ଭାରତ ମାଟିରୁ ପାକିସ୍ତାନ କୁ ଚେତାବନୀ ଦେଇଛନ୍ତି ଆଫଗାନିସ୍ତାନର ବୈଦେଶିକ ମନ୍ତ୍ରୀ ଆମିର୍ ଖାନ୍ ମୁତ୍ତାକି। ନିକଟରେ ପାକିସ୍ତାନର କାବୁଲ୍ ଉପରେ ଏଆର ଷ୍ଟ୍ରାଇକ୍ କୁ କଡା ନିନ୍ଦା କରିଛନ୍ତି ମୁତ୍ତାକି । ଆଫଗାନ୍ ଭୂମି ଆତଙ୍କବାଦ ପାଇଁ ବ୍ୟବହୃତ ହେବ ନାହିଁ । ପାକିସ୍ତାନ ଆମ ଦେଶର ଶାନ୍ତିକୁ ବାଧା ଦେଇପାରିବ ନାହିଁ । ଆଫଗାନ୍ ସାହସକୁ ପାକିସ୍ତାନ ପରୀକ୍ଷା ନକରୁ ବୋଲି ସେ କଡା ଚେତାବନୀ ଦେଇଛନ୍ତି । ଏହା ସହିତ ଆମେରିକା , ସୋଭିଏତ୍ ଇଉନିଅନ୍ ଏବଂ ନାଟୋ କୁ ମଧ୍ୟ କଡା ସନ୍ଦେଶ ଦେଇଛନ୍ତି ଆଫଗାନ୍ ବୈଦେଶିକ ମନ୍ତ୍ରୀ ।

ତାଲିବାନ ବୈଦେଶିକ ମନ୍ତ୍ରୀ ଆମିର ଖାନ ମୁତ୍ତାକୀ ଶୁକ୍ରବାର ଭାରତ ଗସ୍ତରେ ଆସିଛନ୍ତି । ନୂଆଦିଲ୍ଲୀର ହାଇଦ୍ରାବାଦ ହାଉସରେ ମୁତ୍ତାକୀ ଭାରତୀୟ ବୈଦେଶିକ ମନ୍ତ୍ରୀ ଡ. ଏସ ଜୟଶଙ୍କରଙ୍କ ସହ ଉଚ୍ଚସ୍ତରୀୟ ବୈଠକ କରିଛନ୍ତି।ଏହି ବୈଠକ ପରେ ଭାରତ କାବୁଲରେ ନିଜର ଦୂତାବାସ ପୁନର୍ବାର ଖୋଲିବ ବୋଲି ଘୋଷଣା କରି ଆଫଗାନିସ୍ତାନର ସାର୍ବଭୌମତ୍ୱ, ଆଞ୍ଚଳିକ ଅଖଣ୍ଡତା ଓ ସ୍ୱାଧୀନତା ପ୍ରତି ଭାରତର ସମର୍ଥନକୁ ବ୍ୟକ୍ତ କରିଛନ୍ତି ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କର । ମୁତ୍ତାକୀ କହିଛନ୍ତି, “ପାକିସ୍ତାନର ଏହି କାର୍ଯ୍ୟ ଭୁଲ ଅଟେ। ୪୦ ବର୍ଷ ପରେ ଆଫଗାନିସ୍ତାନରେ ଶାନ୍ତି ଓ ପ୍ରଗତି ଆସିଛି। ଯଦି କେହି ଏହାର ପରୀକ୍ଷା କରିବାକୁ ଚାହୁଁଛନ୍ତି, ତେବେ ସେମାନେ ସୋଭିଏତ ଯୁନିଅନ, ଆମେରିକା ଓ ନାଟୋଙ୍କୁ ପଚାରନ୍ତୁ, ଯେଉଁମାନେ ଆଫଗାନିସ୍ତାନ ସହ ଖେଳ ଖେଳିବାର ପରିଣାମ ଜାଣିଛନ୍ତି।”

ଏଥିସହ ପଢ଼ନ୍ତୁ: "ମୋ ଉପରେ ବିଶ୍ୱାସ କର ଭାଇ": X ରେ ଭାଇରାଲ ହେଉଥିବା ଆରତାଇ ଗୋପନୀୟତା ଚିନ୍ତାର ଜବାବ ଦେଲେ ଜୋହୋ ପ୍ରତିଷ୍ଠାତା

ନୂଆଦିଲ୍ଲୀର ହାଇଦ୍ରାବାଦ ହାଉସରେ ମୁତ୍ତାକୀ ଭାରତୀୟ ବୈଦେଶିକ ମନ୍ତ୍ରୀ ଡ. ଏସ ଜୟଶଙ୍କରଙ୍କ ସହ ଉଚ୍ଚସ୍ତରୀୟ ବୈଠକ କରିଛନ୍ତି। ଜୟଶଙ୍କର ଘୋଷଣା କରିଛନ୍ତି ଯେ ଭାରତ କାବୁଲରେ ନିଜର ଦୂତାବାସ ପୁନର୍ବାର ଖୋଲିବ। ସେ ଆଫଗାନିସ୍ତାନର ସାର୍ବଭୌମତ୍ୱ, ଆଞ୍ଚଳିକ ଅଖଣ୍ଡତା ଓ ସ୍ୱାଧୀନତା ପ୍ରତି ଭାରତର ସମର୍ଥନକୁ ପୁନର୍ବ୍ୟକ୍ତ କରିଛନ୍ତି। ଜୟଶଙ୍କର କ୍ରସ-ବର୍ଡର ଆତଙ୍କବାଦର ସାଧାରଣ ଚ୍ୟାଲେଞ୍ଜ ଉପରେ ଆଲୋକପାତ କରି ଆତଙ୍କବାଦ ବିରୋଧରେ ମିଳିତ ପ୍ରୟାସର ଆବଶ୍ୟକତା ଉପରେ ଜୋର ଦେଇଛନ୍ତି। ସେ ଆଫଗାନିସ୍ତାନ ପାଇଁ ଛଅଟି ନୂଆ ପ୍ରକଳ୍ପ, ୨୦ଟି ଆମ୍ବୁଲାନ୍ସ, ଏମଆରଆଇ ଓ ସିଟି ସ୍କାନ ମେସିନ, ଟିକା, କର୍କଟ ଔଷଧ ଏବଂ ମାଦକ ପୁନର୍ବାସନ ସହାୟତା ଘୋଷଣା କରିଛନ୍ତି। ପ୍ରତୀକାତ୍ମକ ଭାବେ ସେ ମୁତ୍ତାକୀଙ୍କୁ ପାଞ୍ଚଟି ଆମ୍ବୁଲାନ୍ସ ହସ୍ତାନ୍ତର କରିଛନ୍ତି।

ମୁତ୍ତାକୀ ଆଞ୍ଚଳିକ ସ୍ଥିରତା ପାଇଁ ଆଫଗାନିସ୍ତାନର ପ୍ରତିବଦ୍ଧତା ଉପରେ ଜୋର ଦେଇ କହିଛନ୍ତି, “ଆମେ ସୁରକ୍ଷା ସହଯୋଗ ଉପରେ ବିସ୍ତୃତ ଆଲୋଚନା କରିଛୁ। ଆଫଗାନ ଭୂମି କୌଣସି ଦେଶ ବିରୋଧରେ ବ୍ୟବହାର ହେବାକୁ ଦିଆଯିବ ନାହିଁ।” ସେ ଦ୍ୱିପାକ୍ଷିକ ବାଣିଜ୍ୟରେ ବାଧା ହଟାଇବା ପାଇଁ ଏକ ଯୁଗ୍ମ ବାଣିଜ୍ୟ କମିଟି ଗଠନ କରାଯିବ ବୋଲି ଘୋଷଣା କରିଛନ୍ତି।ମୁତ୍ତାକୀ ପାକିସ୍ତାନର କ୍ରସ-ବର୍ଡର କାର୍ଯ୍ୟକୁ ନିନ୍ଦା କରି କହିଛନ୍ତି, “ଏହି ପଦ୍ଧତିରେ ସମସ୍ୟାର ସମାଧାନ ହେବ ନାହିଁ। ଆଫଗାନ ଜନତାଙ୍କ ଧୈର୍ଯ୍ୟ ଓ ସାହସର ପରୀକ୍ଷା କରାଯିବା ଉଚିତ ନୁହେଁ।” ସେ ବ୍ରିଟିଶ, ସୋଭିଏତ ଓ ଆମେରିକାଙ୍କ ଐତିହାସିକ ଶିକ୍ଷାକୁ ମନେ ରଖିବାକୁ ପରାମର୍ଶ ଦେଇଛନ୍ତି।

ଅଧିକ ପଢ଼ନ୍ତୁ ଦେଶ ଖବର: