ଉଦ୍ଧାର ହେଲା ୪୧ ଜୀବନ, ପରିବାରରେ ଖୁସିର ମାହୋଲ
ନୂଆଦିଲ୍ଲୀ: ବହୁ ପ୍ରତୀକ୍ଷାର ହେଲା ଅନ୍ତ, ଟନେଲ ଭିକରୁ ଉଦ୍ଧାର ହେଲେ ୪୧ ଶ୍ରମିକ । ଉଦ୍ଧାର ଶ୍ରମିକଙ୍କୁ ଦେଖି ଭାବବିହ୍ଵଳ ହେଲେ ଆତ୍ମୀୟ ସୋଜନ ।
ମଙ୍ଗଳବାର...ସମୟ- ସଂଧ୍ୟା...ସାମ୍ନାକୁ ଆସିଲା ଖୁସିର ମୁହୂର୍ତ୍ତ । କାରଣ ଏହି ସମୟରେ ହିଁ ଉଦ୍ଧାର ହେଲେ ଟନେଲରେ ଫଶିଥିବା ୪୧ ଶ୍ରମିକ । ଦୀର୍ଘଦିନ ପରେ ଦେଖିଲେ ଖୋଲା ଆକାଶ । ସମ୍ପର୍କୀୟଙ୍କୁ ଟନେଲ ବାହାରେ ଦେଖି ବାଭବିହ୍ୱଳ ହୋଇଥିଲେ ଶ୍ରମିକ ଆଉ ତାଙ୍କ ପରିବାର। ଉତ୍ତରକାଶୀ ନିର୍ମାଣଧୀନ ଟନେଲ ଭୁଶୁଡିଯିବାରୁ ଦୀର୍ଘ ୧୭ ଦିନ ଫସିକି ଥିଲେ ୭ ରାଜ୍ୟର ୪୧ ଶ୍ରମିକ । ଆଉ ଏହାରି ଭିତରେ ଥିଲେ ଓଡ଼ିଶାର ୫ ଶ୍ରମିକ । ଯେବେଠୁ ଟନେଲ ଭିତରେ ଶ୍ରମିକ ଫସିବାର ଖବର ପ୍ରସାରଣ ହୋଇଛି ସେବେଠୁ ତାଙ୍କ ଘରେ କାନ୍ଦ ବୋବାଳିରେ ଫାଟିପଡୁଥିଲା। ଚୁଲି ଜଳିବା ବନ୍ଦ ହୋଇଯାଇଥିଲା। ସ୍ତ୍ରୀ କାନ୍ଦୁଥିଲା ସ୍ୱାମୀର ଉଦ୍ଧାର ପାଇଁ, ମାଆ କାନ୍ଦୁଥିଲା ପୁଅ ପାଇଁ । କେମିତି ଭଲରେ ଭଲରେ ଉଦ୍ଧାର ହେବେ ଶ୍ରମିକ ସେଥିପାଇଁ ମନ୍ଦିରରେ ଚାଲିଥିଲା ପୂଜାର୍ଚ୍ଚାନ। କେମିତି ଭଗବାନ ସମସ୍ତ ୪୧ ଶ୍ରମିକଙ୍କୁ ଉଦ୍ଧାର କରିଦିଅନ୍ତୁ ସେନେଇ ସମସ୍ତଙ୍କର ଲକ୍ଷ୍ୟ ଗୋଟିଏ ଥିଲା । କେମିତି ତାଙ୍କ ତେଲ ଲୁଣର ସଂସାର ପାଖକୁ ଆସିବ ଏହାହିଁ ଥିଲା ପ୍ରାର୍ଥନା । ଶେଷରେ ଭକ୍ତିର ଜୟ ହେଲା, ଭକ୍ତର ଡାକ ଶୁଣିଲେ ମହାକାଳ ।
ଉଦ୍ଧାର ଥିଲା ବଡ଼ ଚ୍ୟାଲେଞ୍ଜ
ଯେବେଠୁ ଟନେଲରେ ଶ୍ରମିକ ଫସିଛନ୍ତି ସେବେଠୁ ସମସ୍ତଙ୍କୁ କୁଶଳେ ଉଦ୍ଧାର କରିବା ଫାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ହଜିଥିଲା ନିଦ। ଦିନରାତି ଏକ କରି ଉଦ୍ଧାରରେ ଲାଗିଥିଲା ପ୍ରଶାସନ । ଦେଶ ବାହାରୁ ଆସିଥିଲା ବ୍ୟୟବହୁଳ ଅଗର ମେସିନ। ପଥର କାଟିବା ବେଳେ ଭାଙ୍ଗିଯାଇଥିଲା ଅଗର ମେସିନର ବ୍ଲେଡ। ଆଶା ବି ମଉଳି ଥିଲା। ହତାଶ ଆଉ ନିରାଶ ମଧ୍ୟରରେ ପ୍ରଶାସନ ଆଉ ଉପସ୍ଥିତ ଅଞ୍ଚଳବାସୀ ଏବଂ ସମ୍ପର୍କୀୟ ହାତ ଟେକିଦେଇଥିଲା । ଗୁହାରି କରିଥିଲେ ବାବା ଭୋକ ନାଗଙ୍କ ନିକଟରେ । ଶ୍ରମିକଙ୍କୁ ଉଦ୍ଧାର କରିଦିଅ ବାବା । ବାବାଙ୍କ କୃପା ଏବଂ ପ୍ରଶାସନର କଠୋର ପରିଶ୍ରମ ପାଇଁ ଉଦ୍ଧାର ହୋଇଛନ୍ତି ୪୧ ଶ୍ରମିକ। ସତରେ ଯାହାକୁ ରଖିବ ଅନନ୍ତ କି କରିପାରେ ବଳବନ୍ତ।
ଅଧିକ ଦେଖନ୍ତୁ:
