ଅର୍ଗସ ବ୍ୟୁରୋ: ଯୁଦ୍ଧ ତ୍ରସ୍ତ ସିରିଆରୁ ୭୫ ଜଣ ଭାରତୀୟଙ୍କୁ ଉଦ୍ଧାର କରାଯାଇଛି । ସିରିଆରେ ବାସର ଅଲ ଆସଦ ସରକାର କ୍ଷମତାଚ୍ୟତ ହେବା ପରେ ସେଠାରେ ଥିବା ଭାରତୀୟ ମାନେ ଆତଙ୍କିତ ଓ ଭୟଭୀତ ହୋଇପଡିଛନ୍ତି । ସେମାନଙ୍କୁ ଉଦ୍ଧାର କରିବାକୁ ଅପିଲ କରୁଛନ୍ତି । ଗତକାଲି ବିଳମ୍ବିତ ରାତିରେ ସିରିଆରୁ ୭୫ଜଣ ଭାରତୀୟଙ୍କୁ ଉଦ୍ଧାର କରାଯାଇଛି । ସେମାନଙ୍କୁ ଲେବାନନ ନିଆଯାଇଛି । 

ସେଠାରୁ ଖୁବଶୀଘ୍ର ସେମାନେ ଭାରତ ଯିବେ ବୋଲି ବୈଦେଶିକ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ସିରିଆରେ ଫସି ରହିଥିବା ଭାରତୀୟ ମାନଙ୍କୁ ଉଦ୍ଧାର କରିବା ପାଇଁ ଜାରି ହୋଇଛି ହେଲପଲାଇନ ନମ୍ବର । ତିନି ଦିନ ତଳେ ସିରିଆରେ ହାୟତ ତାହରିର ଅଲ ସାମ୍‌ ବିଦ୍ରୋହୀ ଗୋଷ୍ଠୀ ରାଜଧାନୀ ଦାମସକସକୁ ଅକ୍ତିଆର କରିଥିଲେ  ଏଥିସହ ବାସର ଅଲ ଆସଦର ୨୪ବର୍ଷର ଶାସନ୍ତର ଅନ୍ତ ହୋଇଛି । କ୍ଷମତାଚ୍ୟୁତ ହେବା ପରେ ସେ ରୁଷିଆରେ ରାଜନୈତିକ ଶରଣ ନେଇଛନ୍ତି ।