ଆଡଭାଣ୍ଟେଜ୍ ଆସାମ 2.0 ନିବେଶ ସମ୍ମିଳନୀରେ ଆଦାନୀ ଗ୍ରୁପର ବଡ ଘୋଷଣା । ଆସାମରେ ଆଦାନୀ ଗ୍ରୁପର ୫୦ ହଜାର କୋଟି ନିବେଶ ନେଇ ଘୋଷଣା କରିଛନ୍ତି ଆଦାନୀ ଗ୍ରୁପ ଚେୟାରମ୍ୟାନ ଗୌତମ ଆଦାନୀ । ଏହି ନିବେଶ ଅର୍ଥରେ ଆସାମରେ ପୂର୍ବରୁ ଥିବା ଏୟାରପୋର୍ଟର ସଂପ୍ରସାରଣ ସହ ଆଧୁନିକ ଏରୋସିଟି ନିର୍ମାଣ ପାଇଁ ଯୋଜନା ରଖିଛି ଆଦାନୀ ଗ୍ରୁପ । ସେହିପରି ସିଟି ଗ୍ୟାସ ଡିଷ୍ଟ୍ରିବ୍ୟୁସନ, ପାୱାର୍ ଟ୍ରାନ୍ସମିସନ, ସିମେଣ୍ଟ ପ୍ରକଳ୍ପରେ ଖର୍ଚ୍ଚ କରାଯିବ। ସଡ଼କ ପ୍ରକଳ୍ପ ମାଧ୍ୟମରେ ଆସାମରେ ଟ୍ରାନ୍ସପୋର୍ଟ ନେଟୱର୍କକୁ ସଶକ୍ତ କରିବାକୁ ଯୋଜନା କରିଛି ଆଦାନୀ ଗ୍ରୁପ । ଆଦାନୀ ଗ୍ରୁପର ଏହି ନିବେଶ କେବଳ ଯେ ଆସାମର ଆର୍ଥିକ ବିକାଶରେ ବଡ ଯୋଗଦାନ କରିବ ତାନୁହେଁ ଏହାଦ୍ବାରା ହଜାର ହଜାର ସଂଖ୍ୟାରେ ନିଯୁକ୍ତି ସହ ବ୍ୟବସାୟର ନୂଆ ସୁଯୋଗ ସୃଷ୍ଟି କରିବ ।

ଏହି ନିବେଶକ ସମ୍ମିଳନୀରେ ପ୍ରଥମେ ଗୁଜରାଟରେ ଆରମ୍ଭ ହୋଇଥିଲା । ୨୦୦୩ରେ ଆରମ୍ଭ ହୋଇଥିବା ନିବେଶ ସମ୍ମିଳନୀରେ ବର୍ତ୍ତମାନ ରାଷ୍ଟ୍ରୀୟ ଆନ୍ଦୋଳନରେ ପରିବର୍ତ୍ତିତ ହୋଇଛି। ବିଗତ ୨୦ ବର୍ଷରେ ଏହା ଆଶାଠୁ ଅଧିକ ସଫଳତା ପାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇନଫ୍ରାଷ୍ଟ୍ରକଚର୍ ଭିଜନକୁ ପ୍ରଂଶାସ କରି ଗୌତମ ଆଦନୀ କହିଛନ୍ତି ଯେ, ଦେଶରେ ଭିତ୍ତିଭୂମି କ୍ଷେତ୍ରରେ ଯାହା ବି ବିକାଶ ହୋଇଛି ତାହା ପ୍ରଧାନମନ୍ତ୍ରୀ ମୋଦିଙ୍କ ପ୍ରେରଣାଦାୟୀ ନେତୃତ୍ବର ପରିଣାମ । ତାଙ୍କର ସେହି ଭିଜନରେ ପ୍ରେରିତ ଆଦାନୀ ଗ୍ରୁପ ଆସାମର ବିକାଶରେ ପ୍ରତିବଦ୍ଧତା ସହ ଭାଗିଦାରୀ ହେବ ବୋଲି କହିଛନ୍ତି ଗୌତମ ଆଦାନୀ ।

ଆଡଭାଣ୍ଟେଜ୍ ଆସାମ ୨୦୨୫ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା ଗୁଆହାଟିର ଲୋକପ୍ରିୟ ଗୋପୀନାଥ ବୋରଦୋଳାଇ ଅନ୍ତର୍ଜାତୀୟ ବିମାନବନ୍ଦରର ନୂଆ ଇଣ୍ଟିଗ୍ରେଟେଡ୍ ଟର୍ମିନାଲ୍ ବିଲ୍ଡିଂର ଵମ୍ବୁ ଅର୍କିଡ୍ ଡିଜାଇନର ଅନାବରଣ କରିଛନ୍ତି । ଯାହାକି ଆସାମର ପ୍ରାକୃତିକ ସୌନ୍ଧର୍ଯ୍ୟ ଉପରେ ଆଧାରିତ । ବର୍ତ୍ତମାନ ଏହି ନୂଆ ଇଣ୍ଟିଗ୍ରେଟେଡ୍ ଟର୍ମିନାଲ୍ ବିଲ୍ଡିଂ ନିର୍ମାଣଧୀନ ରହିଥିବା ବେଳେ ବାର୍ଷିକ ୧୩.୧ ମିଲିୟନ ପାସେଞ୍ଜର ମ୍ୟାନେଜ୍ କରିପାରୁଛି । ଏମିତିକା ଟର୍ମିନାଲ୍ ଭାରତର ଉତ୍ତର-ପୂର୍ବ ରାଜ୍ୟ ଗୁଡିକରେ ପ୍ରଥମ । ଯାହାକି ୨୦୨୫ ଶେଷ କ୍ବାଟର ସୁଦ୍ଧା ସଂପୂର୍ଣ୍ଣ ହେବା ଆଶା କରାଯାଉଛି ।