବାଦୀଙ୍କ ସମର୍ଥନରେ ସ୍ୱର ଉଠିବା ଆରମ୍ଭ ହେଲା। "ଲାଲ ସଲାମ" ନାରା ଦିଆଯାଇଥିଲା ଏବଂ କିଛି ପ୍ରଦର୍ଶନକାରୀ ନାରା ଦେଇଥିଲେ ଯେ "ଯଦି ତୁମେ ଯେତେ ହିଡମାଙ୍କୁ ହତ୍ୟା କରିବ, ତେବେ ପ୍ରତ୍ୟେକ ଘରୁ ହିଡମା ବାହାରିବେ।"

ଇଣ୍ଡିଆ ଗେଟ୍ ଠାରେ ବିକ୍ଷୋଭ ହେବା ପରେ ପରିସ୍ଥିତି ଅସ୍ତବ୍ୟସ୍ତ ହୋଇପଡ଼ିଛି। ବିକ୍ଷୋଭକାରୀମାନେ ପୋଲିସ୍ ଉପରକୁ ଲଙ୍କା ପାଉଡର (ଚିଲି ସ୍ପ୍ରେ) ମାଡ଼ କରିବାରୁ ୩-୪ ଜଣ ପୋଲିସ୍ ଆହତ ହୋଇଛନ୍ତି । ସେମାନଙ୍କୁ ରାମ ମନୋହର ଲୋହିଆ ହସ୍ପିଟାଲ୍‌ରେ ଚିକିତ୍ସା କରାଯାଉଛି ।

ପୋଲିସ୍ ସୂଚନା ଅନୁଯାୟୀ, ଏହି ଘଟଣାରେ ୨୨ ଜଣ ବିକ୍ଷୋଭକାରୀଙ୍କୁ ଅଟକ ରଖାଯାଇଛି ଏବଂ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପୋଲିସ୍ କହିଛି ଯେ ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶକ୍ରମେ ଦିଲ୍ଲୀରେ କେବଳ ଜନ୍ତର-ମନ୍ତରରେ ବିକ୍ଷୋଭ ପାଇଁ ଅନୁମତି ରହିଛି, ଇଣ୍ଡିଆ ଗେଟ୍‌ରେ ନୁହେଁ । ଇଣ୍ଡିଆ ଗେଟ୍‌ର ସି-ହେକ୍ସାଗନ୍ ଅଞ୍ଚଳରେ ବିକ୍ଷୋଭକାରୀମାନେ ବାରିକେଡ୍ ଭାଙ୍ଗି ରାସ୍ତାରେ ବସିପଡ଼ିଥିଲେ। ଆମ୍ବୁଲାନ୍ସ ଓ ମେଡିକାଲ୍ ଷ୍ଟାଫ୍‌ଙ୍କ ଯିବାଆସିବାରେ ବାଧା ଉପୁଜୁଥିବାରୁ ପୋଲିସ୍ ସେମାନଙ୍କୁ ହଟାଇବାକୁ ଚେଷ୍ଟା କରିଥିଲା, କିନ୍ତୁ ବିକ୍ଷୋଭକାରୀମାନେ ପୋଲିସ୍ ଉପରକୁ ଲଙ୍କା ପାଉଡର ସ୍ପ୍ରେ କରିଥିଲେ ।

ଦିଲ୍ଲୀ ବାୟୁ ଗୁଣବତ୍ତାର ୧୦ଟି କାରଣ ନେଇ ପ୍ରତିବାଦ କରାଯାଇଛି

୧ ଇଣ୍ଡିଆ ଗେଟରେ ସାମ୍ନାରେ ପ୍ରତିବାଦ ଉଗ୍ର ରୂପ ନେଇଛି:- ଦିଲ୍ଲୀ ବାୟୁ ପ୍ରଦୂଷଣର ସମାଧାନ ପାଇଁ ପ୍ରତିବାଦ କରି ସି-ହେକ୍ସାଗନରେ ଯୁବପିଢ଼ି ଏକାଠି ହୋଇଥିଲେ । ପ୍ରଦୂଷଣକୁ ସପୂର୍ଣ୍ଣ ଭାବରେ ସମାଧାନ ପାଇଁ ସରକାର ପାଖରେ ଦାବି କରିଛନ୍ତି ଯୁବପିଢ଼ି ।

୨ ପୋଲିସଙ୍କ ଉପରକୁ ଲଙ୍କା ପାଉଡର ସ୍ପ୍ରେ:- ପୋଲିସ କହିଛନ୍ତି ଯେ ଆମ୍ବୁଲାନ୍ସ ପାଇଁ ରାସ୍ତା ଖାଲି କରିବାକୁ ବାରମ୍ବାର ଅନୁରୋଧ କରିବା ସତ୍ତ୍ୱେ ପ୍ରଦର୍ଶନକାରୀମାନେ ସ୍ଥାନାନ୍ତର ହୋଇନଥିଲେ । ପରେ ପୋଲିସ୍ ସେମାନଙ୍କୁ ହଟାଇବାକୁ ଚେଷ୍ଟା କରିଥିଲା ଫଳରେ ଧସ୍ତାଧସ୍ତି ଆରମ୍ଭ ହୋଇଥିଲା ସେହି ସମୟରେ ଅନେକ ପ୍ରଦର୍ଶନକାରୀ ଅଧିକାରୀମାନଙ୍କ ଉପରକୁ ଲଙ୍କା କିମ୍ବା ଗୋଲମରିଚ ସ୍ପ୍ରେ ବ୍ୟବହାର କରିଥିବା ନେଇ ଡିସିପି ଦେବେଶ ମହଲା କହିଛନ୍ତି ।

୩ ଚାରି ଜଣ ପୋଲିସ କର୍ମଚାରୀ ଆହତ:-ଅଧିକାରୀମାନଙ୍କର ଆଖି ଏବଂ ମୁହଁରେ ଆଘାତ ଲାଗିଥିଲା ​​ଏବଂ ସେମାନଙ୍କୁ RML ହସ୍ପିଟାଲରେ ଭର୍ତ୍ତି କରାଯାଇଥିଲା। ପୋଲିସ ଏପରି ପ୍ରତିବାଦରେ ଚିଲି ସ୍ପ୍ରେ ବ୍ୟବହାରକୁ ନେଇ ଚିନ୍ତାରେ ଦିଲ୍ଲୀ ପୋଲିସ ।

୪ ୨୨ ରୁ ଅଧିକ ପ୍ରଦର୍ଶନକାରୀଙ୍କୁ ଗିରଫ କରାଯାଇଛି: ସରକାରୀ କାର୍ଯ୍ୟରେ ବାଧା ସୃଷ୍ଟି କରିବା, ସାର୍ବଜନୀନ ରାସ୍ତା ଅବରୋଧ କରିବା, ପୋଲିସ କର୍ମଚାରୀଙ୍କୁ ଆକ୍ରମଣ କରିବା ଏବଂ ପ୍ରତିବାଦ ନିୟମ ଉଲ୍ଲଂଘନ କରିବା ପାଇଁ ଏକ ଏଫଆଇଆର ରୁଜୁ କରାଯାଇ ପ୍ରଦର୍ଶନକାରୀଙ୍କୁ ଗିରଫ କରାଯାଇଛି ।

୫ ବ୍ୟାରିକେଡ୍ ଭାଙ୍ଗି ରାସ୍ତା ଅବରୋଧ ହୋଇଛି: ଲନରୁ ବାହାର କରିଦିଆଯିବା ପରେ, ପ୍ରଦର୍ଶନକାରୀମାନେ ଇଣ୍ଡିଆ ଗେଟର ମୁଖ୍ୟ ରାସ୍ତାରେ ବସିଥିଲେ ଯାହା ଦ୍ଵାରା ଟ୍ରାଫିକ ସମସ୍ୟା ବଢ଼ିଥିଲା । ପୋଲିସଙ୍କ କହିବା କଥାକି ସେମାନେ ଜୋରଜବରଦସ୍ତି ବ୍ୟାରିକେଡ୍ ଭାଙ୍ଗିଦେଇଥିଲେ ।

୬ ପ୍ରତିବାଦକାରୀଙ୍କ ମଧ୍ୟରେ ଛାତ୍ର: ପ୍ରଦର୍ଶନକାରୀଙ୍କ ମଧ୍ୟରେ ଦିଲ୍ଲୀ ସ୍ୱଚ୍ଛ ବାୟୁ ସମନ୍ୱୟ କମିଟିର ସଦସ୍ୟ ଏବଂ ଅନେକ ଛାତ୍ର ସଂଗଠନ ସାମିଲ ଥିଲେ ଯେଉଁମାନେ ପ୍ରଦୂଷଣର ମୂଳ କାରଣଗୁଡ଼ିକୁ ସମାଧାନ କରିବାରେ ସରକାର ବିଫଳ ହୋଉଛନ୍ତି ବୋଲି ଅଭିଯୋଗ କରିଥିଲେ।

୭ 'ହିଡମା ଅମର ରହେ' ସ୍ଲୋଗାନ: ଘଟଣାସ୍ଥଳରେ ମାଓବାଦୀ କମାଣ୍ଡର ହିଡମାକୁ ପ୍ରଶଂସା କରୁଥିବା ପୋଷ୍ଟର ଏବଂ ସ୍ଲୋଗାନ ଲଗାଯାଇଥିଲା।

୮ ସ୍ଲୋଗାନ ଦେଉଥିବା ଲୋକଙ୍କୁ ଚିହ୍ନଟ କରିବ ପୋଲିସ: ଦିଲ୍ଲୀ ପୋଲିସ କହିଛି ଯେ ଭିଡିଓ ଫୁଟେଜ୍ ମାଧ୍ୟମରେ ମାଓବାଦୀ ସ୍ଲୋଗାନ ଦେଉଥିବା ଲୋକଙ୍କୁ ଚିହ୍ନଟ କରାଯିବ ଏବଂ ପରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ।

୯ ବିକ୍ଷୋଭକାରୀମାନେ ମାଡ଼ ମାରିବା ଅଭିଯୋଗ କରିଛନ୍ତି: କିଛି ଛାତ୍ର ପୋଲିସ ଉପରେ କଠୋର ବ୍ୟବହାର ଏବଂ ଫୋନ୍ ଜବତ କରିବାର ଅଭିଯୋଗ କରିଛନ୍ତି, ପୋଲିସ ଏହାକୁ ଅସ୍ୱୀକାର କରିଛି ଏବଂ କହିଛି ଯେ ଆକ୍ରମଣ ପରେ ହିଁ କାର୍ଯ୍ୟାନୁଷ୍ଠାନ ନିଆଯାଇଥିଲା।

୧୦ ଦିଲ୍ଲୀରେ ପ୍ରଦୂଷଣ ସ୍ତର ଗୁରୁତର: ରାଜଧାନୀରେ ବିଷାକ୍ତ କୁହୁଡ଼ି ଘୋଡ଼ାଇ ରହିଥିବା ବେଳେ ଏହି ପ୍ରତିବାଦ କରାଯାଇଥିଲା । ସୋମବାର ସକାଳେ ସହରସାରା AQI ୩୯୬ ଅତି ଖରାପ ଛୁଇଁଥିଲା, ଗାଜିପୁର, ବାୱାନା ଏବଂ ଆନନ୍ଦ ବିହାର ସମେତ ଅନେକ ସ୍ଥାନରେ ୪୩୦ ଉପରେ 'ଗମ୍ଭୀର' ସ୍ତର ରେକର୍ଡ କରାଯାଇଛି।