ଅର୍ଗସ ବ୍ୟୁରୋ: ଜାନୁଆରୀରେ ଭକ୍ତଙ୍କ ପାଇଁ ଖୋଲିବ ଅଯୋଧ୍ୟା ରାମ ମନ୍ଦିର । ଏହାକୁ ନେଇ ସାରା ଦେଶରେ ଏବେ ଖୁବ ଚର୍ଚ୍ଚା । ଦିନ ଯେତିକି ଯେତିକି ପାଖେଇ ଆସୁଛି ଶ୍ରଦ୍ଧାଳୁଙ୍କ ମନରେ ଉତ୍କଣ୍ଠା ମଧ୍ୟ ବୃଦ୍ଧି ପାଉଛି । ଆଉ ଏହାର ପ୍ରତିଷ୍ଠା ଉତ୍ସବ ପାଇଁ ଏକ ଭବ୍ୟ ଆୟୋଜନ ମଧ୍ୟ ହେଉଛି । ଆସନ୍ତା ଜାନୁଆରି ୨୨ରେ ଶ୍ରୀରାମଲଲ୍ଲାଙ୍କ ଶ୍ରୀବିଗ୍ରହର ପ୍ରାଣ ପ୍ରତିଷ୍ଠା କରାଯିବ । ଏହି ଭବ୍ୟ ସମାରୋହ ପାଇଁ ଏବେ ଠାରୁ ପ୍ରସ୍ତୁତି ଆରମ୍ଭ ହୋଇଯାଇଛି ।

ତେବେ ଏହାରି ଭିତରେ ରାମ ମନ୍ଦିର ପାଇଁ ତିଆରି ଚାଲିଛି ବିରାଟ ଧ୍ବଜା ଦଣ୍ଡ । ଯାହାର ଚିତ୍ର ସାମନାକୁ ଆସିଛି । ଏହି ଧ୍ୱଜା ଦଣ୍ଡର ଆକାର ଓ ସୁନେଲୀ ରଙ୍ଗ ଖୁବ ଚିତ୍ତାକର୍ଷକ ଲାଗୁଛି । ଦେଖିଲେ ଆଖି ଝଲସି ଉଠୁଛି । ଏହି ମୁଖ୍ୟ ଧ୍ବଜା ଦଣ୍ଡର ଓଜନ ରହିଛି ପ୍ରାୟ 5500 କେଜି । ଗୁଜୁରାଟର ଶ୍ରୀ ଅମ୍ବିକା ଇଞ୍ଜିନିୟରିଂ ଓ୍ବାର୍କସ ଦ୍ବାରା ନିର୍ମାଣ କରାଯାଉଛି ।
ଏହି ବିରା ଧ୍ୱଜା ଦଣ୍ଡ ଦେଖିବାକୁ ଖୁବ ଆକର୍ଷଣୀୟ ଓ ଆଶ୍ଚର୍ଯ୍ୟ ଲାଗୁଛି । କାରିଗର ମାନେ ମଧ୍ୟ ଏହି ବିରାଟ କାୟ ଧ୍ୱଜା ଦଣ୍ଡ ବନାଇ ନୂଆ ଅନୁଭବ ପାଇଛନ୍ତି । ଯାହାକୁ କ୍ୟାମେରା ଆଗରେ ବଖାଣିଛନ୍ତି ।

ଅନ୍ୟପଟେ ରାମ ମନ୍ଦିରରେ ଶ୍ରୀବିଗ୍ରହଙ୍କର ପ୍ରାଣ ପ୍ରତିଷ୍ଠା ସମାରୋହ ପାଇଁ ସାରାଦେଶରୁ ପ୍ରାୟ ୬ ହଜାର ଲୋକଙ୍କୁ ନିମନ୍ତ୍ରଣ କରାଯିବ । ଏଥିପାଇଁ ନିମନ୍ତ୍ରଣପତ୍ର ପ୍ରସ୍ତୁତ ହୋଇଯାଇଛି । ଏହି ନିମନ୍ତ୍ରଣ ପତ୍ରର ଫଟୋଚିତ୍ର ସୋସିଆଲ ମିଡିଆରେ ଭାଇରାଲ ହୋଇଛି । ଡାକ ମାଧ୍ୟମରେ ନିମନ୍ତ୍ରଣ ପତ୍ର ପଠାଯାଉଛି । ଏଥିରେ ଦୂରଦୂରାନ୍ତରୁ ଆସିଥିବା ସାଧୁ, ମହାମଣ୍ଡଳେଶ୍ୱର, ଗୁରୁ ମଧ୍ୟ ସାମିଲ ହେବା ନେଇ ଜଣାପଡିଛି ।

ରାମ ମନ୍ଦିରର ପୂଜାରୀ ଚୟନ ପ୍ରକ୍ରିୟା ଆରମ୍ଭ , ଆବେଦନ କରିଛନ୍ତି ୩ ହଜାରରୁ ଅଧିକ ପ୍ରାର୍ଥୀ

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV