ଅର୍ଗସ ବ୍ୟୁରୋ: ବାଂଲାଦେଶରେ ପୁଣି ହିନ୍ଦୁ ମାନଙ୍କୁ ଟାର୍ଗେଟ୍ । ବାଂଲାଦେଶର ଚଟ୍ଟୋଗ୍ରାମରେ ଆଧ୍ୟାତ୍ମିକ ଗୁରୁ ଶ୍ୟାମ ଦାସ ପ୍ରଭୁଙ୍କୁ ଗିରଫ କରାଯାଇଛି । ସେ ଜେଲରେ ଥିବା ଚିନ୍ମୟ କୃଷ୍ଣ ଦାସଙ୍କୁ ଭେଟିବାକୁ ଯାଇଥିଲେ । ଏହାପରେ ତାଙ୍କ ବିରୋଧରେ ବାଂଲାଦେଶ ସରକାରଙ୍କ ପକ୍ଷରୁ ଦମନମୂଳକ ପଦକ୍ଷେପ ନିଆଯାଇଛି । କିନ୍ତୁ ତାଙ୍କୁ କାହିଁକି ଗିରଫ କରଯାଇଛି ସେ ନେଇ ସ୍ପଷ୍ଟ କରାଯାଇନାହିଁ । 

ଶ୍ୟାମ ଦାସ ପ୍ରଭୁଙ୍କୁ ଗିରଫ କରାଯାଇଥିବା ଇସକନର କୋଲକତା ମୁଖ୍ୟପାତ୍ର ରାଧାରମଣ ଦାସ ସୂଚନା ଦେଇଛନ୍ତି । ସେପଟେ ଭୈରବନଗର ସ୍ଥିତ ଇସକନ୍ ମନ୍ଦିରରେ ଭଙ୍ଗାରୁଜା ହୋଇଛି ।  ବାରମ୍ବାର ହିନ୍ଦୁ ଧର୍ମଗୁରୁମାନଙ୍କୁ ଟାର୍ଗେଟ୍ କରାଯାଉଥିବାରୁ ଏହାକୁ ନେଇ ବାଂଲାଦେଶ ଓ ଭାରତରେ କଡା ପ୍ରତିବାଦ ହୋଇଛି । ଗତ ମଙ୍ଗଳବାର ଚିନ୍ମୟ କୃଷ୍ଣ ଦାସଙ୍କୁ ଦେଶଦ୍ରୋହ ଅଭିଯୋଗରେ ଗିରଫ କରଯାଇଥିଲା । ତାଙ୍କର ଜାମିନ ଆବେଦନ ଖାରଜ ହୋଇଛି । ହିନ୍ଦୁମାନଙ୍କୁ ସୁରକ୍ଷା ଯୋଗାଇବା ସହ ଗିରଫ କରାଯାଇଥିବା ଧର୍ମଗୁରୁମାନଙ୍କୁ ତୁରନ୍ତ ମୁକ୍ତ କରିବାକୁ ଦାବି ହୋଇଛି ।