ଆଜିକାଲି ସମସ୍ତେ ଆର୍ଟିଫିସିଆଲ ଇଣ୍ଟେଲିଜେନ୍ସରେ ଏକ୍ସପର୍ଟ ହେବାକୁ ଚାହୁଁଛନ୍ତି । ଆର୍ଟିଫିସିଆଲ ଇଣ୍ଟେଲିଜେନ୍ସ ବା ଏଆଇ ଯୁବପିଢୀଙ୍କ ପାଇଁ ଏକ ନୂଆ ଦିଶା ପାଲଟିଛି । ସବୁ ସମସ୍ୟାର ସମାଧାନ ଚାଟ ଜିପିଟି ଦ୍ଵାରା ସେମାନେ ପାଇ ପାରୁଛନ୍ତି । ସେଥିପାଇଁ ଜଣେ ୧୪ ବର୍ଷର ଝିଅ ନିଜ ସ୍କୁଲ ଛାଡି ନିଜର ସବୁ ସମୟ ଚାଟ୍ ଜିପିଟିରେ ଦେଉଛନ୍ତି । ଏଥିସହ କହିଛନ୍ତି, ସ୍କୁଲ ଯିବାର ସେତିକି ସମୟ ମୋର କ୍ଷମତା ନଷ୍ଟ ହେଉଛି ।

୧୪ ବର୍ଷର ଝିଅ ପରିଣିତି ଏକ ପଡକାଷ୍ଟ 'ଜଷ୍ଟ କିଡିଙ୍ଗ ଉଇଥ୍ ସିଦ୍ ' ରେ ନିଜର ପାଠପଢା ଏବଂ କ୍ୟାରିଅରକୁ ନେଇ ଯେଉଁ ମତାମତ ଦେଇଛନ୍ତି, ତାହା ବର୍ତ୍ତମାନ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି । ପରିଣିତି କହିଛନ୍ତି, ସେ ୧୩ ବର୍ଷ ବୟସରୁ ନିଜର ପାଠପଢା ଛାଡି ଦେଇଛନ୍ତି । ଯେହେତୁ ସେ ଚାଟ୍ ଜିପିଟିରେ ଏକ୍ସପର୍ଟ ହେବାକୁ ଚାହୁଁଛନ୍ତି, ସେଥିପାଇଁ ସ୍କୁଲ ଛାଡିବା ପରେ ସେ ସବୁ ସମୟ ଚାଟ୍ ଜିପିଟିରେ ଦେଉଛନ୍ତି । ପୂର୍ବରୁ ତାଙ୍କ ବାପା ତାଙ୍କୁ ପ୍ରିତିଦିନ ଚାଟ ଜିପିଟିରେ ୨ ଘଣ୍ଟା ସମୟ ଦେବାକୁ କହୁଥିଲେ । ଏବେ ସେ ୪ ଘଣ୍ଟା ସମୟ ଦେଉଛନ୍ତି। ପରିଣିତି କହିଛନ୍ତି, ସ୍କୁଲରେ ପଢିବା ବେଳେ ତାଙ୍କର ସବୁ ହୋମୱାର୍କ ସେ ଚାଟ ଜିପିଟି ସାହାଯ୍ୟରେ କରୁଥିଲେ । ହେଲେ ଶିକ୍ଷକ ତାଙ୍କୁ ଏପରି ନକରିବାକୁ କହୁଥିଲେ । ହେଲେ ପରିଣିତି କହିଛନ୍ତି, ଯଦି ଆର୍ଟିଫିସିଆଲ ଇଣ୍ଟେଲିଜେନ୍ସରେ ଆମର ଭବିଷ୍ୟତ ରହିଛି, ତାହେଲେ କାହିଁକି ଏହା ବ୍ୟବାହର ଆମେ କରିବା ନାହିଁ ।

ଅଧିକ ଜାଣିବା ପାଇଁ ତଳେ ଦିଆଯାଇଥିବା ଲିଙ୍କରେ କ୍ଲିକ୍ କରନ୍ତୁ..