୪ ରାଜ୍ୟରେ SIR ଡ୍ରାଫ୍ଟ ଲିଷ୍ଟ ଜାରି । ଭୋଟର ତାଲିକାରୁ କଟିଲା ପ୍ରାୟ ୯୩ ଲକ୍ଷ ନାଁ । ମଧ୍ୟପ୍ରଦେଶ ଭୋଟର ଡ୍ରାଫ୍ଟ ତାଲିକାରୁ କଟିଛି ୪୨ ଲକ୍ଷରୁ ଅଧିକ ମତଦାତାଙ୍କ ନାଁ । ଆଜି ନିର୍ବାଚନ କମିଶନ ପକ୍ଷରୁ ଜାରି ହୋଇଛି SIR ଡ୍ରାଫ୍ଟ ତାଲିକା । ନିର୍ବାଚନ ଅଧିକାରୀଙ୍କ ସୂଚନା ଅନୁସାରେ ନୂଆ ତାଲିକାରେ ମୋଟ ୫ କୋଟି ୩୧ ଲକ୍ଷ ୩୧ ହଜାର ୯୮୩ ଜଣ ଭୋଟରଙ୍କ ନାମ ରହିଛି ।

ରାଜଧାନୀ ଭୋପାଳରୁ ୪ ଲକ୍ଷରୁ ଅଧିକ ଭୋଟରଙ୍କ ନାଁ ତାଲିକାରୁ କଟିଛି । ସ୍ଥାନାନ୍ତର ଯୋଗୁ ରାଜ୍ୟରେ ୩୧ ଲକ୍ଷ ୫୧ ହଜାର ଭୋଟରଙ୍କ ନା କଟିଥିବାବେଳେ ମୃତ୍ୟୁ କାରଣରୁ ୮ ଲକ୍ଷ ୪୬ ଲକ୍ଷ ଭୋଟରଙ୍କ ନାଁ କଟିଛି । ଆସନ୍ତାବର୍ଷ ୨୧ ଫେବ୍ରୁଆରୀରେ ପ୍ରକାଶ ପାଇବ ଚୁଡ଼ାନ୍ତ ତାଲିକା। ନୂଆ ତାଲିକାରେ କୌଣସି ବ୍ୟକ୍ତିଙ୍କ ନାୀଁ ନଥିଲେ, ୨୨ ଜାନୁଆରୀ ଯାଏ ଆବେଦନ ସହ ନାଁ ସଂଯୋଗ କରାଯାଇପାରିବ ।

ମଧ୍ୟପ୍ରଦେଶ ପରି କେରଳରେ SIR ଡ୍ରାଫ୍ଟ ତାଲିକାରେ ୨୪ ଲକ୍ଷ ଓ ଛତିଶଗଡ଼ରେ ୨୪ ଲକ୍ଷ ଭୋଟରଙ୍କ ନାଁ କଟିଛି । ମଧ୍ୟପ୍ରଦେଶ, କେରଳ ସହ ଆଜି ଛତିଶଗଡ଼, ଆଣ୍ଡାମାନ ନିକୋବର ପାଇଁ SIR ଡ୍ରାଫ୍ଟ ତାଲିକା ଜାରି କରିଛନ୍ତି ନିର୍ବାଚନ କମିଶନ । ଗତକାଲି ଜାରି ହୋଇଥିବା ତାମିଲନାଡୁ SIR ଡ୍ରାଫ୍ଟ ତାଲିକାରେ ୯୭ ଲକ୍ଷ ଭୋଟରଙ୍କ ନାଁ କଟିଥିଲା ।