ଦିଲ୍ଲୀ ସ୍କୁଲକୁ ପୁଣି ବୋମା ଧମକ । ଲଗାତାର ତୃତୀୟ ଦିନରେ ବି ସ୍କୁଲକୁ ଉଡ଼ାଇ ଦେବାକୁ ଇମେଲ୍ ରେ ମିଳିଛି ଧକମ । ତିନି ଦିନ ମଧ୍ୟରେ ୧୧ ଟି ଇମେଲ ଆସିଛି । ବସନ୍ତ ବିହାରର ସେଣ୍ଟ ଥୋମାସ ଓ ଦ୍ବାରକା ସ୍କୁଲକୁ ଧମକ ପୂର୍ଣ୍ଣ ମେଲ୍ ମିଳିଥିବା ଅଭିଯୋଗ ପରେ ସ୍କୁଲରେ ଆତଙ୍କିତ ହୋଇ ପଡିଥିଲେ ଛାତ୍ରଛାତ୍ରୀ । ସ୍କୁଲରେ ପହଞ୍ଚିଛନ୍ତି ବୋମା ନିଷ୍କ୍ରିୟକାରୀ ଟିମ ଓ ପୋଲିସ । ଗତ ଦୁଇ ଦିନ ମଧ୍ୟରେ ତଦନ୍ତରେ ପୋଲସକୁ କୌଣସି ସନ୍ଦିଗ୍ଧ ବସ୍ତୁ ମିଳିନାହିଁ । ବାରମ୍ବାର ସ୍କୁଲକୁ ଧମକ ଦେଉଥିବା ଅପରାଧୀକୁ ଧରିବା ପାଇଁ ସାଇବର ସେଲ୍ ପକ୍ଷରୁ ଉଦ୍ୟମ ଜାରି ରହିଛି ।

ଗତକାଲି ଦିଲ୍ଲୀ ୟୁନିଭରସିଟି ଅଧୀନ ସେଣ୍ଟ ଷ୍ଟିଫେନ କଲେଜ ଓ ଦ୍ବାରକା ସ୍କୁଲକୁ ଉଡାଇ ଦେବାକୁ ଧମକ ଦିଆଯାଇଥିଲା । କଲେଜ ପରିସରରେ 4ଟି RDX ବୋମା ଲଗାଯାଇଥିବା ଇମେଲରେ ଦାବି କରାଯାଇଥିଲା । ୨ ଦିନ ପୂର୍ବରୁ ଚାଣକ୍ୟପୁରୀର ନେଭି ସ୍କୁଲ ଓ ଦ୍ବାରକାର CRPF ସ୍କୁଲକୁ ବୋମାରେ ଉଡାଇଦେବାକୁ ଧମକପୂର୍ଣ୍ଣ ଇମେଲ ମିଳିଥିଲା । ସେପଟ ଅମୃତସର ସଚଖଣ୍ଡ ଶ୍ରୀ ହରମନ୍ଦିର ସାହିବକୁ ମଧ୍ୟ ତୃତୀୟ ଥର ପାଇ ବୋମା ମାଡ଼ କରି ଉଡାଇ ଦେବାକୁ ଧମକ ଦିଆଯାଇଛି ।