ଅର୍ଗସ ବ୍ୟୁରୋ :  ମୃତ୍ୟୁ ପରେ କଣ ହୁଏ, ତାହା ଜାଣିବାକୁ ନିଜେ ନିଜକୁ ଗୁଳିମାରିଦେଲେ ୧୫ ବର୍ଷର ନାବାଳକ । ସେ ବି ପୁଣି ପରିବାର ଲୋକଙ୍କ ସାମ୍ନାରେ । ଏହି ଘଟଣା ସମସ୍ତଙ୍କୁ ଯେତିକି ବ୍ୟଥିତ କରିଛି ସେତିକି ଆଶ୍ଚର୍ଯ୍ୟ ମଧ୍ୟ କରିଛି ।

ସାଧାରଣତଃ ମୃତ୍ୟୁପରର ସତ୍ୟାସତ୍ୟ କଣ ତାକୁ ଜାଣିବାର ଉତ୍କଣ୍ଠା ଆମ ସମସ୍ତଙ୍କ ମନରେ ଥାଏ । କିନ୍ତୁ ଆମେ ଆମ ନିଜ ଜୀବନକୁ ମଧ୍ୟ ଖୁବ ଭଲ ପାଆନ୍ତି। ହେଲେ ମୃତ୍ୟୁପରର ରହସ୍ୟ ଜାଣିବା ପାଇଁ ନିଜକୁ ହତ୍ୟା କରିବା ଘଟଣାଟି ସହଜରେ ଗ୍ରହଣ କରି ନହେଲେ ମଧ୍ୟ ଏପରି ଘଟଣା ବାସ୍ତବରେ ଘଟିଛି ।

ଉତ୍ତର ପ୍ରଦେଶର ମିରଟ ଜିଲ୍ଲାର ଏକ ପରିବାରର ଜଣେ ୧୫ ବର୍ଷର ନାବାଳକ ଏପରି ଦୁଃସାହସ କରିଛି । ନବମ ଶ୍ରେଣୀରେ ପଢେ ଏହି ନାବାଳକ ଯୁବରାଜ ରାଣା । ପୋଲିସର ତଦନ୍ତରୁ ଯାହା ଜଣା ପଡିଛି , ଏହି ପିଲା ମୃତ୍ୟୁ ପୂର୍ବରୁ ନିଜ ଫୋନରେ ଗୁଗଲ ଏବଂ ୟୁଟ୍ୟୁବରେ "ଗରୁଡ ପୁରାଣ", "ମୃତ୍ୟୁ ପରେ କଣ ହୁଏ" , " ମୃତ୍ୟୁର ଉପାୟ", ମୃତ୍ୟୁ ପରେ ଆତ୍ମା କୁଆଡେ ଯାଏ, ସେ ଉପରେ ଅନେକ ତଥ୍ୟ ସର୍ଚ୍ଚ କରିଥିଲା । ସେଥିପାଇଁ ସେ ଆତ୍ମହତ୍ୟା କରିବା ପୂର୍ବରୁ କୌଣସି ସୁଇସାଇଡ ନୋଟ ଲେଖି ନଥିଲେ ।

ଯୁବରାଜ ଅନେକ ଖରାପ ପିଲାଙ୍କ ସହ ସାଙ୍ଗ ହେଉଥିବାରୁ ତାଙ୍କୁ ତାଙ୍କର ମାଆ ଏବଂ ଭାଇ ଖୁବ ଗାଳି ଦେଉଥିଲେ । ତା ବାଇକକୁ ପରିବାର ଲୋକେ ବିକ୍ରି କରି ଦେଇଥିଲେ । ଯାହାକୁ ନେଇ ଅନେକ ସମୟରେ ସେ ବିରକ୍ତି ରହୁଥିଲା, ଏବଂ ବିଶେଷ କାହା ସହ କଥା ହେଉନଥିଲା । ହେଲେ ହଠାତ ସେଦିନ ବନ୍ଧୁକ ଧରି ପରିବାରଙ୍କ ସମ୍ମୁଖରେ ମୃତ୍ୟୁ ପରେ କଣ ହୁଏ ଜାଣିବା ପାଇଁ ନିଜକୁ ଗୁଳି କରି ଦେଇଥିଲା । ଆଉ ପୁଲିସ ସେଠାରେ ତୁରନ୍ତ ପହଞ୍ଚିଲା ପରେ ମଧ୍ୟ ସେହି ନାବାଳକର ମୃତ୍ୟୁ ହୋଇ ଯାଇଥିଲା ।

ତେବେ ଗତ ୨ ମାସ ତଳେ ମିରଟର ଏକ ସ୍ଥାନରେ ଜଣେ ବିଟେକ ପଢୁଥିବା ଛାତ୍ରୀ ନିଜ ରୁମରେ ଆତ୍ମହତ୍ୟା କରିଥିଲେ । ଏହାର କାରଣ ଥିଲା, କି ତାଙ୍କର ପଡୋଶୀ ମାନେ କୌଣସି କଥା ପାଇଁ ତାଙ୍କର ଥଟ୍ଟାମଜା କରୁଥିଲେ । ଯାହାକୁ ନେଇ ସେ ଖୁବ ସମସ୍ୟାରେ ରହୁଥିଲେ । ଏବଂ ଘରେ କେହି ନଥିବା ବେଳେ ସେ ଆତ୍ମହତ୍ୟା କରିଥିଲେ ।

ଏଇଠି ଆପଣଙ୍କୁ କହି ରଖିବାକୁ ଚାହୁଁଛୁ, ଆତ୍ମହତ୍ୟା ସବୁ ସମସ୍ୟାର ସମାଧାନ ନୁହେଁ । ଯେତେବେଳେ କାହାର କଥା ବା ନିଜର କୌଣସି ଜିନିଷକୁ ନେଇ ସମସ୍ୟାରେ ରହୁଛନ୍ତି, ତେବେ ନିଜକୁ ସମୟ ଦିଅନ୍ତୁ, ନିଜକୁ ବୁଝନ୍ତୁ ଏବଂ ନିଜକୁ ଭଲ ପାଇବାକୁ ଚେଷ୍ଟା କରନ୍ତୁ । ଯଦି କୌଣସି ବି ଆତ୍ମୀୟ ଲୋକଙ୍କୁ ନିଜର ମନ କଥା କହିବାକୁ ଚାହୁଁଛନ୍ତି, ତେବେ କହି ଦିଅନ୍ତୁ । ମନେ ରଖନ୍ତୁ, ଜୀବନ ଖୁବ ଛୋଟ । ଜୀବନରେ ସୁଖଦୁଃଖ ସବୁବେଳେ ଲାଗିରହିବ । କିନ୍ତୁ ତାକୁ ସାମ୍ନା କରିପାରୁଥିବା ଲୋକ ହିଁ ଜୀବନ ଯୁଦ୍ଧରେ ଜିତିଯାଏ । ତେଣୁ ନିଜକୁ କଷ୍ଟ ନଦେଇ ବୀର ପରି ସବୁ ସମସ୍ୟାର ସାମ୍ନା କରନ୍ତୁ । ଦେଖିବେ ସମସ୍ୟା ଖୁବ ଛୋଟ ଲାଗିବ । BE HAPPY ALWAYS