ମଧ୍ୟପ୍ରଦେଶର ବେତୁଲ ଜିଲ୍ଲାରୁ ଏକ ବଡ଼ ଘଟଣା ସାମ୍ନାକୁ ଆସିଛି । ଗୁରୁବାର ରାତିରେ ପଠାଖେଡା ଡବ୍ଲୁସିଏଲର ଛତରପୁର-୧ କୋଇଲା ଖଣିରେ ଏକ ବଡ଼ ଦୁର୍ଘଟଣା ଘଟିଥିଲା। ଛାତ ଭୁଶୁଡ଼ି 3 ଜଣଙ୍କର ମୃତ୍ୟୁ ହୋଇଛି । ଛତରପୁର-୧ କୋଇଲା ଖଣିରେ ଏକ ସ୍ଲାବ୍ ଖସିପଡ଼ିଛି । ଏହି ଘଟଣାରେ ସିଫ୍ଟ ଇନଚାର୍ଜ, ଖଣି ସର୍ଦ୍ଦାର ଏବଂ ଓଭରମ୍ୟାନଙ୍କ ସମେତ ଅନେକ ଶ୍ରମିକ ଭଗ୍ନାବଶେଷ ତଳେ ଚାପି ହୋଇଯାଇଥିଲେ। ଏହି ଘଟଣାରେ ତିନି ଜଣ ଶ୍ରମିକଙ୍କ ମୃତଦେହ ଉଦ୍ଧାର କରାଯାଇଛି ।

ବେତୁଲର ଛତରପୁର-୧ ଖଣିରେ ବଡ଼ ଦୁର୍ଘଟଣା- କୁହାଯାଉଛି ଯେ ଏହି ଘଟଣାଟି ଗୁରୁବାର ଛତରପୁର ୧ ଖଣିର ସିଏମ୍ ସେକ୍ସନରେ ଘଟିଥିଲା। ଖଣି ମୁହାଣ ଭିତରେ ପ୍ରାୟ 3.5 କିଲୋମିଟର ଭିତରେ କଣ୍ଟୋର ଖଣି ସେକ୍ସନରେ ଶ୍ରମିକମାନେ କାମ କରୁଥିବା ସମୟରେ ଦୁର୍ଘଟଣା ଘଟିଥିଲା ।