ଅର୍ଗସ ବ୍ୟୁରୋ: ସ୍ୱଦେଶ ଫେରିବା ପରେ ଅର୍ଥନୀତିଜ୍ଞଙ୍କ ସହ ଆଗାମୀ ବଜେଟକୁ ନେଇ ଆଲୋଚନା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଜୁଲାଇ ୨୩ରେ ଉପସ୍ଥାପିତ ହେବାକୁ ଯାଉଛି ସାଧାରଣ ବଜେଟ । ଅର୍ଥମନ୍ତ୍ରୀ ନିର୍ମଳା ସୀତାରମଣ ମୋଦି ସରକାରଙ୍କ ତୃତୀୟ ପାଳିର ପ୍ରଥମ ବଜେଟ୍ ଉପସ୍ଥାପନ କରିବେ । ଏଥି ନିମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଅର୍ଥନୀତିଜ୍ଞ ମାନଙ୍କ ସହ ବିଭିନ୍ନ ବିଷୟରେ ଆଲୋଚନା କରିଛନ୍ତି । ମୋଦି ସରକାରଙ୍କ ତୃତୀୟ ପାଳିର ଏହା ପ୍ରଥମ ବଜେଟ ହେବ । ସାଧାରଣ ଲୋକଟିଏ ଏଥିରେ କେତେ ଉପକୃତ ହେବ ସେ ନେଇ ସମସ୍ତଙ୍କ ଅପେକ୍ଷା ।

ଅନ୍ୟପଟେ ଋଷିଆ ଓ ଅଷ୍ଟ୍ରିଆ ଗସ୍ତ ପରେ ଆଜି ସ୍ବଦେଶ ଫେରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାପରେ ଆଥିଥେୟତା ପାଇଁ ଦୁଇ ଦେଶକୁ ଧନ୍ୟବାଦ ଜଣାଇଛନ୍ତି ମୋଦି । ସ୍ବଦେଶ ଫେରିବା ପୂର୍ବରୁ ଭିଏନାରେ ଆୟୋଜିତ ହୋଇଥିବା ଏକ ସଭାକୁ ଉଦ୍ବୋଧନ ଦେଇ ମୋଦି କହିଛନ୍ତି, ଭାରତ ପୂରା ବିଶ୍ବକୁ ଯୁଦ୍ଧ ନୁହେଁ ବୁଦ୍ଧ ଦେଇଛି । ଭାରତ ବିଶ୍ବକୁ ଶାନ୍ତି ଓ ସମୃଦ୍ଧତା ପ୍ରଦାନ କରିଛି । ଏହି କାରଣରୁ ୨୧ ଦଶକରେ ଦେଶ ଆହୁରି ସୁଦୃଢ ହୋଇଛି । ଭାରତ ସବୁ ବେଳେ ଉଚ୍ଚ ଲକ୍ଷ୍ୟସ୍ଥଳରେ ପହଞ୍ଚିବାକୁ ଚେଷ୍ଟା କରିଛି । ହଜାର ବର୍ଷ ଧରି ଭାରତ ବିଶ୍ବକୁ କେବଳ ଜ୍ଞାନ ଓ ପାରିଦର୍ଶୀତା ଦେଇଆସିଛି ବୋଲି ଭିଏନାରେ ଉପସ୍ଥିତ ଥିବା ପ୍ରବାସୀ ଭାରତୀୟଙ୍କୁ ଉଦବୋଧନ ଦେଇ କହିଥିଲେ ମୋଦି ।

ଓଡିଆ ଉତ୍ତରୀୟ ପକାଇ କହିଲେ ଜୟ ଜଗନ୍ନାଥ

Argus News | argus news | Odisha Latest News, Breaking News, Trending News, Live TV