ଆଦାନୀ ଇଲେକ୍ଟ୍ରିସିଟିକୁ ବ୍ରାଣ୍ଡେନ୍ ହଲ ଗ୍ରୁପ୍ 'ଗୋଲ୍ଡ HR ଏକ୍ସଲେନ୍ସ ଆୱାର୍ଡ ୨୦୨୪' ସମ୍ମାନ ମିଳିଛି । ଆଦାନୀ ଇଲେକ୍ଟ୍ରିସିଟିକୁ ଆଦାନୀ ମାର୍ବଲ୍ସ ଲିଡରସିପ୍ ପ୍ରୋଗ୍ରାମ ପାଇଁ ସର୍ବଶ୍ରେଷ୍ଠ ଲିଡରସିପ୍ ପ୍ରୋଗ୍ରାମ ବର୍ଗରେ ଏହି ସମ୍ମାନରେ ସମ୍ମାନିତ କରାଯାଇଛି । ଏହି କାର୍ଯ୍ୟକ୍ରମରେ ଲିଡରସିପ୍ ଟ୍ୟାଲେଣ୍ଟ ଏବଂ କର୍ମଚାରୀଙ୍କ ବ୍ୟକ୍ତିଗତ ବିକାଶକୁ ପ୍ରୋତ୍ସାହନ ଦେବା ନେଇ କମ୍ପାନୀର ପ୍ରତିବଦ୍ଧତାକୁ ଦର୍ଶାଉଛି ।

ଆମେରିକାର ଫ୍ଲୋରିଡାରେ ବ୍ରାଣ୍ଡେନ୍ ହଲ୍ ଏକ୍ସଲେନ୍ସ କନଫରେନ୍ସରେ ଆଦାନୀ ଇଲେକ୍ଟ୍ରିସିଟି ମୁମ୍ବାଇ ଲିମିଟେଡର ମାନବ ସମ୍ବଳର ମୁଖ୍ୟ ଅଧିକାରୀ ଡକ୍ଟର ସଞ୍ଜୀବ ମୁରାମକରଙ୍କୁ ଏହି ଗୋଲ୍ଡ ଆୱାର୍ଡ ପ୍ରଦାନ କରାଯାଇଛି ।

ବ୍ରାଣ୍ଡେନ୍ ହଲ୍ ଗ୍ରୁପ ବିଶ୍ବରେ ଏକ ଅଗ୍ରଣୀ ରିସର୍ଚ୍ଚ ଆନାଲିସିସ୍ ଫାର୍ମ । ଯାହାକି ଗତ ୩୦ ବର୍ଷ ଧରି ବିଶ୍ବରେ ୧୦ ହଜାରରୁ ଅଧିକ ଗ୍ରାହକଙ୍କୁ ସେବା ପ୍ରଦାନ କରି ଆସୁଛି । ଏହି ପୁରସ୍କାର ମାନବ ସମ୍ବଳ କ୍ଷେତ୍ରରେ ଆଦାନୀ ଇଲେକ୍ଟ୍ରିସିଟିର ନେତୃତ୍ବକୁ ପ୍ରମାଣିତ କରୁଛି । ଏହାସହ ପ୍ରତିଭା ପରିଚାଳନା ଏବଂ ସାଂଗଠନିକ ବିକାଶରେ ଏକ ନୂଆ ମାନକ ସ୍ଥାପନ କରିଛି ।