ରାଜଧାନୀ ଦିଲ୍ଲୀରେ ଆଉ ଗଡ଼ିବନି ପୁରୁଣା ଗାଡ଼ି । ବିଜେପି ସରକାର ପୁରୁଣା ଯାନ ଉପରେ ପ୍ରତିବନ୍ଧକ ଲଗାଇବାକୁ ଜାରି କରିଛନ୍ତି ନୂଆ ଗାଇଡ୍ ଲାଇନ୍ । ପରିବହନ ବିଭାଗ ଦ୍ବାରା ଜାରି ହୋଇଥିବା ଅଧିସୂଚନା ଅନୁଯାୟୀ, ୨୦୨୪ରେ ଦିଲ୍ଲୀ ରାଜପଥରେ ଗଡ଼ୁଥିବା ୧୦ବର୍ଷ ପୁରୁଣା ଡିଜେଲ ଓ ୧୫ ବର୍ଷ ପୁରୁଣା ପେଟ୍ରୋଲ ବା ସିଏନଜି ଗାଡ଼ିଗୁଡ଼ିକର ପଞ୍ଜୀକରଣ ରଦ୍ଦ କରିଦିଆଯାଇଛି । ଫଳରେ ୫୫ ଲକ୍ଷରୁ ଅଧିକ ଗାଡ଼ି ସ୍କ୍ରାପରେ ପରିଣତ ହୋଇଛି । ଏଣ୍ଡ୍ ଅଫ୍ ଲାଇପ୍ ଗାଡ଼ିର ସୂଚୀ ପରିବହନ ବିଭାଗ ଓ୍ବେବସାଇଟ୍ ରେ ସ୍ଥାନିତ ହୋଇଛି ।

ଦିଲ୍ଲୀ ସରକାରଙ୍କ ଦ୍ବାରା ଜାରି ନିର୍ଦ୍ଦେଶନାମା ଅନୁସାରେ ସାର୍ବଜନିକ ସ୍ଥାନ, ଯେଉଁଥିରେ ଘର ବାହାରେ ଛିଡ଼ା କରାଯାଉଥିବା ଗାଡ଼ିଗୁଡ଼ିକୁ ମଧ୍ୟ ସାମିଲ୍ କରାଯାଇଛି । ବାହାର ପାର୍କିଂ ହେଉଥିବା ଯାନ ଉପରେ ପ୍ରତିବନ୍ଧକ ଲଗାଇଛନ୍ତି ଦିଲ୍ଲୀ ସରକାର । ଏଣିକି ଯେଉଁ ଗାଡ଼ିଗୁଡ଼ିକ ପଞ୍ଜୀକରଣ ଶେଷ ହୋଇଥିବ, ସେଗୁଡ଼ିକୁ ବର୍ଷେ ଭିତରେ ରାଜଧାନୀ ଦିଲ୍ଲୀରୁ ବାହାରକୁ ନେବା ପାଇଁ ନୋ-ଅବଜେକ୍ସନ ସାର୍ଟିଫିକେଟ୍ ନେବାକୁ ପଡ଼ିବ ।

ଘର ବାହାରେ ବା ସରକାରୀ ସ୍ଥାନରେ ପାର୍କିଂ କରାଯାଉଥିବା ଗାଡ଼ିଗୁଡ଼ିକୁ ମାଲିକ ମାନେ ନିଜସ୍ବ ଜାଗାରେ ରଖିବେ । ଅନ୍ୟପଟେ ପଞ୍ଜୀକରଣ ରଦ୍ଦ ହୋଇଥିବା ଗାଡ଼ିଗୁଡ଼ିକ ଦୀଲ୍ଲିରେ ରାସ୍ତାରେ ଗଡ଼ିଲେ କିମ୍ବା ସାର୍ବଜନିକ ସ୍ଥାନରେ ପାର୍କିଂ ହେଲେ ପରିବହନ ବିଭାଗ ଜବତ କରିବା ସହିତ ୫ ହଜାରରୁ ୧୦ ହଜାର ପର୍ଯ୍ୟନ୍ତ ଜରିମାନା ବ୍ୟବସ୍ଥା କରାଯାଇଛି । ଯାନ ଗୁଡ଼ିକୁ ଯେପରି ପେଟ୍ରୋଲ୍ ପମ୍ପରେ ଇନ୍ଧନ ନମିଳିବ ସେନେଇ ଦିଲ୍ଲୀ ସରକାର ଖୁବଶୀଘ୍ର ନୂଆ ନିୟମ ଆଣିବାକୁ ଯାଉଛନ୍ତି ।