ନୂଆଦିଲ୍ଲୀ: ଧାରା ୩୭୦ ଉଚ୍ଛେଦ ପରେ ବଦଳିଛି ଜାମ୍ମୁ କାଶ୍ମୀରର ଚିତ୍ର । ଏବେ କେନ୍ଦ୍ର ଶାସିତ ଅଞ୍ଚଳ ଜମ୍ମୁ କାଶ୍ମୀରରେ ବିକାଶକୁ ମିଳିଛି ଗତି । ବିକଶିତ ଭାରତ ଗଠନରେ ଯୋଗଦାନ ଦେଉଛନ୍ତି ପ୍ରତିଟି ଅଞ୍ଚଳବାସୀ । ସେପଟେ ଶ୍ରୀନଗରକୁ ସ୍ମାର୍ଟ କରିବା ପାଇଁ ଚାଲିଛି ଜୋରଦାର ପ୍ରୟାସ । ସୌନ୍ଦର୍ଯ୍ୟକରଣ ସହ ବିଭିନ୍ନ ସ୍ଥାନରେ ଚାଲିଛି ନୂଆ ନିର୍ମାଣ କାର୍ଯ୍ୟ । ପଥଯାତ୍ରୀଙ୍କ ପାଇଁ ରାସ୍ତା ନିର୍ମାଣ ସହ ଲାଗିଛି ସୋଲାର ଲାଇଟ୍‌ ।

ଅନେକ ହ୍ରଦ ଓ ପୋଖରୀକୁ ସଫା କରାଯାଇଥିବା ବେଳେ ଏହା ସହରର ଶୋଭାକୁ ଦ୍ବିଗୁଣିତ କରିଛି । 2024 ଜୁନ ସୁଦ୍ଧା ଶ୍ରୀନଗର ସହରକୁ ସ୍ମାର୍ଟ ସିଟିରେ ପରିଣତ କରିବାକୁ ଲକ୍ଷ୍ୟ ରଖି କାର୍ଯ୍ୟ ଜାରି ରହିଛି । ୧୨୫ଟି ପ୍ରକଳ୍ପ ପାଇଁ ଖର୍ଚ୍ଚ ହେଉଛି ୯୩୦ କୋଟି ଟଙ୍କା । ଏବେ ଏଠାରେ ପର୍ଯ୍ୟଟକଙ୍କ ସଂଖ୍ୟା ମଧ୍ୟ ବଢ଼ିଛି । ଚଳିତ ବର୍ଷ ୧୧ ମାସ ମଧ୍ୟରେ ଆସିଛନ୍ତି ୨ କୋଟି ପର୍ଯ୍ୟଟକ । ଆଉ ଏହାର ଲାଭ ସିଧାସଳକ ସ୍ଥାନୀୟ ଲୋକଙ୍କୁ ମିଳିଛି । ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ଭାରତ ସରକାର ଅନେକ ପଦକ୍ଷେପ ନେଇଛନ୍ତି । ସ୍ଥାନୀୟ ଲୋକେ ମଧ୍ୟ କେନ୍ଦ୍ର ସରକାରଙ୍କ ଏହି ପଦକ୍ଷେପକୁ ପ୍ରଶଂସା କରିଛନ୍ତି । 

ଅଧିକ ପଢନ୍ତୁ ଭାରତ ଖବର