ବାଇକ୍‌ ଚୋରି ପ୍ରତି ସାବଧାନ । ଆପଣଙ୍କ ଆଖି ପିଛୁଳାକେ ବାଇକ୍ ହୋଇଯିବ ଗାୟବ । ପ୍ରତ୍ୟେକ ନିମ୍ନମଧ୍ୟବୀତ ପରିବାରରେ ସାମନ୍ୟ ବାଇକ୍‌ କିଣିବା ବି ଏକ ସ୍ୱପ୍ନ । ଗୋଟିଏ ପରିବାରରେ ଗୋଟିଏ ବାଇକ୍‌ ଥାଏ । ସେମାନେ ତାକୁ ଖୁବ୍‌ ଯତ୍ନର ସହ ବ୍ୟବହାର କରନ୍ତି । କାରଣ ଜୀବନର ଏକ ବଡ଼ ପୁଞ୍ଜି ସେମାନେ ବାଇକ୍‌ କିଣିବାରେ ସାରିଦିଅନ୍ତି । ଆଉ ଏଭଳି ସ୍ଥିତିରେ ଯଦି ସେମାନଙ୍କ ବାଇକ୍ ଚୋରି ହୋଇଯାଏ ତେବେ ତାଙ୍କ ପରିବାରରେ ସତେ ଯେମିତି ଏକ କଳା ବାଦଲ ଛାଇଯାଏ ।

ବାଇକ ପ୍ରାୟ ପ୍ରତ୍ୟେକ ଘରର ଦୈନନ୍ଦିନ ଜୀବନର ଅଂଶ ହୋଇଯାଇଛି। ବାଇକ ଦ୍ୱାରା ଘରୁ ବାହାରକୁ ଯିବାଠାରୁ ଆରମ୍ଭ କରି ଅନେକ କାମ ସହଜରେ ହୋଇଯାଏ। ବର୍ତ୍ତମାନ ସମୟରେ ବାଇକ କିଣିବା ସହଜ ହେଲେ ମଧ୍ୟ ତାକୁ ସୁରକ୍ଷିତ ରଖିବା ଏକ ବଡ଼ ଦାୟିତ୍ୱ। ତେଣୁ କିଛି ଛୋଟ ତଥା ଅତ୍ୟନ୍ତ ଜରୁରୀ ପଦକ୍ଷେପ ନେଲେ ଆପଣ ନିଜ ବାଇକକୁ ଚୋରିରୁ ରକ୍ଷା ପାଇପାରିବେ। ଭାରତରେ ୨୦୨୫-୨୦୨୬ରେ ବାଇକ ଚୋରି ଘଟଣା ବଢ଼ିବାରେ ଲାଗିଛି। ଯେଉଁଥିରେ Hero Splendor, Honda Activa, Bajaj Pulsar ଆଦି ସବୁଠାରୁ ଅଧିକ ଚୋରି ହେଉଥିବା ଦେଖାଯାଉଛି ।

୧-ସୁରକ୍ଷିତ ପାର୍କିଙ୍ଗ ସ୍ଥାନ ବାଛନ୍ତୁ

ବାଇକ ଚୋରି ନ ହେବା ପାଇଁ ପାର୍କିଙ୍ଗ ସ୍ଥାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆଲୋକିତ, ଲୋକଙ୍କ ଯିବାଆସିବା ସ୍ଥାନରେ ପାର୍କ କରନ୍ତୁ। ଅନ୍ଧାରୁଆ ଗଳି, ଖାଲି ପ୍ଲଟ୍‌ କିମ୍ବା ଶୁନଶାନ୍‌ ଜାଗାରେ ବାଇକ ଛାଡ଼ିବାକୁ ଏଡ଼ାଇବା ଉଚିତ। CCTV କ୍ୟାମେରା ଥିବା ପାର୍କିଙ୍ଗ ବ୍ୟବହାର କରନ୍ତୁ।

୨-ବାଇକ କଭର୍‌ ଲଗାନ୍ତୁ

ପାର୍କ କରିବା ପରେ ବାଇକକୁ ଏକ ସାଧାରଣ କଭର୍‌ ଦେଇ ଢାଙ୍କି ଦିଅନ୍ତୁ। ଏହା ଦ୍ୱାରା ବାଇକ୍‌ର ମଡେଲ ଓ ବ୍ରାଣ୍ଡ ଲୁଚିଯାଏ। ଚୋରଙ୍କ ଆକର୍ଷଣ କମିଯାଏ। ଏହା ଏକ ସରଳ କିନ୍ତୁ ବହୁତ ପ୍ରଭାବଶାଳୀ ଉପାୟ।

୩-ଷ୍ଟିୟରିଙ୍ଗ ଲକ୍‌ ଓ ଡିସ୍କ ଲକ୍‌ ବ୍ୟବହାର କରନ୍ତୁ

ବାଇକ୍‌କୁ ଷ୍ଟିୟରିଙ୍ଗ ଲକ୍‌ ସବୁବେଳେ ଲଗାଇ ରଖନ୍ତୁ। ଏହା ସହିତ ଡିସ୍କ ଲକ୍‌, ଚେନ ଲକ୍‌ କିମ୍ବା U-ଲକ୍‌ ଭଳି ଅତିରିକ୍ତ ଲକ୍‌ ବ୍ୟବହାର କରନ୍ତୁ। ଏକାଧିକ ଲକ୍‌ ଲଗାଇଲେ ଚୋରଙ୍କ ପାଇଁ ବାଇକ୍‌ ନେବା କଷ୍ଟକର ହୋଇଯାଏ। ଲକ୍‌କୁ ଭୂମିରୁ ଦୂରରେ ରଖନ୍ତୁ ଯାହା ଦ୍ୱାରା ଚୋରକୁ ସହଜରେ ବ୍ୟବହାର କରି ଭାଙ୍ଗିବା କଷ୍ଟ ହୁଏ।

୪-ଆଲାର୍ମ ସିଷ୍ଟମ ଓ GPS ଟ୍ରାକର୍‌ ଲଗାନ୍ତୁ

ଆଧୁନିକ ଆଲାର୍ମ ସିଷ୍ଟମ ବାଇକ ହଲୁଛି ମାତ୍ରେ ଆଲାର୍ମ ବାଜିବା ସହ ମୋବାଇଲ୍‌ରେ ଆଲର୍ଟ ପଠାଏ। GPS ଟ୍ରାକର୍‌ ଲଗାଇଲେ ଚୋରି ହେଲେ ବାଇକ୍‌ର ଲୋକେସନ ସହଜରେ ଟ୍ରାକ କରାଯାଇପାରେ। ୨୦୨୫-୨୦୨୬ରେ ଏହି ଡିଭାଇସ ବହୁତ ଜନପ୍ରିୟ ହୋଇଛି।

୫-ଡୁପ୍ଲିକେଟ ଚାବି ସୁରକ୍ଷିତ ରଖନ୍ତୁ

ବାଇକ୍‌ର ଅନ୍ୟ ଚାବିକୁ ଇଗ୍ନିସନ କିମ୍ବା ସିଟ୍‌ ତଳେ ରଖନ୍ତୁ ନାହିଁ। ଚାବି ହଜିଗଲେ ତୁରନ୍ତ ଲକ କିମ୍ବା ଇଗ୍ନିସନ ବଦଳାଇଦିଅନ୍ତୁ।

୬-ଡକ୍ୟୁମେଣ୍ଟ ସୁରକ୍ଷିତ ରଖନ୍ତୁ

ବାଇକ୍‌ର ରେଜିଷ୍ଟ୍ରେଶନ ନମ୍ବର, ଚେସିସ ନମ୍ବର ଓ ଇଞ୍ଜିନ ନମ୍ବର ଏକ ସୁରକ୍ଷିତ ସ୍ଥାନରେ ଲେଖି ରଖନ୍ତୁ। ଚୋରି ହେଲେ ପୋଲିସ୍‌କୁ ଏହି ତଥ୍ୟ ଦେବାରେ ସହାୟକ ହୁଏ।

୭-ବୀମା ଓ ଅଭିଯୋଗ ପ୍ରକ୍ରିୟା

ବାଇକ୍‌ର ବୀମା ସର୍ବଦା ଆକ୍ଟିଭ ରଖନ୍ତୁ। ଚୋରି ହେଲେ ତୁରନ୍ତ ନିକଟସ୍ଥ ଥାନାରେ FIR ଦାୟର କରନ୍ତୁ ଏବଂ ବୀମା କମ୍ପାନୀକୁ ଜଣାନ୍ତୁ। ସମୟାନୁବର୍ତ୍ତୀ କାର୍ଯ୍ୟାନୁଷ୍ଠାନ ଦ୍ୱାରା କ୍ଷତି କମାଇ ହେବ।