ଛତିଶଗଡ଼ ବିଜାପୁର ନ୍ୟାସନାଲ ପାର୍କ ଅଂଚଳରେ ପୁଣି ଏନକାଉଣ୍ଟର । ଗୁଳିବିନିମୟରେ ନିପାତ ହେଲେ ୭ ମାଓବାଦୀ। ଆଗକୁ ମୃତ୍ୟୁ ସଂଖ୍ୟା ବଢିବା ସମ୍ଭାବନା। ଡ଼ିଆରଜି, ଏସଟିଏଫ ଓ କୋବ୍ରା ଯବାନଙ୍କ ମିଳିତ ଅପରେସନରେ ଏହି ସଫଳତା ମିଳିଛି। ଏବେ ବି ସର୍ଚ୍ଚ ଅପରେସନ ଜାରି ରହିଛି

ଗତକାଲି ନିପାତ ହୋଇଥିଲା ଦୁର୍ଦ୍ଦାନ୍ତ ମାଓବାଦୀ ଭାସ୍କର ରାଓ । ଯାହାଙ୍କ ମୁଣ୍ଡ ବଦଳରେ ଥିଲା ୪୫ ଲକ୍ଷ ଟଙ୍କାର ଜରିମାନା। ବସ୍ତର ପୁଲିସ ଆଇଜି ପି. ସୁନ୍ଦରରାଜ କହିଛନ୍ତି, ବର୍ତ୍ତମାନ ସୁଦ୍ଧା ୭ ମାଓବାଦୀଙ୍କ ମୃତଦେହ ଉଦ୍ଧାର କରାଯାଇଛି। ଗତ ୪, ୫ ଓ ୬ ତାରିଖ ୩ ଦିନ ଧରି ନ୍ୟାସନାଲ ପାର୍କ ଜଙ୍ଗଲରେ ସର୍ଚ୍ଚ ଅପରେସନ ସମୟରେ ମାଓବାଦୀଙ୍କ ସହିତ ଗୁଳିବିନିମୟ ହୋଇଥିଲା।

କେନ୍ଦ୍ର ସରକାରଙ୍କ ଋଣନୀତି ପାଇଁ ଶେଷ ନିଶ୍ବାସ ନେଉଛି ମାଓବାଦ। ସରକାରଙ୍କ ପ୍ରତିବଦ୍ଧତାକୁ ନେଇ ନିକଟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଘୋଷଣା କରିଥିଲେ ୩୧ ମାର୍ଚ୍ଚ ୨୦୨୬ ପରଠାରୁ ଦେଶରେ ନକ୍ସଲବାଦ ଇତିହାସ ପାଲଟିଯିବ।