ମମତାଙ୍କ ରାଜ୍ୟରେ ହିନ୍ଦୁଙ୍କ ଭିତରେ ହାହାକାର। ହିନ୍ଦୁଙ୍କ ଘରେ ନିଆଁ ଲଗାଇଲେ...ପାଣିରେ ବିଷ ମିଶାଇଲେ...ଶେଷରେ ଭୟଭୀତ ହୋଇ ହିଂସାଗ୍ରସ୍ତ ମୁର୍ଶିଦାବାଦରୁ ପଳାୟନ କରିବାକୁ ବାଧ୍ୟ ହୋଇଛନ୍ତି ମହିଳା, ଶିଶୁଙ୍କ ସମେତ ୫୦୦ରୁ ଅଧିକ ହିନ୍ଦୁ । ମାଲଦାର ଏକ ସ୍କୁଲରେ ଆଶ୍ରୟ ନେଇଥିବା ହିନ୍ଦୁଙ୍କ ଆଖିର ଲୁହ ହିଁ ପଶ୍ଚିମବଙ୍ଗରେ ହିନ୍ଦୁଙ୍କ ସୁରକ୍ଷା ସ୍ଥିତି ବୟାନ କରୁଛି । ମମତା ସରକାର ପଶ୍ଚିମବଙ୍ଗରେ ୱାକଫ ଆଇନ ଲାଗୁ କରିନଥିଲେ ବି ମୁର୍ଶିଦାବାଦ ସମେତ ରାଜ୍ୟର ବିଭିନ୍ନ ମୁସଲିମ ବହୁଳ ଅଞ୍ଚଳରେ ହିନ୍ଦୁଙ୍କୁ ଟାର୍ଗେଟ୍ କରୁଛନ୍ତି ହିଂସାକାରୀ । ପୋଲିସ ଉପସ୍ଥିତିରେ ହିନ୍ଦୁଙ୍କ ଘରେ, ଦୋକାନ ବଜାରରେ ନିଆଁ ଲଗାଉଛନ୍ତି ଦଙ୍ଗାକାରୀ । ମମତା ସରକାରଙ୍କୁ ହିନ୍ଦୁଙ୍କ ସୁରକ୍ଷା ଗ୍ୟାରେଣ୍ଟି ମାଗିଛି ବିଜେପି ।

ଶନିବାର ରାତିରେ ୧୬ ପ୍ଲାଟୁନ କେନ୍ଦ୍ରୟୀ ଅର୍ଦ୍ଧସାମରିକ ବଳ ସହ ରବିବାର ହିଂସାଗ୍ରସ୍ତ ଅଞ୍ଚଳରେ ମୁତୟନ ହୋଇଛନ୍ତି ୩୦୦ ସୀମା ସୁରକ୍ଷା ବଳ । ଡିଜିପି ଓ ଆଇଜିଙ୍କ ସମେତ ବରିଷ୍ଠ ପୋଲିସ ଅଧିକାରୀ ହିଂସାଗ୍ରସ୍ତ ଅଞ୍ଚଳରେ ପହଞ୍ଚି ସ୍ଥିତି ଅନୁଧ୍ୟାନ କରିବା ଶାନ୍ତି ବଜାୟ ରଖିବାକୁ ଲୋକଙ୍କୁ ଅପିଲ କରିଛନ୍ତି । ସ୍ଥିତିକୁ ଦୃଷ୍ଟିରେ ରଖି ମୁର୍ଶିଦାବାଦରେ ଇଣ୍ଟରନେଟ ସେବାକୁ ଅସ୍ଥାୟୀ ଭାବେ ବନ୍ଦ ରଖିଯାଇଛି । ବର୍ତ୍ତମାନ ସୁଦ୍ଧା ହିଂସା ଘଟଣାରେ ୧୧୮ ଜଣଙ୍କୁ ଗିରଫ କରାଯାଇଥିବା କହିଛି ପଶ୍ଚିମବଙ୍ଗ ପୋଲିସ।

ଏକଦା ହିନ୍ଦୁ ବହୁଳ ଥିବା ମୁର୍ସିଦାବାଦରେ ପ୍ରଥମେ ବାମପନ୍ଥୀ ଓ ପରେ ଟିଏମସିର ତୁଷ୍ଟିକରଣ ରାଜନୀତି ଯୋଗୁଁ ହିନ୍ଦୁ ସଂଖ୍ୟାଲଘୁରେ ପରିଣତ ହୋଇସାରିଲେଣି । ସରକାରୀ ତଥ୍ୟ ଅନୁଯାୟୀ ଦେଶ ସ୍ବାଧୀନତା ବେଳେ ମୁର୍ଶିଦାବାଦରେ ହିନ୍ଦୁଙ୍କ ଜନସଖ୍ୟା ଥିଲା ୪୫% ଓ ମୁସଲିମ୍ ଥିଲେ ୫୫% । କିନ୍ତୁ ୨୦୨୪ ବେଳକୁ ଏହା ଓଲଟି ଯାଇଛି। ଏବେ ଏଠାରେ ହିନ୍ଦୁଙ୍କ ସଂଖ୍ୟା ୩୦%କୁ କମି ଆସିଥିବାବେଳେ ମୁସଲିମ୍ ଜନସଂଖ୍ୟା ବୃଦ୍ଧିପାଇ ୭୦%ରେ ପହଞ୍ଚିଛି । ଆଉ ଇତହାସ କହୁଛି ଭାରତ ଯେଉଁ ଅଞ୍ଚଳରେ ହିନ୍ଦୁ ସଂଖ୍ୟାଲଘୁ ପାଲଟିଛନ୍ତି ସେଠାରେ ବିଚ୍ଛିନ୍ନତାବାଦୀ ଓ ଅତଙ୍କବାଦୀ ମୁଣ୍ଡ ଟେକିଛନ୍ତି।

ମୁର୍ସିଦାବାଦରେ ଦଙ୍ଗାକାରୀଙ୍କ ଆକ୍ରମଣରେ ଏବେସୁଦ୍ଧା ୩ ଜଣ ହିନ୍ଦୁ ପ୍ରାଣହରାଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି । ଆହତଙ୍କ ମଧ୍ୟରେ ପୋଲିସ କର୍ମା ବି ଅଛନ୍ତି। ଶତାଧିକ ଯାନବାହନ, ଦୋକାନ, ବଜାରରେ ନିଆଁ ଲଗାଇ ଦେଇଛନ୍ତି ଦଙ୍ଗାକାରୀ । ସ୍ଥିତି ଅଣାୟତ ହେବା ପରେ ଶନିବାର ରାଜ୍ୟ ବିଜେପିର ଆବେଦନ ଆଧାରରେ କେନ୍ଦ୍ରୀୟ ସୁରକ୍ଷାବଳ ମୁତୟନ ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ କୋଲକାତା ହାଇକୋର୍ଟ । ହିଂସାରେ ବହୁ ସରକାରୀ ସମ୍ପତ୍ତି ନଷ୍ଟ ହେବା ସହ ରେଳ ଅଫିସ ଓ ରେଲ ଧାରଣା କ୍ଷତିଗ୍ରସ୍ତ ହୋଇଛି । ହିଂସା ଘଟଣାରେ NIA ଦ୍ବାରା ତଦନ୍ତ କରି ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ କେନ୍ଦ୍ର ସରକାରଙ୍କୁ ଅନୁରୋଧ କରିଛି ରାଜ୍ୟ ବିଜେପି ।

Argus News | argus news | -Argusnews Home: Odisha Latest News, Breaking News, Trending News, Live TV and more